regions.ru сайтри сӑн

«Ҫанталӑк 21» сайт пӗлтернӗ тӑрӑх, республикра кӗҫех йӗпе юр, пӑрлӑ ҫумӑр ҫӑвӗ.

Эрнекун кӑнтӑрлаччен йӗпе юр ҫӑвӗ, унтан – ҫумӑр. Шӑматкун ҫӗрле тата вырсарникун кӑнтӑрлаччен вӑйлӑрах ҫума пуҫлӗ: республикӑн анӑҫ енче – ҫумӑр, тухӑҫ енче – пӑрлӑ ҫумӑр. Ҫулсем кӑна мар, йывӑҫсемпе пралуксем те пӑрлакланӗҫ.

Вырсарникун термометр 1-3 градус ӑшӑ кӑтартӗ. Тунтикун тата ытларикун йӗпе юр ҫӑвӗ. Паян каҫ енне ҫил вӑйланӗ, темиҫе кун лӑпланмӗ.

Малтанлӑха пӗлтернӗ тӑрӑх, ҫитес эрнере каллех сивӗтӗ.

МЧС сӑнӳкерчӗкӗ

Чӑваш Енре пӗр кинемей дачӑна кайма тухса кӗрт ӑшне путса ларнӑ.

Пӑтӑрмах нарӑс уйӑхӗн 8-мӗшӗнче пулса иртнӗ. 75 ҫулти кинемей Ҫӗнӗ Шупашкарти «Туслӑх» сад юлташлӑхне кайма тухнӑ. Вӑл дача ҫуртне кайса пӑхас тенӗ. Ҫула ҫил-тӑман хӳсе лартнине пӑхмасӑрах ватӑ 2 ҫухрӑм ытла утма пултарнӑ-ха, анчах кайран вӑйран кайнӑ.

Кинемее пулӑшма (хӑех телефонпа шӑнкӑравласа пулӑшу чӗннӗ-ши, хыпарта ун пирки каламан) 11-мӗш пушарпа ҫӑлав пайӗн ӗҫченӗсем пырса ҫитнӗ. Вӗсем ватӑ ҫынна наҫилкка ҫине хурса васкавлӑ пулӑшу машини патне йӑтса тухнӑ.

ru.pinterest.com сайтри сӑн

«Ҫанталӑк 21» сайт пӗлтернӗ тӑрӑх, ку эрнере юр нумай ҫумӗ, ҫанталак сивӗтӗ.

Каҫсерен 15-20 градус сивӗ пулӗ, хӑш-пӗр ҫӗрте вара — 25 градус таранах. Ҫил лӑпланнӑ май паян каҫхине тӗтре карса илӗ.

Юнкунранпа вара каллех ҫил вӑйланӗ. Эрнекун кӑштах юр ҫӑвӗ, ӑшӑтӗ: 0 градус пулӗ. Канмалли кунсенче вара термометр «плюс» кӑтартӗ, ҫавӑнпа йӗпе юр тата ҫумӑр ҫӑвӗ. Юр кӑштах ирӗлӗ, ҫурт тӑррисенчен юр анма пултарӗ – асӑрханӑр.

Ҫанталӑк ӑшӑтать пулсан та хальлӗхе ҫуркунне ҫывхарать теме ҫук-ха. Малтанлӑха палӑртнӑ тӑрӑх, ҫитес эрнере каллех сивӗтӗ.

au.pinterest.com сайтри сӑн

Канмалли кунсенче республикӑра каллех юр ҫӑвассине пӗлтерет «Ҫанталӑк 21» сайт.

Икӗ кунра юр хулӑнӑшӗ республикӑн ҫурҫӗр енче 5-10 см таран ӳсӗ, кӑнтӑр енче вара 10-15 см таран. Анчах ку – метеостанцин малтанлӑха палӑртнӑ официаллӑ даннӑйӗсем кӑна. Чӑннипе вара иртнинче пек юр ытларах ҫума пултарӗ – ҫил-тӑман вӗҫтернине пула вырӑнӑн-вырӑнӑн кӗрт хӳсе лартӗ.

