Агентий Хирбиков ятлӑ ҫын «Контактра» халӑх тетелӗнчи хӑйӗн странцинче Григорий Хирпӳн асӑну хӑмине сӑрласа хуни пирки пӑшӑрханса пӗлтернӗ. Тӗрӗсрех каласан, йӑлтах мар иккен-ха, ятне ҫырнине сӑрласа хунӑ.

Кунта сӑмах Сӗнтӗрвӑрри районӗнчи Аксаринкасси ялӗнчи пирки пырать. Вӑл ҫуралнӑ вырӑнта хӑй вӑхӑтӗнче асӑну хӑми уҫнӑ.

Григорий Хирпӳ — паллӑ чӑваш композиторӗ, Чӑваш Республикин патшалӑх премийӗн лауреачӗ, РСФСР халӑх артисчӗ.

Агентий Хирбиков пӗлтернӗ тӑрӑх, пӗр икӗ ҫул каялла ҫав хӑма ҫинче композитор ятне ҫырса хунине сӑрласа хунӑ. Ҫавӑн пирки ватӑ ҫын прокуратурӑна та евитлесе пӑхнӑ иккен, унтан вара ыйтӑва администрацие ярса панӑ. Администраци йӑлтах йӗркеллӗ тесе хуравланӑ.

max.ru/channel_chuvashia_21 каналта вырнаҫтарнӑ видеоран илнӗ сӑнӳкерчӗк

Канашри таксистсем хӗрарӑм-пассажирсем ҫумне ҫулӑхаҫҫӗ. Ҫакӑн пирки каласа кӑтартнӑ асӑннӑ тӑрӑхра пурӑнакан пӗр хӗр.

Видеора вӑл пӗлтернӗ тӑрӑх, пӗрремӗш пӑтӑрмах унӑн ӗҫтешӗпе пулса иртнӗ. Смена хыҫҫӑн вӑл такси чӗнсе илнӗ. Машина вара гаражсем енне пӑрӑнса кайнӑ, унта хӗр ҫумне ҫулӑхма тытӑннӑ. Анчах нимӗн те пулса пӗтмен. Хӗр «Яндекса» патӑрмах пирки пӗлтернӗ, анчах ҫавӑн хыҫҫӑн та водитель каллех таксипе ӗҫлет иккен, вӑл каллех ҫав хӗр тӗлне лекнӗ.

Тӗпӗр тӗслӗх яла каякан хӗрарӑмпа пулса иртнӗ. Водитель приложенире кӑтартнӑ машинӑпа мар, урӑххипе пырса ларнӑ. Вӑл хӗрарӑм-пассажирпа юнашар хыҫалти ларкӑч ҫине кӗрсе ларнӑ та ун ҫумне ҫулӑхма тытӑннӑ. Анчах хӗрарӑм машинӑран тухса тарнӑ.

ИИ сӑнӳкерчӗкӗ

Патӑрьел районӗнче пурӑнакан пӗр ҫамрӑк полицейские ҫӗҫӗпе хирӗҫ тӑнӑ. Пӑтӑрмах кӑҫалхи ака уйӑхӗнче пулса иртнӗ.

24 ҫулти ӳсӗр каччӑ хӑйӗн килӗнче. верандӑра пулнӑ. Унта мӗншен йӗрке хуралҫисем пырса кӗнине республика прокуратури кӗске хыпарӗнче каламан. Каччӑ пакунлине хирӗҫ ҫӗҫӗпе тӑнӑ. Ҫавӑншӑн ун тӗлӗшпе РФ Пуҫиле кодексӗн 318-мӗш стайин 1-мӗш пайӗпе пуҫиле ӗс пуҫарнӑ.

Сӑмах май каласан, ӳсӗр каччӑ ним те туса ӗлкӗреймен.

Вӑл унччен те судпа айӑпланнӑскер пулнине кура (унччен ӑна ҫул ҫинчи пӑтӑрмаха пула явап тыттарнӑ иккен) тӗрмене хупса хумасӑр 1 ҫуллӑха ирӗкрен хӑтармалла тунӑ. Унсӑр пуҫне унӑн 230 пин тенкӗ штраф хурса панӑ. Водитель правине вара ҫулталӑк та 3 уйӑх та 6 кунлӑха туртса илмелле тунӑ.

Ӗнер, юпа уйӑхӗн 12-мӗшӗнче, Куславкка районӗнче битум цистернилле фура тӳнсе кайнӑ. Инкек «М-7» ҫул ҫинче пулса иртнӗ. Малтанласа палӑртнӑ тӑрӑх, фура водителӗ Ӗпхӳ енне кайнӑ чухне хирӗс килекен ҫул ҫине тухса кайнӑ та унта ҫул айккинелле тухса кайса чалӑшса кайса ҫаврӑнса ӳкнӗ.

Цистернӑра шӗве битум пулнӑ. Вӑл хыпса илмен. Инкекре, Турра шӗкӗр, ытти водитель шар курман.

«Мерседес» ҫурма прицеплӑ фура рулӗ умӗнче 1977 ҫулта ҫуралнӑ арҫын ларса пынӑ. Вӑл пуҫ мимине амантнӑ. Хӑй вӑл урах пулнӑ. Аманнӑскере больницӑна ӑсатнӑ.

Ӗнер Ҫӗрпӳ районӗнчи инкекре тӑватӑ каччӑ пурнӑҫӗ татӑлни пирки эпир унччен пӗлтернӗччӗ. Асӑннӑ тӗслӗхре айӑпли урӑх машина пулнӑ, ҫулпа тепӗр автомобильпе пыракан тӑватӑ ҫамрӑк пурнӑҫӗ вара татӑлнӑ.

forum.zarulem.ws сайтран илнӗ сӑнӳкерчӗк

Ӗнер, юпа уйӑхӗн 12-мӗшӗнче, Ҫӗрпӳ районӗнче ҫул ҫинче пысӑк инкек пулни пирки Чӑваш халах сайчӗ пӗлтернӗччӗ. Аса илтерер: инкек Ҫӗрпӳел ялӗнчен инҫех мар вырӑнта 15 сехет ҫурӑра пулнӑ. «А-151» федераци ҫулӗ ҫинче виҫӗ машина ҫапӑннӑ: «Ауди», «Киа» тата «ВАЗ-21099».

«Ауди» юраман ҫӗрте пысӑк хӑвӑртлӑхпа хирӗҫ ҫул ҫине тухса «Киа» машинӑна пырса лекнӗ, ун хыҫҫӑн «Киа» хирӗҫ ҫул ҫине тухса кайса «ВАЗ» машинӑпа ҫапӑннӑ. «ВАЗ» темиҫе хут ҫаврӑнса кайса ҫул хӗррине тухса ӳкнӗ. Салонра 2005, 2008, 2009 тата 2010 ҫулсенче ҫуралнӑ каччӑсем пулнӑ. Вӗсем Ҫӗрпӳри техникумра вӗреннӗ. Пӗр ял каччисем киле, Чурачӑк ялне, кайма тухнӑ.

Халӗ РФ Следстви комитечӗн Ҫӗрпӳри пайӗ «Ауди» водителӗ тӗлӗшпе РФ Пуҫиле кодексӗн 264-мӗш статйин 5-мӗш пайӗпе пуҫиле ӗҫ пуҫарнӑ. Ӑна ҫичӗ ҫул таран хупса хума пултараҫҫӗ. Суд шеллемесен. Сахалтарах памасан.

Асӑннӑ машина водительне, Ҫӗнӗ Шупашкар арҫыннине, ОСАГО полисӗсӗр ҫӳренӗшӗн кӑҫал ҫеҫ виҫӗ хутчен явап тыттарнӑ.

Инкеклӗ лару-тӑру министерстви тунӑ сӑн

Ҫӗрпӳ округӗнче паян ир енне пушар пулнӑ. Шел те, унта амӑшӗпе ывӑлӗн пурнӑҫӗ татӑлнӑ.

Пушар Виҫпӳрт Салинче пулнӑ. Ирхи 3 сехет тӗлнелле унта ҫурт ҫунма тытӑннӑ. Ҫӑлавҫӑсем ҫитиччен ҫулӑм пӳрте йӑлтах ярса илнӗ.

Пушара сӳнтерсен Инкеклӗ лару-тӑру министерствин ӗҫченӗсем икӗ ҫын виллине тупнӑ: 71 ҫулти хӗрарӑмӑнне тата 51 ҫулти арҫынӑнне. Вӗсем – амӑшӗпе ывӑлӗ.

Малтанлӑха пӗлтернӗ тӑрӑх, пушар юсавсӑр электропралука пула тухнӑ. Чӑн сӑлтавне палӑртма специалистсем судпа медицина тата пушар-техника экспертизисем ирттерӗҫ.

Патшалӑх автоинспекцийӗ тунӑ сӑн

Паян Ҫӗрпӳ округӗнче пулнӑ авари пирки тӗплӗнрех пӗлтернӗ. Аса илтерер: инкек Ҫӗрпӳел ялӗнчен инҫех мар 15 сехет ҫурӑра пулнӑ. А-151 федераци трасси ҫинче виҫӗ машина ҫапӑннӑ: «Ауди», «Киа» тата «ВАЗ-21099».

