Чӑваш драма театрӗн пабликӗнчен илнӗ сӑнӳкерчӗк

Чӳк уйӑхӗн 20-мӗшӗнче, 18 сехет те 30 минутра «Культура.РФ» порталта «Салампи» спектакль кӑтартассине пӗлтернӗччӗ-ха.

Унччен маларах, чӳк уйӑхӗн 5-мӗшӗнче, 18 сехет те 30 минутра вара «Культура.РФ» порталта «Хӗрлӗ кӗпеллӗ телей» спектакле онлайн мелӗпе vk.ru/away.php?to=https://vkvideo.ru/live-96482380_456240386&utf=1 каҫӑпа е culture.ru сайтра курма май килӗ.

Аса илтерер: асӑннӑ спектакле театрта 2024 ҫулхи ҫӗртме уйӑхӗн 11-мӗшӗнче кӑтартнӑччӗ. Пьеса авторӗ — Арсений Тарасов. Спектакле Валерий Яковлев режиссёр лартнӑ. Драмӑри ӗҫсем арканнӑ пӗр ялта пулса иртеҫҫӗ. Унта Ҫирахви карчӑк хӑйӗн килӗнче пӗчченех тӑрса юлнӑ. Пӗчченлӗхрен хӑрушши ҫук теҫҫӗ те, кинеми савӑнӑҫа хӑйне май тупнӑ.

vk.ru/dramteatr21 сӑнӳкерчӗкӗ

Чӳк уйӑхӗн 20-мӗшӗнче, 18 сехет те 30 минутра «Культура.РФ» порталта чӑвашла спектакль кӑтартӗҫ. Куракансем ҫав кун «Салампи» спектакле онлайн мелпе vk.ru/away.php?to=https://vkvideo.ru/live-96482380_456240385&utf=1 каҫӑпа е culture.ru сайтра курайӗҫ.

Театрта пӗлтернӗ тӑрӑх, «мелодрама сцена ҫинче повеҫри сӑнарсене чӗртсе тӑратать. Вӗсем куракана вӑхӑта парӑнман чӑн-чӑн юрату ҫинчен каласа парӗҫ. Ҫак тарӑн туйӑма хирӗҫ тӑракансем те пур кунта. Анчах вӗсем хӑйсен икӗпитлӗхне пытараймӗҫ».

Ку спектакле пуҫласа 2024 ҫулта кӑтартнӑччӗ. Ун чухнехи театрӑн черетлӗ сезонне шӑпах унпа уҫнӑччӗ. Александр Артемьевӑн «Салампи» пьесипе хатӗрленӗ ӗҫе чӑваш халӑх артистки Наталия Сергеева режиссёр лартнӑ.

Ӗнер, юпа уйӑхӗн 13-мӗшӗнче, Чӑваш патшалӑх академи драма театрӗнче театра юратакансен клубӗн черетлӗ ларӑвӗ иртнӗ. Культура учрежденийӗнче пӗлтернӗ тӑрӑх, унта юлашки тапхӑрта тухнӑ спектакльсене куракансемпе пӗрле сӳтсе явнӑ, «Чӑваш театрӗн цифрӑллӑ энциклопедийӗ» проект ҫинчен калаҫнӑ, малашнехи тӗллевсене палӑртса хӑварнӑ.

Клуба театртӑн литературӑпа драматурги пайӗн заведующийӗ, Чӑваш Енӗн ӳнер тава тивӗҫлӗ ӗҫченӗ Марина Карягина ертсе пырать. Тӗлпулу темине «Пӗтӗм тӗнче — театр» ят панӑ.

«Эпир пурнӑҫпа тан утма тӑрӑшатпӑр, анчах ун хыҫҫӑн суккӑрла талпӑнмастпӑр. Пирӗн паянхи тӗп тӗллев — ӗмӗрсен диалогӗ. Эпир классикӑна чунтан хисеплетпӗр, анчах ӑна паянхи кунпа ҫыхӑнтаратпӑр. Театра ҫамрӑксене те килтерес килет пирӗн», – тенӗ театрӑн тӗп режиссёрӗ, чӑваш халӑх артистки Наталия Сергеева.

Театр директорӗ Елена Николаева «Чӑваш театрӗн цифра энциклопедийӗ» пирки сӑмах хускатнӑ.

Ку канмалли кунсенче мана ушкӑнпа пӗрле Атӑл леш енче ярӑнма чӗнчӗҫ. Хамӑр патри Йӑлӑм ене мар, Чикме енне. Карасьяр, Нужьяр кӳлӗсем патне. Ку кану ҫулӗ ҫинче чи кӑсӑклӑ вырӑн маншӑн 1913 ҫулта туса лартнӑ Карасьярти канифольпе скипидар кӑларакан савут пулса тӑчӗ.

