«Контактра» халӑх тетелӗнчи сӑн

Кӗҫех ТНТ каналпа чӑваш каччи ӳкерӗннӗ сериала кӑтартӗҫ.

Елчӗк тӑрӑхӗнчи Аслӑ Таяпа ялӗнче ҫуралса ӳснӗ Владимир Тяптушкин ҫӗнӗ кинопроекта хутшӑнать.

Хальхинче вӑл «Тля» сериалта ӳкерӗнӗ. Сериал режиссерӗсем – Сэм Литовчин тата Артем Гончаров.

Тӗп рольсене Владимир Тяптушкинсӑр пуҫне Дмитрий Журавлев, Анна Хилькевич, Борис Хвошнянский, Андрей Пынзару вылӗҫ.

«Контактри» сӑн

Шупашкарта пурӑнакан Валентина Вислобокова 103 ҫул тултарнӑ. Валентина Петровна 1922 ҫулта Рязань облаҫӗнчи Шацк хулинче ҫуралнӑ. Вӑл йывӑр ӗҫ мӗн иккенне ҫамрӑкранпах пӗлет — вӑрҫӑ ҫулӗсенче окоп чавнӑ, Рязаньти заводра ӗҫленӗ, снарядсен пахалӑхне тӗрӗслесе тӑнӑ.

1942 ҫулта Валентин Шупашкара куҫса килнӗ. Вӑрҫӑ пӗтсен вара вӑл пӗртӑванӗсемпе пӗрле Кемерево облаҫне тухса кайнӑ, шахтӑра кӑмрӑк кӑларнӑ. Каялла Шупашкара таврӑнсан стоматологи поликлиникинче санитаркӑра нумай ҫул ӗҫленӗ. Халӗ ӑна хулари «Текстильщик» микрорайонта нумайӑшӗ пӗлет.

«Контактра» халӑх тетелӗнчи сӑн

Шупашкар хӗрӗ Анастасия Букина «Раҫҫей Ҫӗр миссисӗ» конкурсра палӑрнӑ. Вӑл «Раҫҫей бизнес миссисӗ» номинацире ҫӗнтернӗ.

Настя Санкт-Петербургра пурӑнать. Вӑл виҫӗ ача ҫуратнӑ, чылай ҫул ресторан бизнесӗнче вӑй хунӑ, 4 ресторанӑн директорӗ пулнӑ. Хальхи вӑхӑтра вара Анастасия тӗрлӗ курс, ӑсталӑх класӗ йӗркелет. Вӗсене хӗрарӑмсем ҫӳреҫҫӗ.

Палӑртмалла: Анастасия илем конкурсӗсене час-часах хутшӑнать. Кӑҫал вӑл акӑ «Санкт-Петербург тата Ленинград облаҫӗн миссисӗ» конкурса хутшӑннӑ, унта финала лекнӗ.

«Контактри» сӑн

Ольга Святопольская тивӗҫлӗ канура пулсан та ахаль ларма юратмасть. Вӑл вӗтӗ шӑрҫаран чӑвашла эрешсем тӗрлет.

Ольга Святопольская чӑваш наци эрешӗсене ӑсталать. Тӗслӗхрен, пуҫа тӑхӑнмалли хатӗрсем, пиҫиххисем, алкасем... Вӗсене курас тесен Шупашкарти «Пехет» агромаркета ҫитмелле. Вӑл кашни шӑматкун вӗсене унта илсе пырать.

Палӑртмалла: Ольга «Изумрудный павлин» конкурс лауреачӗ пулса танӑ. Вӑл тӑрӑшнипе ҫитӗнекен ӑру чӑваш культурипе ҫывӑхрах паллашать — Ольга Святопольская ача пахчисенче, шкулсенче, культура ҫурчӗсенче ӑсталӑх класӗсем ирттерет.

cap.ru сайтри сӑн

Чӑваш Енри участковӑй Михаил Обломов Пӗтӗм Раҫҫейри «Халӑх участковӑйӗ» конкурсӑн финалне ҫитнӗ.

Вӑл РФ ШӖМӗн Ҫӗмӗрлери уйрӑмӗнче ӗҫлет. Ку тытӑмра 2020 ҫултанпа вӑй хурать. Участковӑй тивӗҫне 2021 ҫулхи нарӑс уйӑхӗнче пурнӑҫлама тытӑннӑ. Унӑн участокӗнче 4 пине яхӑн ҫын пурӑнать.

Халӗ сасӑлав пырать. Ентешӗмӗре ҫӗнтерме пулӑшас тесен ҫак каҫӑпа кайса сасӑламалла: https://www.kp.ru/media/1019449/?participant=6901d69292bb0c0008fdbb71&share.id=6901d69292bb0c0008fdbb6f&share.imageClass=beige&share.imageId=637777a8a0a078df2efad058632f1c53&share.template=.

cheb-centr.soc.cap.ru сӑнӳкерчӗкӗ

Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрта уйрӑм пуҫлӑхӗнче ӗҫлекен Татьяна Ильина паян 60 ҫул тултарнӑ.

