|
Культура
 vk.com/chgign сӑнӳкерчӗкӗ Чӑваш патшалӑх гуманитари ӑслӑлӑхӗсен институчӗ «Национальные картины мира в литературах народов Волго-Уралья» Пӗтӗм Раҫҫейри ӑслӑлӑхпа практика конференцийӗн материалӗсене пӗр ҫӗре пухса пичетленӗ. Ҫеҫпӗл Мишши ҫуралнӑранпа 125 ҫул ҫитнине халалланӑ ҫав мероприятие 100-е яхӑн ученӑй-гуманитари, преподаватель, аспирант, магистр хутшӑннӑ. Вӗсем ҫӗршывӑн тӗрлӗ регионӗнчен: Мускавран, Хусантан, Ӗпхӳрен, Ижевскран, Глазовран, Саранскран, Йошкар-Оларан, Сыктывкартан, Воронежран, Мурманскран, Ханты-Мансийскран, Элистаран, Якутскран тата, паллах, Шупашкартан пулнӑ. Хыпар ҫӑлкуҫӗ:
|
|
Культура
 «Контактра» халӑх тетелӗнчи сӑн Шӑмӑршӑра пурӑнакансем халӗ пысӑк экран ҫинче кино курма пултараҫҫӗ. Ҫак кунсенче унта кинозал уҫӑлнӑ. Вӑл Шӑмӑршӑри культура керменӗнче вырнаҫнӑ. Ӑна уҫнӑ кун «Август» ятлӑ кино кӑтартнӑ. Палӑртмалла: шкул ачисем тата студентсем унта фильмсене «Пушкин карттипе» пӑхма пултараҫҫӗ.<s></s> |
|
Культура
 Виталий Михайлов страницинчен илнӗ сӑнӳкерчӗк Янкас ячӗллӗ литературӑпа искусство тата культура пӗрлӗхӗн «Чӑвашлӑха аталантарнӑшӑн» медалӗпе кӑҫал Нумай ҫул хушши муниципалитетӑн хӑй тытӑмлӑх органӗсенче тӳрӗ кӑмӑлпа тӑрӑшса ӗҫленӗшӗн Яманакри вулавӑш ӗҫченне Галина Ефимовӑна чыслама йышӑннӑ. Медале ӑна «нумай ҫул хушши муниципалитетӑн хӑй тытӑмлӑх органӗсенче тӳрӗ кӑмӑлпа тӑрӑшса ӗҫленӗшӗн, округри культурӑпа искусствӑна аталантарас ӗҫре уйрӑмах палӑрнӑшӑн, тӑван тавралӑх туризмӗпе тараватлӑх сферине аталантарнӑшӑн, вырӑнти шыв арманӗн кун-ҫулне упраса туристсем валли пуян информациллӗ экскурсисем ирттернӗшӗн» парас тенӗ. Хыпар ҫӑлкуҫӗ:
|
|
Культура
 vk.com/club211725618 сӑнӳкерчӗкӗ Ҫак эрнере Чӑваш Енри ҫыравҫӑсем ҫулталӑкри отчет пухӑвне пуҫтарӑннӑ. Унта Раҫҫейри писательсен союзӗн регионти уйрӑмӗн правленийӗн председателӗ Сергей Павлов отчет туса панӑ. Сергей Лукиянович туса ирттернӗ ӗҫсем пирки каласа кӑтартнипе пӗрлех тивӗҫӗ те паха литература хайлавӗсем пирки чарӑнса тӑнӑ май лайӑх тӗслӗхсене асӑнса хӑварнӑ. Хыпар ҫӑлкуҫӗ:
|
|
Культура
 Ӗнер К.В. Иванов ячӗллӗ Чӑваш патшалӑх академи драма театрӗнче СССР халӑх артистне, режиссера Валерий Яковлева халалланӑ асӑну каҫӗ иртнӗ. «Ҫулталӑк – аслӑ Маҫтӑрсӑр» ятпа иртнӗ вӑл. Валерий Николаевича аса илнӗ май куракансем манӑҫми спектакльсен сыпӑкӗсемпе киленнӗ. Театр директорӗ Елена Николаева Валерий Яковлев республикӑн культура аталанӑвне виҫесӗр тӳпе хывнине палӑртнӑ. Арсений Тарасов драматург, Марина Карягина поэт тата ыттисем сӑмах илнӗ, Валерий Николаевича аса илнӗ. Ҫавӑн пекех Валерий Яковлевӑн пурнӑҫӗпе тата ӗҫӗ-хӗлӗпе паллаштаракан экспозици йӗркеленӗ. Театр артисчӗсем чӑвашсен виҫӗ юррине шӑрантарнӑ: «Ӑҫта каян Чӗкеҫ?», «Ан хумхан ҫӑкалӑх!», «Шӑнкӑр-шӑнкӑр шыв юхать». Хыпар ҫӑлкуҫӗ:
|
|
Культура
