Cap.ru сӑнӳкерчӗкӗ

Мускавра, Федераци Канашӗнче, «Семья года» (чӑв. Ҫулталӑк ҫемйи) пӗтӗм Раҫҫейри конкурсӑн йӗркелӳ комитечӗн ларӑвӗ иртнӗ.

Унта «Золотая семья» (чӑв. Ылтӑн ҫемье) номинаци те пур. Унпа 30 ҫул ытла пурӑннӑ мӑшӑрсене чыслаҫҫӗ.

Ку номинацире саккӑр ҫемье палӑрнӑ. Улттӑмӗш вырӑна Шупашкарти Тихоновсем йышӑннӑ.

Иван Александрович тата Валентина Евгеньевна Тихоновсем 32 ҫул пӗрле пурӑнаҫҫӗ. Икӗ хӗрпе виҫӗ ывӑл ҫуратса ӳстернӗ. Кил хуҫи, Иван Александрович, Шӑмӑршӑ районӗнче ҫуралнӑ, Вӑрнарти ял хуҫалӑх техникумӗнчен вӗренсе тухнӑ. Ӗмӗрне тӑван тӑрӑхра ӗҫлесе ирттернӗ. Унӑн мӑшӑрӗ. Шупашкар районӗнче ҫуралнӑ Валентина Евгеньевна та, ҫав заведенире вӗреннӗ. Халӗ Шупашкарти 1-мӗш клиника пульницинче ӗҫлет.

"Контактри" сӑн

Чӑваш Енри ӑста повар Александр Гониашвили «Профессире — чи лайӑххи» Пӗтӗм Раҫҫейри конкурсра палӑрнӑ.

Вӑл Вологда хулинче иртнӗ, тупӑшӑва тӗрлӗ регионти 15 повар хутшӑннӑ.

Вологда облаҫӗнчи Константин Балдышев ҫӗнтерӳҫӗ ятне тивӗҫнӗ. Ӑна 1 миллион тенкӗпе хавхалантарнӑ. Свердловск облаҫӗнчи Михаил Осовалюк 500 пин тенке тивӗҫнӗ. Александр Гониашвили вара виҫҫӗмӗш вырӑна тухнӑ. Ӑна 300 пин тенкӗ парса чысланӑ.

«Контактри» сӑн

Шупашкарти трактор историйӗн музейӗ Ленинград облаҫӗнче чӑн-чӑн шоу кӑтартнӑ.

Унта сухалас енӗпе Раҫҫейӗн уҫӑ чемпионачӗ иртнӗ. Шупашкарти музей 22 раритет трактор тата ӗҫ хатӗрӗ кӑтартнӑ. Элӗк округӗнчи «Валинкке» халӑх ансамблӗн артисчӗсем вара юрӑ-ташӑпа савӑнтарнӑ. Вӗсем костюм тӑхӑнса пирӗн йӑх-несӗлсем ҫурлапа, кӗреплепе епле ӗҫленине кӑтартса панӑ.

Паша Ангелина ячӗллӗ хӗрарӑмсен трактор бригадине куракансем уйрӑмах хапӑлласа йышӑннӑ. Хӗрарӑмсем техникӑна «итлеттернӗ» май юрланӑ та, ташланӑ та.

«Контактри» сӑн

Японири Осако хулинче ҫамрӑк изобретательсен конкурсӗ иртнӗ. Унта Шупашкарти ҫамрӑксем пысӑк ҫитӗнӳ тунӑ.

Абруков ячӗллӗ Ӑслӑлӑх коллабрацийӗн ҫуртӗнче ӑсталӑхне туптакан Иван Воронцов, Вадим Фесенко тата Виктория Копышева хӑйсен «СМАРТ «ТорфоТрак» проекчӗпе кӗмӗл медаль ҫӗнсе илнӗ.

Вӗсем торф кӑлармалли навигациллӗ пилотсӑр система хатӗрленӗ. Ҫамрӑксем каланӑ тӑрӑх, ку торфяниксенчи ӗҫе хӑрушсӑр, тухӑҫлӑ тата экологи тӗлӗшӗнчен таса пурнӑҫлама май парать.

Пӗтӗмӗшле илсен, Раҫҫей команди ӑмӑртуран 8 медаль илсе килнӗ.

Ҫурлан 10-мӗшӗнче Атӑлҫи тӑрӑхӗнче, ҫав шутра Чӑваш Енре те, хӑйне евӗрлӗ астрономи пулӑмне курма пулать. Ун пеккине темиҫе ҫулта пӗрре кӑна курма май пур.

Ҫав кун Хӗвел системинчи ултӑ планета – Меркурий, Венера, Юпитер, Сатурн, Уран тата Нептун — пӗр линие вырнаҫӗҫ.

Ӑна уйрӑмах ялта, хула ҫутинчен аяккарах, сӑнама меллӗ. Чи лайӑх вӑхӑт – 3:50 сехетрен пуҫласа 4:40 сехет таран.

Ҫӗмӗрлери Пӗрремӗш Петӗр юманӗ «Раҫҫейри ҫулталӑк йывӑҫӗ» сасӑлавра иккӗмӗш вырӑн йышӑннӑ. Вӑл 25,5 пин ытла сасӑ пухнӑ. Пӗрремӗш вырӑнта – Ростов облаҫӗнчи «Бабушка Ива», уншӑн 37,5 пин ытла ҫын сасӑланӑ. Виҫҫӗмӗш вырӑнта – Крымри Суворов юманӗ.

