Сывлӑх сыхлав министерствин сӑнӳкерчӗкӗ

Чӑваш Енри тухтӑрсем кӑвапа грыжипе тата ҫурӑлса кайнӑ аппендикспа асапланнӑ хӗрарӑма ҫӑлса хӑварнӑ.

Шупашкар районӗнчи больницине медицинӑра сайра тӗл пулакан йывӑр лару-тӑру пулса иртнӗ. Хирургсен пӗр вӑхӑтрах икӗ хӑрушӑ чирпе — хӗсӗннӗ кӑвапапа тата ҫурӑлса кайнӑ аппендицитпа — кӗрешме тивнӗ.

69 ҫулти хӗрарӑм больницӑна хырӑмӗ питӗ ыратнипе, ӑш пӑтраннипе тата вӑйӗ чакса кайнӑран лекнӗ. Ҫакӑ ӑна темиҫе кун асаплантарнӑ. Тухтӑрсем тӳрех васкавлӑн операци тума йышӑннӑ.

Операци вӑхӑтӗнче кӑвапа ҫинҫе пыршӑна хӗсӗнсе ларни палӑрнӑ. Телее, ӑна ҫӑлса хӑварма май килнӗ — пырша пайӗсем чӗрӗ юлнӑ. Анчах чи хӑруши аппендикс пулнӑ: гангрена пуҫланнӑ пирки вӑл татӑлнӑ, ҫакӑ вара перитонит патне ҫитернӗ.

Хирургсем аппендикса касса кӑларнӑ та хырӑм ӑшне тасатнӑ. Операци хыҫҫӑн хӗрарӑмӑн сывлӑхӗ хавшакран ӳпки шыҫнӑ, ҫавӑнпа ӑна реанимацие куