Синоптиксем авӑн уйӑхӗ мӗнле пулассине пӗлтернӗ. Уйӑх ҫуллахи ӑшӑ ҫанталӑкран пуҫланӗ. Ҫурлан 31-мӗшӗнче тата авӑнӑн 1-мӗшӗнче хӗвеллӗ, шӑрӑх пулӗ. Эппин, Пӗлӳ кунне ҫуллахи пек тӑхӑнса кайма юрать.

Уйӑх варриччен типӗ ҫанталӑк тӑрӗ. Ку – «карчӑк ӑшши». Иккӗмӗш ҫурринче вара кӗркуннехи ҫанталӑк хуҫаланма тытӑнӗ, ҫумӑрсем пуҫланӗҫ. Сывлӑш температури нормӑпа килӗшӳллӗн пулӗ.

stihi.ru сайтри сӑн

Синоптиксем ҫуллан юлашки эрни мӗнле пулассине пӗлтернӗ. Ҫанталӑк ӑшӑ тӑрӗ. Паян кӑнтӑрла хыҫҫӑн тата каҫхине каллех ҫумӑр ҫӑвӗ.

Ытларикун уяртӗ. Юнкун вара каллех ҫумӑрлӑ ҫанталӑк таврӑнӗ. Шӑматкун та, ахӑртнех, ҫумӑр ҫӑвӗ. Вырсарникун ӑшӑ та хӗвеллӗ ҫанталӑк тӑрӗ. Кӑнтӑрти районсенче термометр 30 градус патнеллех кӑтартӗ.

Ку эрнере вӑтамран 17-22 градус ӑшӑ пулӗ. Анчах анӑҫ енчен вӗрекен ҫил вӑйланнине пула кӗрхи пек тумланма тивӗ.

Малтанлӑха пӗлтернӗ тӑрӑх, авӑн уйӑхӗн пуҫламӑшӗ те лайӑх ҫанталӑкпа савӑнтарма пултарӗ.

«Чеб.ру» сайтри сӑн

Синоптиксем пӗлтернӗ тӑрӑх, Чӑваш Ене тропика ӑшши килӗ, ҫумӑр ҫӑвӗ. Ҫумӑрӗ кӗҫӗрех ҫума тытӑнӗ, ыран та, шӑматкун, кӑнтӑрлаччен чарӑнмӗ. Кайран вара ӑшӑтӗ, республика пӗр талӑклӑха ӑшӑ секторне лекӗ: 20-25 градус таран ӑшӑтӗ, кӑнтӑр-тухӑҫ районӗсенче 30 градус таранах пулӗ.

Вырсарникун кӑнтӑрлаччен ҫапла ӑшӑ пулӗ. Кӑнтӑрла хыҫҫӑн вара сивӗтӗ, ҫумӑр ҫӑвӗ, аслати авӑтма пултарӗ, ҫил самай вӑйланӗ. Тунтикун вырӑнӑн-вырӑнӑн кӑна ҫумӑр ҫӑвӗ, 16-21 градус ӑшӑ пулӗ.

Ҫапах ҫулла кайма васкамасть. Гидрометцентр пӗлтернӗ тӑрӑх, ҫурла уйӑхӗн вӗҫӗ климат норминчен 1-2 градус ӑшӑрах пулӗ.

Синоптиксем ку эрнере мӗнле ҫанталӑк пулассине пӗлтернӗ.

Кӗҫӗр ҫумӑр ҫӑвӗ. Ыран, ытларикун, ытларах кӑнтӑр-анӑҫ районӗсенче ҫумӑрлӑ пулӗ. Хушӑран аслати те авӑтӗ, термометр 15-20 градус ӑшӑ кӑтартӗ.

Юнкун хӗвел тухӗ. Кӗҫнерникун каллех вырӑнӑн-вырӑнӑн ҫумӑр ҫума пултарать. Эрнекун вӑйлӑрах ҫӑвӗ, ҫил вӑйланӗ.

Малтанлӑха пӗлтернӗ тӑрӑх, канмалли кунсем те ҫумӑрсӑр иртмӗҫ. Шӑматкун кӑнтӑрти районсенче 30 градус таран ӑшӑтма пултарӗ, ҫуҫӗр енче сивӗрех пулӗ – 20 градусран кӑшт ытларах кӑна. Ҫумӑр ытларах республика варринчи тӑрӑхсенче пулӗ.

t.me/nikamran каналтан илнӗ сӑнӳкерчӗк

Чӑваш Енре ҫерҫи йышне шутлӗҫ. Телеграмри «Пуринчен малтан» каналта пӗлтернӗ тӑрӑх, ятарлӑ акци ҫурла уйӑхӗн 17-мӗшӗччен иртӗ.

Шутлава кашниех хутшӑнма пултарать. Ҫерҫисене сӑн ӳкерсе илмелле те вӗсене шутласа даннӑйсене проектӑн сайтӗнче ҫырса кӑтартмалла.

Ырӑ ӗҫе хутшӑннисене сертификат парӗҫ.

Хӗлле Чӑваш Ен ҫерҫисен йышӗпе 81 регион хушшинче 21-мӗш вырӑн йышӑннӑ.