Юр кӗҫӗр, ҫур ҫӗр иртсен, ҫума тытӑнӗ. Ыран кӑнтӑрла тата вӑйлӑрах ҫӑвӗ, каҫхине тата ҫӗрле пушшех те вӑйланӗ. Вырӑнӑн-вырӑнӑн тӗтре карса илме пултарать, ҫавӑнпа водительсене асӑрхануллӑ пулма ыйтаҫҫӗ.

Юр вырсарникун ҫӗрле ҫума чарӑнӗ, вара ҫанталӑк каллех сивӗтме пуҫлӗ: хӑш-пӗр ҫӗрте термометр 20 градус сивӗ кӑтартӗ. Тунтикун кӑнтӑрла уяртӗ, ҫил ҫурҫӗр-анӑҫ енчен вӗрнӗ май 21-26 градус сивӗ пек туйӑнӗ.

Малтанлӑха палӑртнӑ тӑрӑх, ҫитес эрне вӗҫнелле каллех юр ҫӑвӗ, унтан ӑшӑтӗ.

pxhere.com сайтри сӑн

«Ҫанталӑк 21» сайт пӗлтернӗ тӑрӑх, кӗҫӗр республикӑра 25-30 градус сивӗ пулӗ, айлӑмлӑ вырӑнсенче 35 градус таранах сивӗ пулӗ.

Нарӑсӑн 3-4-мӗшӗсенче ирхине Шупашкарта термометр 27-29 градус кӑтартӗ — хӗл пуҫланнӑранпа хулара кун пек сивӗ ҫанталӑк пулман. Кӑнтӑрла 20-25 градус сивӗ пулӗ. Уяр ҫанталӑк тӑрӗ, юнкун вара ҫил вӑйланӗ, ҫавна май тата сивӗрех пек туйӑнӗ.

Малтанлӑха пӗлтернӗ тӑрӑх, эрнен иккӗмӗш ҫурринче ӑшӑтӗ, 10-15 градус кӑна сивӗ пулӗ. Анчах ӑшӑтсан татах юр ҫума тытӑнӗ. Ҫапах та хальхинчи пек вӑйлах ҫуса-вӗҫтерсе лартмӗ, канмалли кунсенче юр хулӑнӑшӗ 5-10 см хулӑнӑш таран ӳсме пултарӗ.

Кайран вара каллех ҫанталӑк сивӗтӗ.

«Ҫанталӑк 21» порталти сӑн

«Ҫанталӑк 21» сайт пӗлтернӗ тӑрӑх, нарӑс уйӑхӗ юрлӑ килӗ. Юр ытларах уйӑх пуҫламӑшӗнче тата вӗҫӗнче ҫӑвӗ.

Пӗтӗмӗшле илсен, вӑтам температура климат норминчен пысӑкрах пулӗ. Ҫанталӑк пӗрремӗш тата иккӗмӗш декадӑра самай сивӗтӗ. Нарӑс уйӑхӗнче 25 градус сивӗ пулас шанчӑк 60 процентпа танлашать.

Хушӑран ҫанталӑк самай ӑшӑтӗ: пӗрремӗш тата иккӗмӗш декадӑсен пуҫламӑшӗнче тата уйӑхӑн юлашки эрнинче ӑшӑ хуҫаланӗ.

«Ҫанталӑк 21» порталти сӑн

Республикӑра 30 градуслӑ шартлама сивӗ 2023 ҫулхи кӑрлачранпа пулман. Айлӑмлӑ вырӑнсенче машина датчикӗсем 35-38 градус сивӗ кӑтартнӑ. Ҫапла пӗлтерет «Ҫанталӑк 21» сайт.

Ку эрнере мӗнле ҫанталӑк пулӗ-ха? Сивӗ ҫанталӑк парӑнӗ, ҫапах паян ҫӗрле самай сивӗ пулӗ-ха, хӑш-пӗр ҫӗрте 25-30 градус пулӗ.

Ыран кӑнтӑрла термометр 8-13 градус сивӗ кӑтартӗ. Анчах ҫил вӑйланӗ, ҫавӑнпа 19-24 градус сивӗ пек туйӑнӗ. Ҫанталӑк ӑшӑтнӑ май юр ҫума пуҫлӗ. Унӑн хулӑнӑшӗ 4 кунра 15-20 сантиметр таран ӳсӗ.