Ҫула тухни

Кӑҫал эп квадроциклпа пӗрремӗш ҫул ярӑнатӑп. Ҫавна май 2 пин ытла ҫухрӑм чупма ӗлкӗртӗм те ӗнтӗ. Ҫӗнӗ техника-ҫке! Анчах ытларах пайне — пӗччен. Юрҫӳренпе ярӑнма ман пӗлӗшсен ушкӑнӗ пур пулсан, квадроциклпа ярӑнмашкӑн — ҫук. Ҫуркуннерен пӗрле ярӑнмалли ушкӑна шыратӑп. Чылайӑшӗ хӑйсен патне ют ҫынна илесшӗн мар. Паллӑ ӗнтӗ — палламан ҫынпа ярӑнма йывӑртарах. Темле вӑл. Характерӗ те паллӑ мар, тата, тен, ушкӑна кая туртса пырӗ... Пӗлекен ҫынсемпе ярӑнма меллӗрех.

Вӑт вара шӑпах ҫак юпан 10-мӗшӗнче мана пӗр ушкӑнпа пӗрле ярӑнма чӗнсен эп хаваспах килӗшрӗм. Чикме патӗнчен стартлама тивни те чарса тӑмарӗ. Хамӑн машшин ҫукран квадрика илсе ҫитерме пулӑшакан ҫынпа ҫыхӑнтӑм.

Малалла...

Чаваш патшалӑх филармонийӗн сӑнӳкерчӗкӗ

Професилле артистсен пултарулӑхне хакалакансем валли ырӑ хыпар пӗлтерер. Пирӗн республикӑн тӗп хулинче, Шупашкарта, эстрадӑпа джаз музыкин пӗтӗм Раҫҫейри фестивалӗ иртет. «Чебоксарская квинтоль» ят панӑ мероприяти юпа уйӑхӗн 7-мӗшӗнче уҫӑлнӑ, чӳк уйӑхӗн 5-мӗшӗнче вӗҫленӗ.

Ку фестиваль эстрадӑпа джаз музыкине кӑмӑллакансемшӗн чӑннипех те паха пулӑм. Чӑваш патшалӑх филармонийӗн сцени ҫине ытти регионти ӑстасем те тухӗҫ. Сӑмахран, Ярославль хулинчи патшалӑх филармонийӗн «Филармоник-бэнд» ансамблӗ (Димитрий Ильичёв протоирей ертсе пырать), Тутарстанри джаз-оркестр (дирижёрӗ — Тутарстан Республикин тава тивӗҫлӗ артисчӗ Сергей Васильев).

Программӑпа Чӑваш патшалӑх филармонийӗн сайтӗнче паллашма пулать.

Чӑваш патшалӑх юрӑпа ташӑ ансамблӗн сӑнӳкерчӗкӗ

Чӑваш патшалӑх юрӑпа ташӑ ансамблӗн артисчӗсем юлашки вӑхӑтра пултарулӑх каҫӗ ирттерме пуҫларӗҫ. Аса илтерер: маларах ун пеккине Алёна Николаева тата Наталья Мингазова йӗркеленӗччӗ. Ҫывӑх вӑхӑтра концерта Валентина Кокотанова йыхравлать.

Валентина Кокотанова хӑйӗн пултарулӑх каҫне «Поёт душа – живёт Россия!» (чӑв. Чун юрлать — Раҫҫей пурнать) ят панӑ. Мероприяти чӳк уйӑхӗн 3-мӗшӗнче Чӑваш патшалӑх культура институтӗнче иртӗ. Вӑл 18 сехет те 30 минутра пуҫланӗ.

Юрӑпа ташӑ ансамблӗпе пӗрле артист халӑх тата автор юррисене шӑрантарӗ. Сӑмахран, «Я лечу над Россией», частушки под гармонь «Матаня», «Что за песни распевают на Руси», «Тополя» тата ыттисем янӑрӗҫ. Вӗсем культура эткерлӗхӗн тӗнче фондӗнчи юрӑсем шутланаҫҫӗ.

cap.ru сайтри сӑн

Чӑваш патшалӑх оперӑпа балет театрӗнче Максим Михайлов ячӗллӗ Пӗтӗм тӗнчери XXXVI опера фестивалӗ пуҫланнӑ. Ӑна 1991 ҫултанпа Чӑваш Енре ҫуралнӑ опера юрӑҫи ячӗпе ирттереҫҫӗ.

Фестиваль Мария Фомичева Петр Чайковскин ҫӗнӗлле лартнӑ «Евгений Онегин» опера премьерипе уҫӑлнӑ. Фестиваль программине тӗнче репертуарӗнчи хайлавсем, наци оперисем, цифра проекчӗсем кӗнӗ. Шкул ачисемпе студентсем валли уйрӑм постановкӑсем пулӗҫ, вӗсем билетсене «Пушкин карттипе» туянма пултарӗҫ. Программӑра гала-концерт тӗп вырӑн йышӑнать. Унта Раҫҫейри Наци филармони оркестрӗ те (Владимир Спиваков тата Раҫҫей халӑх артистки Хибла Герзмава ертсе пыраҫҫӗ) хутшӑнать.

