|
Чӑвашлӑх
 culture.cap.ru сӑнӳкерчӗкӗ Чӑваш тӗррин ӑсти Роза Степанова шкул ачисене чӑваш тӗрри ҫинчен каласа кӑтартнӑ. Республикӑн ача-пӑчапа ҫамрӑксен наци вулавӑшӗнче хулари 46-меш гимназире 6-меш класра вӗренекенсемпе тӗлпулу йӗркеленӗ. Унта Роза Степановӑна, Чӑваш Республикин культурӑн тава тивӗҫлӗ ӗҫченне, йыхравланӑ. Вулавӑшӑн пай пуҫлӑхӗ Эвелина Малеева хӑна пирки хавхаланса каласа кӑтартнӑ. Унтан ачасем видеоролик пӑхнӑ, ятарлӑ куравпа паллашнӑ. Роза Степанова ирӗк панипе вӗсем чӑваш эрешеллӗ япаласене те тӑхӑнса пӑхнӑ. Хыпар ҫӑлкуҫӗ:
|
|
Чӑвашлӑх
 Щар Владимыч сӑнӳкерчӗкӗ Чӳк уйӑхӗн 18-мӗшӗнче Самар облаҫӗнчи Сызрань хулинчи чӑвашсен «Атӑл» наципе культура обществи 10 ҫулхине уявланӑ. Унта Чӑваш Енри хастарсем те хутшӑннӑ. Асӑннӑ йышра Наукӑпа искусство чӑваш наци академийӗн пайташӗсем Валентина Телей, Эльза Тарасова, Елизавета Долгова тата Щар Владимыч фотограф пулнӑ. Чӑвашсен «Атӑл» обществине аппӑшӗпе йӑмӑкӗ ертсе пыраҫҫӗ. Председателӗ — Александра Казакова, унӑн ҫумӗ — Надежда Назарова. Обществӑн юбилейне халалланӑ уяв Сызрань хулинчи тӗп вулавӑшра иртнӗ. Алевтина Долгова вулавӑша хӑйӗн темиҫе кӗнекине парнеленӗ: «Байдеряков род», «Сказка о волчонке Айваре», «Воробушек Чик-чирик», «Летописец», «Зов предков». Хыпар ҫӑлкуҫӗ:
|
|
Чӑвашлӑх
 И.В.Сухарева-Саригель Чӳк уйӑхӗн 16-мӗшӗнче, аслӑ Ҫеҫпӗлӗмӗр ҫуралнӑ кун, Чӑваш Республикинчи Ҫеҫпӗл Мишши фончӗн Халӑхсем хушшинчи Ҫеҫпӗл Мишши ячӗллӗ премийӗн 2025 ҫулхи лауреачӗсем паллӑ пулчӗҫ. Вӗсем — Чӑваш патшалӑх культурӑпа ӳнер институчӗн гуманитари кафедрин профессорӗ, истори наукисен докторӗ Ирина Витальевна Сухарева-Саригель («Чӑвашлӑха аталантарассишӗн нумай ҫул ҫине тӑрса тухӑҫлӑ ӗҫленӗшӗн, наукӑра, юрӑ-кӗвӗ ӳнерӗнче пысӑк ҫитӗнӳсем тунӑшӑн») тата Санкт-Петербургри чӑвашсен Наципе культура автономийӗн предселателӗ, Чӑваш Республикин культура тава тивӗҫлӗ ӗҫченӗ Валериан Анатольевич Гаврилов («Чӑвашлӑха аталантарас тӗлӗшпе нумай ҫул тухӑҫлӑ ӗҫленӗшӗн, тӗрлӗ ҫулсенче Мурманск облаҫӗнче тата Санкт-Петербургри чӑвашсен пӗрлӗхӗсене ӑнӑҫлӑ ертсе пынӑшӑн»). И.В.Сухарева-Саригель 1969 ҫулта Пушкӑртстанри Аурказӑ районӗнчи Накатак ятлӑ ялта ҫуралнӑ, хальхи вӑхӑтра Шупашкарта пурӑнать, Чӑваш патшалӑх культурӑпа ӳнер институтӗнче вӑй хурать. В.А. Гаврилов 1962 ҫулта Чӑваш Республикинчи Вӑрмар райӗнӗнчи Пысӑк Енкасси ялӗнче тӗнчене килнӗ, нумай ҫул Мурманскра ӗҫлесе пурӑннӑ, юлашки ҫулсенче Санкт-Петербургра пурӑнать, Чӑваш Енпе тачӑ ҫыхӑну тытать. |
|
Чӑвашлӑх
 «Контактра» халӑх тетелӗнчи сӑн Урал тӑрӑхӗнчи Ҫӳлти Пышма хулинчи 25-мӗш шкулта вӗренекен ачасем шкулта иртнӗ мероприятире чӑваш культурипе паллаштарнӑ. Мероприятие Уралти халӑхсен культура хӑйнеевӗрлӗхне халалланӑ. Чӑваш культурипе паллаштарма вӗсене Екатеринбурги чӑваш культурин автономийӗ тата автономи хастарӗсем Владимир Ивановпа Светлана Костюкова пулӑшнӑ. Хыпар ҫӑлкуҫӗ:
|
|
Чӑвашлӑх