Татьяна Викентьевӑна социаллӑ сферӑна нуша илсе ҫитернӗ тесен те йӑнӑш мар. 1995 ҫул. Республикӑра, ҫӗршыври пекех, йывӑр лару-тӑру хуҫаланнӑ, шӑпӑрлансем сахал пирки ача пахчисене хупма тапранса кайнӑ. Психолог-педагога вӗренсе тухнӑ хӗрарӑм ӗҫсӗр тӑрса юлнӑ, ҫав вӑхӑтра ӑна ачасен реабилитаци центрне ӗҫе йыхравланӑ.

Унта пилӗк ҫул ӗҫлесен вӑл халӑха социаллӑ пулӑшу паракан центра куҫнӑ. Халӗ Татьянга Викентьевна хӑйне урӑх сферӑра курмасть те ӗнтӗ. Унта — унӑн юратнӑ ӗҫ вырӑнӗ, ӗҫтешӗсем, пулӑшу кӗтекен ватӑсем.

Алексей Рюмин страницинчен тата Ҫамрӑксен театрӗн сайтӗнчен илне сӑнӳкерчӗксемпе уса курнӑ

Чӑваш Ен Элтеперӗн юпа уйӑхӗн 30-мӗшӗнчи Хушӑвӗпе килӗшӳллӗн республикӑри икӗ артиста тава тивӗҫлӗ ят пама йышӑннӑ.

Чӑваш патшалӑх оперӑпа балет театрӗн балет артистне Алексей Рюмина «хорегорафи ӳнерӗнчи тава тивӗҫлӗ ӗҫсемшӗн тата пултарулӑхра нумай ҫул тӑрӑшнӑшӑн», Чӑваш патшалӑх ҫамрӑксен театрӗн артистне Владимир Свинцова «театр ӳнерӗнчи тава тивӗҫлӗ ӗҫсемшӗн тата нумай ҫул тухӑҫлӑ ӗҫленӗшӗн» «Чӑваш Республикин тава тивӗҫлӗ артисчӗ» ят панӑ.

mvprint.ru сайтри сӑн

Чӑваш эстрада юрӑҫине Алексей Московские «Чӑваш Республикин культурӑн тава тивӗҫлӗ ӗҫченӗ» ята панӑ. Хушӑва ЧР Элтеперӗ Олег Николаев ӗнер алӑ пуснӑ.

Алексей Московский 1981 ҫулхи ҫӗртмен 14-мӗшӗнче Елчӗкре ҫуралнӑ. Хӑй каланӑ тӑрӑх, ача чухне вӑл тытӑнчӑклӑн калаҫнӑ, урокра ытлах сӑмах хушман.

forum.na-svyazi.ru сӑнӳкерчӗкӗ

Чӑваш Енӗн Строительство министерствине пӑхӑнса тӑракан «Чӑвашгаз» унитарлӑ предприяти директорӗ пулма Владимир Доброхотова шаннӑ. Ҫӗнӗ пукана вӑл ырантан, чӳк уйӑхӗн 1-мӗшӗнчен, йышӑнӗ.

Ҫав ҫын унччен те пысӑк должноҫсенче тимленӗ. «Ҫыхӑнура» форумра палӑртнӑ тӑрӑх, ытларах чухне — влаҫ органӗсенче. 2011 ҫулта вӑл пӗр вӑхӑт Шупашкар хула администрацийӗн пуҫлӑхӗн ЖКХ енӗпе ӗҫлекен ҫумӗ пулнӑ, 2011-2015 ҫулсенче – «Дорэкс» директорӗ, 2015 ҫулхи юпа уйӑхӗнчен пуҫласа 2016 ҫулхи ҫӗртме уйӑхӗччен республикӑн транспорт министрӗнче тӑрӑшнӑ, кайран — ял хуҫалӑх министрӗн ҫумӗнче, унтан —Чӑвашупрдор директорӗнче...

«Контактра» халӑх тетелӗнчи сӑн

Икӗ полицейски, упӑшкипе арӑмӗ, преступнике тытса чарма пулӑшнӑ.

Михаил Игнатьев мӑшӑрне кӗтме тухнӑ. Ҫав вӑхӑтра арҫынна асӑрханӑ: вӑл шыраври преступнике, ҫӗҫӗпе ҫынна тапӑннӑскере, аса илтернӗ. Кун пирки тӳрех службӑна пӗлтернӗ.

Унӑн мӑшӑрӗ Екатерина ун патне пырса сӑмах хускатнӑ – лешӗ тарса ан ӗлкӗртӗр тенӗ. Вӗсем патне Михаил пынӑ, имӗш Екатеринӑн «кӗвӗҫ упӑшки». Темиҫе минутран патруль ҫитнӗ. Ҫапла рецидивиста тытса чарнӑ.