Пӗтӗм тӗнчери опера фестивалӗ чӳк уйӑхӗн 22-мӗшӗччен пырӗ. Пурне те хапӑлласа кӗтеҫҫӗ!

Чӑваш Республикинче «Литературӑллӑ Чӑваш Ен: 2025 ҫулхи кӗнеке» конкурс старт илнӗ. Ӑна ЧР Наци вулавӑшӗ ЧР Культура министерстви, Раҫҫей Ҫыравҫӑсен пӗрлӗхӗн регионти уйрӑмӗ, Чӑваш кӗнеке издательстви тата Чӑваш патшалӑх гуманитари ӑслӑлӑхӗсен институчӗ пулӑшнипе йӗркелет.

Унта 2025 ҫулта чӑвашла тата вырӑсла пичетленсе тухнӑ кӗнекесем хутшӑнаҫҫӗ. Ҫӗнтерӳҫӗсене темиҫе номинаципе палӑртӗҫ. Тӗслӗхрен, «Чи нумай вуланакан кӗнеке», «Ачасемпе ҫамрӑксем чи нумай вуланӑ кӗнеке», «Литература критикӗсемшӗн чи лайӑх кӗнеке»,«Вулав лидерӗ» тата ыттисем.

Онлайн-сасӑлав ЧР Наци вулавӑшӗн сайтӗнче раштав уйӑхӗн 10-мӗшӗччен пулӗ. Ҫав вӑхӑтрах ҫыравҫӑсемпе тӗлпулусем, ҫӗнӗ кӑларӑм хӑтлавӗсем тата куравсем пулӗҫ.

Ҫӗнтерӳҫӗсен ячӗсене раштав уйӑхӗнче пӗлтерӗҫ.

Шупашкарта, юпа уйӑхӗн 6-7-мӗшӗсенче «Петров вулавӗсем» пӗтӗм Раҫҫейри ӑслӑлӑхпа практика конференцийӗ 25-мӗш хутчен иртнӗ. Унта хутшӑнакансене саламланӑ чух республикӑн культура министрӗн пӗрремӗш ҫумӗ Татьяна Казакова ӑшӑ сӑмах нумай каланӑ. Сӑмах май каласан, конференцие пуҫласа ирттерме хӑй вӑхӑтӗнче шӑпах вӑл нумай тӑрӑшнӑ иккен.

Чӑваш Енӗн наци музейне вӑл Петров-Тинехписен ҫемйин йӑх несӗлӗпе паллаштаракан паха ӗҫе парнеленӗ. Михаил Петрович Петров-Тинехпи — Татьяна Казакован ват асламӑшӗн (тен, кукамӑшӗн-тӗр. Вырӑсла хыпарта «прабабушка» тенӗ) тӑван пиччӗшӗ (тен, шӑллӗ-тӗр. Вырӑсла хыпарта «брат» тенӗ) иккен.

Пӗтӗм ҫӗршыври ӑслӑлӑхпа практика конференцийӗ Чӑваш Енӗн наци музейӗнче иртнӗ.

Чӑваш Енӗн наци вулавашӗн сӑнӳкерчӗкӗ

Юпа уйӑхӗн 20-21-мӗшӗсенче Чӑваш Енӗн Наци вулавӑшӗнче издательство продукцийӗн тата электрон ресурссен куравӗ ӗҫлӗ. Ӑна «Библиотечные фонды: проблемы и решения» (чӑв. Библиотека фончӗ: ыйтусем тата вӗсене тата парасси) пӗтӗм Раҫҫейри XIX ӑслӑлӑхпа практика конференцийӗ иртнӗ май йӗркелӗҫ.

Курав ҫӗршывӑн вулавӑшӗсене, кӗнеке кӑларакан тата ӑна сутакан организацисене пӗр-пӗринпе паллаштаракан лапам пулса тӑрӗ.

Экспозицие федераци шайӗнчи тата регионсенчи 15 издательствӑпа паллаштарӗҫ. Федераци шайӗнчисенчен ҫаксем: «Инфра-М» компани ушкӑнӗ, «АСТ», «Речь», «Рипол Классик», «Омега-Л» издательствӑсем, «Феникс» суту-илӳ центрӗ, «Азбука», «Детская литература», «Архипелаг» тата «КноРус». Чӑваш Енри издательствӑсенчен вара ҫаксем: Чӑваш кӗнеке издательстви, «Новое время» типографи; унсӑр пуҫне Чӑваш патшалӑх гуманитари ӑслӑлӑхӗсен институчӗн, ЧПУн тата Врачсен пӗлӗвне ӳстерекен институтӑн редакципе издательство пайӗсем.