Телеграмри t.me/mintrud_21 каналтан илнӗ сӑнӳкерчӗк

Пирӗн ҫӗршывра ашшӗ-амӑшне хӳтӗлекен саккунсем нумай. Сӑмахран, ывӑл-хӗрне пӗччен ӳстерекенсене саккун ӗҫрен хӑтарма чарать.

Унччен 14 ҫула ҫитичченхи ача пуррисене ӗҫрен кӑларса яма юраман. Халӗ вара ҫав саккуна улӑштарнӑ. Ҫӗршыв Президенчӗ Владимир Путин алӑ пуснӑ саккунра 16 ҫула ҫитичченхи ачасене пӗччен ӳстерекен ашшӗ-амӑшне ӗҫрен кӑларма чарнӑ.

"Контактри" сӑн

Ҫӗмӗрле муниципаллӑ округӗнчи Егоркино ялӗнче ҫуралса ӳснӗ Илья Сафонов Пӗтӗм Раҫҫей шайӗнче иртнӗ «Сырӑш» конкурсра ҫӗнтернӗ. Экологи конкурсне йывӑҫпа ӗҫлекен 1500 ытла ӑста хутшӑннӑ. Ӑна «Экологи» наци проекчӗн «Таса ҫӗршыв» федераци проекчӗпе килӗшӳллӗн ирттернӗ.

Финала 10-шӗ кӑна тухнӑ. Вӗсен йышӗнче - Илья Сафонов та. Вӑл - ЧР Культура министерствин специалисчӗ.

Илья юманран пӗр пӑтапа та усӑ курмасӑр сырӑш ӑсталанӑ. Ун ҫине вӑл «Пашалӑх сыхлать» тесе ҫырнӑ.

pokayadoma.ru сайтри сӑн

«Балтика» компани «Русский император стаут» ятлӑ сӑра туса кӑларнӑ. Ял хуҫалӑх министрӗ Сергей Артамонов пӗлтернӗ тӑрӑх, унта Чӑваш Енре туса илнӗ хӑмлапа, «Подвязный» сортпа, усӑ курнӑ.

Ҫак хӑмла Чӑваш Енри чи йӳҫӗ сортсенчен пӗри шутланать. Ҫакна та палӑртмалла: Раҫҫейри селекци ҫитӗнӗвӗсен патшалӑх реестрне хӑмлан ҫӗнӗ икӗ сорчӗ кӗнӗ: «Ароматный» тата «Сувар». Вӗсемпе республикӑра ҫичӗ ҫул ӗҫленӗ.

Телекӑларӑм скринӗ

Ӗнер, нарӑсӑн 9-мӗшӗнче, эфира тухнӑ «Асамлӑх уйӗ» кӑларӑма пирӗн ентеш хутшӑннӑ. Етӗрнери Зоя Павлова иккӗмӗш тапхӑрта пулнӑ.

Пирӗн ентеш Леонид Якубович Чӑваш Енри Етӗрнере темиҫе хут та пулнине асӑннӑ. Пӗрремӗшӗнче - самолет вырнаҫтарнӑ чухне, иккӗмӗшӗнче - ун патне чечек хунӑ чухне, виҫҫӗмӗшӗнче - улмуҫҫи лартнӑ чухне. Эфирта Зоя Павлова амӑшне, тӑванӗсене чӑвашла салам сӑмахӗ каланӑ.

Анчах пирӗн ентеш финала тухайман.

t.me/bbbreaking каналтан илнӗ сӑнӳкерчӗк

«Автостат» агентство эксперчӗсем Раҫҫей ҫыннисем автомобиль историне епле сервиспа тӗрӗслеме кӑмӑлланине палӑртнӑ.

Патшалӑх мар сервиссенчен «Автотека» сервис (ку вӑл – «Авито Авто» проекчӗ) пӗрремӗш вырӑн йышӑннӑ.

«Автотека» сервиса респондентсенчен 79 проценчӗ пӗлет иккен. Иккӗмӗш вырӑнта – патшалӑхӑн ҫул-йӗр хӑрушсӑрлӑхӗн автоинспекцийӗн сайчӗ (59%), унтан — «Про Авто» (40%), Федерацин суд приставӗсен служби (22%), «Номерограм» (19%) тата «Автокод» (10%).

publication.pravo.gov.ru сайран илнӗ скриншот

Пирӗн ҫӗршывра пурӑнакансене тата тепӗр орден пама пуҫлӗҫ. Раҫҫей Президенчӗ Владимир Путин 2014 ҫулхи нарӑс уйӑхӗн 1-мӗшӗнче пуснӑ Хушура «Тава тивӗҫлӗ ӗҫшӗн» орден парасси ҫинчен сӑмах пырать.