 «Чеб.ру» сайтри сӑн Шупашкарти «Кӑнтӑр» культура ҫуртне тӗпрен юсама палӑртнӑ. Проекчӗ патшалӑх экспертизи витӗр тухнӑ. Стенасене, фасадне, тӑррине ҫӗнетӗҫ, инженери тытӑмне улӑштарӗҫ тата ытти ӗҫе пурнӑҫлӗҫ. Палӑртмалла: «Кӑнтӑр» культура ҫуртне 1962 ҫулта туса лартнӑ. Малтан вӑл Пӗтӗм Раҫҫейри куҫ курманнисен обществин республикӑри управленийӗн культура ҫурчӗ пулнӑ. 1997 ҫулхи раштавра ӑна «Кӑнтӑр» культура ҫурчӗ» ят панӑ. 2011 ҫулхи акан 1-мӗшӗнчен вӑл Шупашкарти тӗп клуб тытӑмне кӗнӗ. Хыпар ҫӑлкуҫӗ:
|
|
Культура
 «Ҫулталӑк — аслӑ Маҫтӑрсӑр…» — ҫавӑн пек ятпа К.В.Иванов ячӗллӗ Чӑваш патшалӑх драма театрӗнче СССР халӑх артистне Валерий Яковлева халалланӑ асӑну каҫӗ иртӗ. Валерий Николаевич пурнӑҫ тӑршшӗпех тӑван театрта ӗҫленӗ, ӑста актер, режиссер-постановщик, пултаруллӑ сценограф тата ӑслӑ педагог пулнӑ. Вӑл ертсе пынипе сцена ҫинче темиҫе ӑру артист ҫитӗннӗ, театр репертуарӗ ҫулсерен пуянланса пынӑ. Асӑну каҫӗ раштавӑн 19-мӗшӗнче 17 сехетре пуҫланӗ. Хыпар ҫӑлкуҫӗ:
|
|
Культура
 Ҫак кунсенче Ҫеҫпӗл Мишши фончӗ вулакана тата тепӗр паха кӗнеке парнелерӗ. Ку вӑл — Чӑваш АССРӗн К.В.Иванов ячӗллӗ Патшалӑх премийӗн лауреачӗн Куҫма Турханӑн (1915–1988 ҫҫ.) «Сӗве Атӑла юхса кӗрет» трилоги-романне тишкернӗ хайлавсен «Икӗ вут хушшинче» ятлӑ пуххи. Вӗсен авторӗсем виҫҫӗшӗ те Халӑхсем хушшинчи Ҫеҫпӗл Мишши ячӗллӗ преми лауреачӗсем — Чӑваш Республикин искусствисен тава тивӗҫлӗ деятелӗ Аристарх Дмитриев, Чӑваш халӑх поэчӗ Валери Туркай тата Тутарстан халӑх поэчӗ Ренат Харис. Асӑннӑ авторсем виҫҫӗшӗ те К.С.Турханӑн вилӗмсӗр романне питӗ пысӑка хурса хаклаҫҫӗ, ку хайлав чӑваш, тутар, вырӑс тата ҫармӑс халӑхӗсен авалхи историне лайӑхрах пӗлме, Раҫҫейри халӑхсен туслӑхне ҫирӗплетме пулӑшнине палӑртаҫҫӗ. Ҫеҫпӗл Мишши фончӗ ҫитес вӑхӑтра «Икӗ вут хушшинче» кӗнекене Шупашкарти филолог-студентсене тата чӑваш литературине чунтан юратакан шкул ачисене парнелеме палӑртать. |
|
Культура
 vk.com/gov_cap_ru сӑнӳкерчӗкӗ Красноармейскинче кӑҫалтан автоклуб пур. Куҫса ҫӳрекен нумай ӗҫ пурнӑҫлакан культура центрне 2025 ҫулта туяннӑ. Чӑваш Енӗн влаҫ органӗсем пӗлтернӗ тӑрӑх, республикӑри 21 районтан кашнинчех халӗ автоклуб пур. Пӗрин хакӗ — 9 миллион тенкӗ ытла. Автоклуба концерт лапамӗ евӗр усӑ курма аван. Ӑна ҫутӑ, сасӑ тата видео оборудованийӗпе тивӗҫтернӗ. Автоклубпа культура ҫурчӗ ҫук аякри ялсене ҫитсе концерт кӑтартма аван. Автоклубсемпе Канаш, Муркаш, Ҫӗрпу, Комсомольски, Элӗк тата Ҫӗмӗрле тӑрӑхӗсем час-часах усӑ кураҫҫӗ. Хыпар ҫӑлкуҫӗ:
|
|
Культура
 t.me/bbbreaking сӑнӳкерчӗкӗ Курт Кобейнӑн 6 миллион доллар тӑракан гитарине Лондонри музыка колледжне панӑ. 1959 ҫулта туса кӑларнӑ «Martin D-18E» сайра тӗл пулакан электроакустика моделӗ 1993 ҫулхи «MTV Unplugged» шоу хыҫҫӑн тӗнчипе паллӑ пулса тӑнӑ. Музыкант сулахай алӑпа каланӑран инструмента ӑна валли меллӗ пултӑр тесе йӗркеленӗ. Кобейн унпа юлашки хут 1994 ҫулта, хӑй вилес умӗн, сцена ҫине тухнӑ. «Martin» колледжри 1000 ытла истори инструментӗнчен пӗри пулӗ. Хыпар ҫӑлкуҫӗ:
|
+17.5 °C