Сӑмах май, 2023 ҫулта сасӑлавра Муркаш округӗнчи Ильинкӑри 372 ҫулти юман ҫӗнтернӗ. Пӗлтӗр вара Ҫӗмӗрлери юман тӑваттӑмӗш вырӑна тухнӑ.

«Контактри» сӑн

«iВолга» форума Чӑваш Енри 65 ҫамрӑк хутшӑнӗ. Вӑл Самар облаҫӗнче утӑ уйӑхӗн 24-29-мӗшӗсенче иртӗ.

Кӑҫал форума Атӑлҫи федераци тӑрӑхӗнчи регионсенчен 1400 ытла яш-хӗр пухӑнӗ. Вӗсем валли тӗрлӗ лапам ӗҫлӗ: «Наука, «IT тата цифра технологийӗсем», «Патриотизм», «Культура тата искусство», «Ҫӑлав служби», «Промышленноҫ комплексӗ», «Управлени».

Кунсӑр пуҫне ҫамрӑксем форумра хӑйсен проекчӗсене хӳтӗлӗсе гранта тивӗҫме пултарӗҫ.

www.cap.ru сӑнӳкерчӗкӗ

Раҫҫей Федерацийӗн Федерацин хӑрушсӑрлӑх службие йӗркеленӗренпе ута уйӑхӗн 20-мӗшӗнче 105 ҫул ҫитнӗ. Ҫав ятпа Чӑваш Ен Элтеперӗ Олег Николаев асӑннӑ служба ӗҫченӗсене саламланине республикӑн влаҫ органӗсен официалла порталӗнче вырнаҫтарнӑ.

«Ҫак юбилей уйрӑм пӗлтерӗшлӗ, вӗт шӑпах 105 ҫул каялла Чӑваш автономи облаҫне йӗркеленӗ. Сирӗн умӗнхи ӗҫтешӗрсем республика йӗркеленсе тата ҫирӗпленсе пынӑ ҫулсенче хӑрушсӑрлӑхпа йӗркелӗхе тивӗҫтерсе тӑнӑ.

Сирӗн служба юбилейне Аслӑ Ҫӗнтерӳ 80 ҫул тултарнӑ тапхӑрта паллӑ тӑватпӑр. Ӑна ҫывхартас ӗҫе патшалӑх хӑрушсӑрлӑхӗн органӗсен ветеранӗсем пысӑкран та пысӑк тӳпе хывнӑ. Вӗсен паттӑрлӑхӗ пирӗншӗн Тӑван ҫӗршыва чунтан парӑннине палӑртакан паха тӗслӗх шутланать.

Эсир ҫав мухтавлӑ йӑла-йӗркене тивӗҫлӗн малалла тӑсатӑр, хальхи вӑхӑт ҫуратакан йывӑрлӑхсене чыслӑн ҫӗнтерсе пыратӑр, тӑшманла ҫӗршывсем кӑларса тӑратакан хӑрушлӑхсене шанчӑклӑн сирсе яратӑр, патшалӑх ертӳлӗхӗ лартнӑ тӗллевсене кал-кал тата тухӑҫлӑн пурнӑҫлатӑр. Сирӗн служба паян та, пӗр ӗмӗр каяллахи пекех, регионӑн ҫирӗп аталанӑвӗн тата унта пурӑнакан ҫынсен ырлӑхӗн никӗсӗ пулса тӑрать.

Малалла...

pln-pskov.ru сайтри сӑн

Асӑрханӑр: ретроградлӑ Меркурий пуҫланнӑ. Вӑл ҫурла уйӑхӗн 11-мӗшӗччен пулӗ. Ҫапла пӗлтерет «Пуринчен малтан» телеграм-канал.

Астрологсем асӑрхаттараҫҫӗ: ҫак тапхӑрта ҫыннӑн кӑмӑл-туйӑмӗ тӑрук улшӑнма, пултарать. Ҫавна пула ӑнланманлӑх, тавлашусем сиксе тухас хӑрушлӑх пур, палӑртни пурнӑҫланмасан та пултарать. Техника та чӑхӑмласан та ан тӗлӗнӗр – йӑлтах ретроградлӑ Меркурие пула.

Астрологсем акӑ мӗн сӗнеҫҫӗ: пӗлтерӗшлӗ йышӑнусем тумалла мар, кил-ҫуртра тирпей-илем кӗртмелле, хӑвӑрпа ӗҫлемелле. Тепӗр тесен, ҫурлан 11-мӗшӗччен килте кӑна ларсан тата лайӑхрах

«Контактри» сӑн

Ҫемье тата юратупа шанчӑклӑхкунӗнче Мускавра «Раҫҫей» центрта Пӗтӗм Раҫҫейри туй фестивальне ирттересси йӑлана кӗнӗ. Ӑна кӑҫал та йӗркеленӗ. Унта чӑваш ҫамрӑкӗсем те ҫемье чӑмӑртанӑ.

Фестивале Раҫҫейӗн тӗрлӗ кӗтесӗнчен 200 ытла мӑшӑр килнӗ. Вӗсем пӗр харӑс пӗрлешнӗ. ҪаЧӑваш Енрен унта Шупашкарти Алексей Комлевпа Юлия Молчанова хутшӑннӑ.

Саламлатпӑр ҫамрӑк мӑшӑра!