Патшалӑхӑн ҫак наградине ҫӗршывӑн экономикипе оборона хӑватне ӳстерессипе тӑрӑшнисем, пысӑк тухӑҫлӑ предприятире вӑй хунисем, патшалӑх строительствинче, ӑслӑлӑхпа технологие аталантарассипе тимленисем тивӗҫӗҫ.

Чӗнтӗрлӗ хашаксемлӗ, пӗтнӗк тӗслӗ стенасемлӗ авалхи йывӑҫ ҫурта Заозерье ялӗнче ытти ҫуртсенчен тӳрех уйӑрса илӗн. Тахҫан ӗлӗк вӑл Устина Роскова купца майрин пулнӑ — хӗрарӑм шавлӑ та ҫынсем йышлӑ пурӑнакан ялта шушкӑ сутса пуйнӑ.

Ҫурт 19-мӗш ӗмӗрте

Ку ял хӑй ӗлӗк Салтыков-Щедрин амӑшӗн пулнӑ, ҫыравҫӑ ун пирки хӑйӗн «Пошехонская старина» хайлавӗнче асӑнни те пур. 18-мӗш ӗмӗрте сала пирки япӑх ят ҫӳренӗ. Ку шӑпах та ялта хупахсем йышлӑ пулнипе ҫыхӑннӑ.

Заозерьери суту-илӳ речӗсемпе купса ҫурчӗсенчен сыхланса юлнӑ пайӗ.

Кунсӑр пуҫне кунта тимӗрҫӗ лаҫҫисем ӗҫленӗ, тир-сӑран савучӗ пулнӑ. Вырӑнтисенчен нумайӑшӗ суту-илӳпе ӗҫленӗ: вырӑнти халӑхран пир туяннӑ та ӑна каярахпа ярмӑрккӑсенче сутнӑ. Майӗпен вӗсем валли ят та тупӑннӑ — маяксем.

Алена Петухова шӑпах ҫакӑнта ҫуралнӑ та. Ун чухне кунта колхоз та ӗҫленӗ, чӗнтӗрлӗ ҫурт ун аллинче пулнӑ — кунта колхоз кантурӗ вырнаҫнӑ.

Малалла...

ntv.ru сайтри видео скринӗ

Улатӑр хулинчи биолог Виктория Штратрикова НТВ телеканалпа пыракан «Своя игра» кӑларӑма хутшӑннӑ. Кӑларӑм ӗнер, нарӑсӑн 3-мӗшӗнче, эфира тухнӑ.

Пирӗн ентеш ӑс-тӑн вӑййисен ертӳҫипе Евгений Быстровпа (Балаково хули) тата Питӗрти менеджерпа Сергей Смирновпа тупӑшнӑ. Виктория Штратникова 19 пин балл пухса вӗсене ҫӗнтернӗ.

Пирӗн ентеш Мускав патшалӑх унивеситетӗнче вӗреннӗ, халӗ унта биологра ӗҫлет.

Ку уйӑхра эрнере пилӗк кун ӗҫлекенсен вӑраха тӑсӑлакан канмалли кунсем пулӗҫ. Вӑл Тӑван ҫӗршыв хӳтӗлевҫин кунӗпе ҫыхӑннӑ.

Уяв кӑҫал эрнекуна лекет. Ҫапла майпа эрнекунран вырсарникунччен, нарӑс уйӑхӗн 23-25-мӗшӗсенче, канӑпӑр. Уяв умӗнхи ӗҫ кунӗ, нарӑсӑн 22-мӗшӗ, кӗске пулӗ – киле 1 сехет маларах кайма юрать.

Пуш уйӑхӗнче те ҫавӑн пекех кану кунӗсем пулӗҫ. Ун чухне 8-10-мӗшӗсенче, эрнекунран пуҫласа вырсарникунччен, кантарӗҫ.

newsland.com сайтри сӑн

Ырантан, нарӑс уйӑхӗн 1-мӗшӗнчен, Раҫҫейре амӑшӗн капиталӗн виҫи ӳсет. Ӑна 7,4 процент таран индексаци тӑвӗҫ.

Амӑшӗн капиталне 2020 ҫултанпа пӗрремӗш ачашӑн та пама пуҫланӑ. Нарӑсӑн 1-мӗшӗнчен вӑл 630,4 пин тенкӗ пулӗ /халӗ – 586,9 пин тенкӗ/. Иккӗмӗш ачашӑн вара 834 пин тенкӗ парӗҫ /халӗ 775,6 пин тенкӗ/.

Пӗрремӗш ачашӑн амӑшӗн капиталне илнӗ тӗк иккӗмӗш ача ҫуралсан 202,6 пин тенкӗ тӳлӗҫ.