 «Контактри» сӑн Ӗнер, Халӑхсен пӗрлӗхӗн кунӗнче, Раҫҫейре Пысӑк этнографи диктантне ҫырнӑ. Мускавра ҫак акцие хутшӑнакансен йышӗнче пирӗн ентеш, Куславккара ҫуралса ӳснӗ Ксения Гришина, пулнӑ. Вӑл чӑваш тумне тӑхӑнса килнӗ, Пӗрремӗш канала пӗчӗк интервью та панӑ. Ксения ҫамрӑксен хӑйсен культурине пӗлмеллине, ӑна упрамаллине, унпа махтанмаллине палӑртнӑ. Ксения унччен Хусанта вӗреннӗ, ун хыҫҫӑн Мускава пурӑнма куҫнӑ. 2023 ҫулта вӑл Мускаври педагогика университечӗн Мисӗ те пулнӑ. Хальхи вӑхӑтра хӗр ГИТИСра тата Мускаври педагогика университетӗнче вӗренет. . Хыпар ҫӑлкуҫӗ:
|
|
Чӑвашлӑх
 https://vk.com/wall-183840459_24614 сӑнӳкерчӗкӗ Пушкӑртстанра пурӑнакансем сӑра уявне кӑҫал та ирттернӗ. Кун пирки «Контактра» халӑх тетелӗнче вырӑнти чӑвашсен хаҫачӗн пабликӗнче хыпарланӑ. Унта пӗлтернӗ тӑрӑх, чӑваш ӗҫмин районти уявӗче чи лайӑх маҫтӑр ятне Лариса Исаева тивӗҫнӗ. Лариса Ивановна Пӑслӑк ялӗнчен. Хыпар ҫӑлкуҫӗ:
|
|
Чӑвашлӑх
 «Контактри» сӑн «Сӑр пики» конкурсра чӑваш халӑхӗн чысне Виктория Сенькина хӳтелӗ. Вӑл – Пенза облаҫӗнчен. Вӑл унтах ҫуралса ӳснӗ, апла пулин те унӑн чунӗ чӑваш культурипе ҫыхӑннӑ. Виктория – икӗ хӗрлӗ диплом илнӗ инженер, ача амӑшӗ тата чӑваш халӑхӗн чӗлхипе йӑли-йӗркине упрассишӗн тӑрӑшакан «Эткер» организацин контент-менеджерӗ. Виктория регионсен хушшинче иртекен конкурсра сцена ҫине наци тумӗпе тухӗ, хӑйӗн йӑх-несӗлӗ пирки каласа кӑтартӗ, пултарулӑхне кӑтартӗ. Конкурс юпан 31-мӗшӗнче иртет. Унта 10 пике хутшӑнать. Хыпар ҫӑлкуҫӗ:
|
|
Чӑвашлӑх
 chuvbook.ru сӑнӳкерчӗкӗ Пирӗн республикӑра ачасемпе ҫамрӑксем валли чӑвашла ҫыракан авторсем валли ҫулсеренех конкурс ирттереҫҫӗ. Ҫӗнтерӳҫӗсен ӗҫӗсене Чӑваш кӗнеке издательствинче кун ҫути кӑтартаҫҫӗ. Аса илтерер: пӗлтӗрхи конкурсра Николай Ларионов шкул ҫулне ҫитменнисемпе кӗҫӗн ҫулсенчи шкул ачисем валли ҫырнӑ «Акуш» алҫырупа палӑрнӑччӗ. Вӑтам шкул ҫулӗсенчи ачасем валли Римма Прокопьева ҫырнӑ «Пӗчӗкки» ҫӗнтернӗччӗ, аслӑ ҫулсенчи ачасем валли шӑрҫаланисенчен — Владимир Степановӑн «Ӑннӑ та ӑнман кун» алҫырӑвӗ. Николай Ларионовӑн «Акуш» кӗнеки нумаях пулмасть кун ҫути курнӑ. Унта икӗ юмах тата вунӑ калав кӗнӗ. Хыпар ҫӑлкуҫӗ:
|
|
Чӑвашлӑх
 контент21 видеовӗнчен илнӗ сӑнӳкерчӗк Чӑваш патшалӑх юрӑпа ташӑ ансамблӗ Улӑпа ташӑра сӑнарлакан программа хатӗрлет. «Сказ о земле чувашской» / «Чӑваш тӗнчи» ҫӗнӗ программа никӗсӗнче — тӑван халӑхӑмӑрӑн халапӗсенчи мӑнаҫлӑ паттӑр сӑнарӗ. Атӑл тепӗр енне пӗр утӑм тусах каҫма пултарнӑ ҫавскер, Аҫтахана та ҫӗнтернӗ. Чӑваш патшалӑх юрӑпа ташӑ ансамблӗн балетмейстерӗ тата илемлӗх ертӳҫи Алексей Тимошенко ҫӗнӗ программӑна художниксемпе, писательсемпе тата композиторсемпе туслӑ ҫыхӑну тытса йӗркеленӗ. Ҫӗнӗ концерт программи куракан патне юпа уйӑхӗн 21-мӗшӗнче ҫитӗ. Хыпар ҫӑлкуҫӗ:
|
|
Чӑвашлӑх
 «Контактра» халӑх тетелӗнчи сӑн Хусанти Халӑхсен туслӑхӗн ҫуртӗнче чӑваш культурин кунӗсем иртнине сайтра пӗлтернӗччӗ. Аса илтерер: хӑнасем чӑваш тӗррипе паллашнӑ, улах ларнӑ, кунсӑр пуҫне чӑваш эстрада артисчӗсен концерчӗ иртнӗ. Ҫавӑн пекех «Тутарстан чӑваш пикине» палӑртасси пирки хыпарланӑччӗ. Ҫак ята кам тивӗҫни паллӑ: Анна Иванова. Хусанта Чӑваш культурин кунӗсем вӗҫленнӗ ӗнтӗ. Вӗсем юпа уйӑхӗн 5-мӗшӗнче пуҫланнӑ. Хыпар ҫӑлкуҫӗ:
|
-9.7 °C