Малтанлӑха пӗлтернӗ тӑрӑх, «Ауди» юраман ҫӗрте пысӑк хӑвӑртлӑхпа хирӗҫ ҫул ҫине тухсан хӑйӗн ҫулӗ ҫине каялла таврӑннӑ чухне «Киа» машинӑна айккинчен лекнӗ, кун хыҫҫӑн «Киа» хирӗҫ ҫул ҫине тухса «ВАЗ» машинӑпа ҫапӑннӑ. «ВАЗ» темиҫе хут ҫаврӑнса ҫул хӗррине тухса ӳкнӗ. Салонра 2005, 2008, 2009 тата 2010 ҫулсенче ҫуралнӑ каччӑсем пулнӑ. Вӗсем Ҫӗрпӳре техникумра вӗреннӗ, каялла киле, Чурачӑк ялне кайма тухнӑ.

«Киа» машинӑри водитель, 1964 ҫулта ҫуралнӑ арҫын, тата 1965 ҫулхи хӗрарӑм, малта ларнӑскер, аманнӑ. Вӗсене Шупашкара Васкавлӑ медпулӑшу пульницине илсе кайнӑ. Иномарка водителӗсем урӑ пулни паллӑ.

Патшалӑх автоинспекцийӗ тунӑ сӑн

Паян Чӑваш Республикинче хӑрушӑ авари пулнӑ. Унта ҫынсен пурнӑҫӗ татӑлнӑ. Инкек Ҫӗрпӳ округӗнчи Ҫӗрпӳел ялӗнчен инҫех мар 15 сехет ҫурӑра пулнӑ.

А-151 федераци трасси ҫинче виҫӗ машина ҫапӑннӑ: «Ауди», «Киа» тата «ВАЗ-21099». Вилмеллех аманнӑ ҫамрӑксем пурте «ВАЗ-21099» машинӑра пулнӑ.

Халӗ вырӑнта Патшалӑх автоинспекцийӗн инспекторӗсем ӗҫлеҫҫӗ, авари мӗнле сӑлтава пулнине уҫӑмлатаҫҫӗ.

«Лиза Алерт» шырав отрячӗн сӑнӳкерчӗкӗ

Сӗнтӗрвӑрринче 18 ҫулти каччӑ йӗп пек ҫухалнӑ.

Алексей Витальевич Майоров юпа уйӑхӗн 9-мӗшӗнче каҫхине ҫухалнӑ. Вӑл 165 сантиметр ҫуллӗш, начаркка кӗлеткеллӗ, ҫӳҫе тӗксӗм ҫырӑ тӗслӗ, куҫе сӑрӑрах симӗс тӗслӗ.

Килтен тухса кайнӑ чухне вӑл хура тӗслӗ тумпа пулнӑ: куртки те, джинс шӑлаварӗ те, кроссовки те ҫавӑн пек тӗслӗ.

Унӑн ҫывӑх ҫыннисем тата «Лиза Алерт» шырав отрячӗн хастарӗсем тӗшмӗртнӗ тӑрӑх, ӑна 18 сехет те 30 минутран пуҫласа 21 сехет те 30 минутчен Сӗнтӗрвӑррипе Кукашни ялӗ ҫулӗ ҫинче курма пултарнӑ. Ҫавӑнпа та вӑл вахӑтра унтан машинӑпа иртсе кайнисенчен те пулӑшу ыйтаҫҫӗ: видеорегистратор мӗн ӳкерсе илнине пӑхса илме тата ҫавна кӑтартма ыйтаҫҫӗ. Ку вӑл пулӑшасса питех те шанаҫҫӗ.

Ҫӗнӗ Шупашкарта икӗ кӳршӗ наркотик сутса пурӑннӑ.

1980-мӗш тата 1992-мӗш ҫулта ҫуралнӑ арҫынсем нумай хваттерлӗ ҫуртсенчен пӗринче кӳршӗллӗ пурӑннӑ. Вӗсем 40 грамран кая мар наркотик туяннӑ та ӑна хӑйсен хваттерӗнче сутма пуҫланӑ.

Ҫывӑх вӑхӑтра кӳршӗсене Ҫӗнӗ Шупашкарти хула сучӗн тенкелӗ ҫине лартӗҫ. Вӗсене РФ Пуҫиле кодексен темиҫе статйипе айӑплӗҫ.

Чӑваш Енӗн прокуратуринче пӗлтернӗ тӑрӑх, хваттерте пакунлисем шырав ирттернӗ чухне те унта наркотик туянакансем пырсах тӑнӑ. Унта йӗрке хуралҫисем ӗҫленине пӗлмен курӑнать.

Айӑпланакансенчен пӗри хӑй те наркоман пулнӑ иккен, хӑйне валли вӑл тепӗр тӗрлӗ наркотик упранӑ. Наркоман пулманни вара ку япалана сутса укҫа тӑвас тенӗ курӑнать.