Ҫурла уйӑхӗ мӗнле пулӗ? Синоптиксем акӑ мӗн пӗлтереҫҫӗ: хальхи шӑрӑх ку ҫулла — юлашки. Уйӑх пуҫламӑшӗнче чи шӑрӑх кунсем пулӗҫ те малалла сывлӑш температури чакма тытӑнӗ. Уйӑх варри тӗлне самаях сивӗтӗ, 15-20 градус кӑна ӑшӑ пулӗ.

Ҫитес вӑхӑтра ҫумӑрсем пуҫланӗҫ. Пӗрремӗш декадӑра вырӑнӑн-вырӑнӑн кӑна ҫӑвӗ, хушӑран — аслатиллӗ. Иккӗмӗш декадӑра сивӗрех, ҫумӑрлӑ ҫанталӑк тӑрӗ. Виҫҫӗмӗш декадӑра ҫумӑр тата ытларах ҫӑвӗ. Ҫапах ун чухне ҫуллахи ӑшӑ та таврӑнӗ.

privet-rostov.ru сайтри сӑн

Ку эрнере мӗнле ҫантлӑк пулӗ? Синоптиксем пӗлтернӗ тӑрӑх, эрне пуҫламӑшӗ хӗвеллӗ пулӗ. Эрне варринче вара пӗлӗтленӗ, анчах ҫавӑн пекех ӑшӑ пулӗ, сивӗтмӗ.

Ҫурла уйӑхӗн пуҫламӑшӗнче пирӗн пата тропика сывлӑшӗ ҫитӗ, термометр 27-32 градус таран кӑтартӗ.

Малтанлӑха пӗлтернӗ тӑрӑх, шӑрӑх ҫанталӑк ҫурла уйӑхӗн пӗрремӗш декади вӗҫленичченех тӑрӗ.

Жанна Рябцева Телеграм-каналта вырнаҫтарнӑ сӑнӳкерчӗк

Чӑваш Ен те Атӑла сыватмалли федераци программине хутшӑнни пирки эпир унччен пӗлтернӗччӗ-ха. Ҫавна май регионта тасатмалли сооруженисем тумалла. Ӑна 2024 ҫулхи чӳк уйӑхӗнчех хута ямалла пулнӑ. Анчах ӗҫ паян кун та тӑрать.

Регионсенче тасатмалли сооруженисене тӑвас ӗҫе ҫирӗп тӗрӗслесе тӑракан РФ Патшалах Думин депутачӗ Жанна Рябцева Шупашкарти «Ҫӗнӗ хула» микрорайонти туса пӗтермен сооруженисен сӑнӳкерчӗке Телеграмри хӑйӗн каналӗнче вырнаҫтарнӑ.

Объекта тума хыснаран 336,1 миллион тенкӗ уйӑрнӑ, ӗҫ графикран 177 кун юлса пырать. Унсӑр пуҫне сооружение туса 100 миллиона яхӑн нумайрах укҫа кирлӗ теҫҫӗ-мӗн. «2024 ҫулхи утӑ уйӑхӗнче эпир пӗрремӗш хут тӗрӗсленӗ хыҫҫӑн объекта пуҫласа юхтарса кайнӑ. Халӗ, хӑвӑрах куратӑр, ҫӗнӗрен тума ансатрах», – тесе палӑртнӑ Жанна Рябцева.   

Чӑваш Ен ертӳҫисем объекта 2026 ҫулсӑр та туса пӗтереймессине пӗлтернӗ-мӗн.

inbusiness.kz сайтри сӑн

Синоптиксем пӗлтернӗ тӑрӑх, ҫумӑр ҫума чарӑнса ҫуллахи шӑрӑх хуҫаланма тытӑнӗ.

Канмалли кунсенче уҫӑрах ҫанталӑк пулӗ. Ҫил те вӑйлӑ вӗрӗ. Каҫсерен 10-15 градус кӑна ӑшӑ пулӗ.

Шӑматкун кӑнтӑрла 20-25 градус ӑшӑ пулӗ. Вырсарникун пӗлӗтленӗ. Тунтикунран вара термометр 22-27 градус кӑтартма тытӑнӗ. Эрне варринче вара 30 градус шӑрӑх пулӗ.

Малтанлӑха пӗлтернӗ тӑрӑх, ҫурла уйӑхӗн шӑрӑх ҫанталӑкран пуҫланӗ. Ҫумӑр ҫурлан 6-мӗшӗччен ҫумӗ.

Синоптиксем ку эрнере мӗнле ҫанталӑк пулассине пӗлтернӗ. Паян хушӑран ҫумӑр ҫукалӗ. Ыран та, ытларикун, ӑшӑ пулӗ-ха, хӗвел ҫинче 32-37 градус шӑрӑх пекех туйӑнӗ. Кӑнтӑрла хыҫҫӑн вара аслатиллӗ ҫумӑр ҫума, ҫил вӑйланма пултарать.

Эрне варринче хушӑран ҫумӑр ҫума пултарать. Термометр кӑнтӑрласерен 22-27 градус кӑтартӗ.

Канмалли кунсенче уяр ҫанталӑк тӑрӗ. Анчах ҫӗрле 10-15 градус кӑна ӑшӑ пулӗ.

Малтанлӑха пӗлтернӗ тӑрӑх, ҫитес эрне пуҫламӑшӗнче ҫуллахи лайӑх ҫанталӑк тӑрӗ. Утӑ уйӑхӗн 31-мӗшӗнче каллех ҫумӑр пулӗ, ҫурла пуҫламӑшӗнче пуҫламӑшӗнче те ҫӑвӗ.