Ытларикун ытларах республикӑн ҫурҫӗр енче юр ҫӑвӗ. Юнкун кӑштах сахалрах ҫӑвӗ, анчах – чылай округра. Кӗҫнерникун вара каллех юр вӑйлӑрах ҫума пуҫлӗ, ҫӗрле термометр 0 градус кӑтартӗ.

Шӑматкун каллех сивӗ ҫанталӑк таврӑнӗ. Хальлӗхе «Ҫанталӑк 21» сайт кун пирки прогноз хатӗрлемен.

forum.na-svyazi.ru форумра вырнаҫтарнӑ видеоран илнӗ сӑнӳкерчӗк

Вӑрнар районӗнчи Нурӑсра тасатмалли сооружени ӗҫлеменрен таса мар шыв Ҫавала ҫаплипех юхса выртать. Ку ҫивӗч ыйтӑва ялти пӗр хастар арҫын хускатнӑ, вӑл Халӑх фронтӗнчен пулӑшу ыйтнӑ.

Халӗ вара ку пӑтӑрмаха РФ Следстви комитечӗн пуҫлӑхӗ Александр Бастрыкин таранах пӗлеҫҫӗ. Асӑннӑ комитетӑн Чӑваш Енри управленийӗ пуҫиле ӗҫ пуҫарнӑ, кун пек тума Александр Бастрыкин хушнӑ.

goodfon.ru сайтри сӑн

«Ҫанталӑк 21» сайт пӗлтернӗ тӑрӑх, ку эрнере шартлама сивӗ таврӑнӗ. Эрне пуҫламӑшӗнче циклон хуҫаланӗ, 2-5 сантиметр хулӑнӑш юр ҫӑвӗ. Хальлӗхе ҫанталӑк ӑшӑ тӑрӗ. Ыран 4-9 градус сивӗ пулӗ.

Кӗҫнерникун юр ҫума чарӑнӗ, сивӗтме пуҫлӗ: термометр 10-15 градус сивӗ кӑтартӗ. Ҫӗрле шартлама сивӗ пулӗ. Канмалли кунсенче Шупашкарта термометр 25-30 градус сивӗ кӑтартӗ, округсенче – 35 градус сивӗ.

Анчах хӗвел кунсерен ҫӳлерех хӑпарса пырӗ, ҫавна май унӑн ӑшши ытларах туйӑнӗ: ҫӗрле 30 градус сивӗ пулӗ, кӑнтӑрла вара – 20.

Малтанлӑха пӗлтернӗ тӑрӑх, шартлама сивӗ тунтикунччен пулӗ, кайран вара юр ҫума пуҫлӗ.

culture.ru сайтри сӑн

«Ҫанталӑк 21» портал пӗлтернӗ тӑрӑх, иртнӗ каҫ республикӑра ҫулталӑк пуҫланнӑранпа чи сивви пулнӑ. Патӑрьелте термометр 20 градусран сивӗрех кӑтартнӑ. Кӗҫӗр те шартлама сивӗ пулӗ: термометр 21-26 градус кӑтартӗ.

Вырсарникун ӑшӑтма тытӑнӗ, анчах ҫил вӑйланӗ, ҫавна май сивӗрех пек туйӑнӗ. Тунтикун тата ӑшӑтӗ, юр ҫукалӗ, ҫил-тӑман та вӗҫтеркелӗ.

Кӑшарнире питех сивӗ пулмӗ: ҫӗрле термометр – 8-13, кӑнтӑрла 5-10 градус сивӗ кӑтартӗ. Ытларикун та ӑшӑ пулӗ.

Юнкунран вара сивӗтме пуҫлӗ. Ҫитес эрнере канмалли кунсем тӗлне 25-30 градус таран сивӗтӗ. Хӑш-пӗр вырӑнта тата сивӗрех пулӗ. Малтанлӑха пӗлтернӗ тӑрӑх, ун пек ҫанталӑк уйӑх вӗҫленичченех тӑрӗ.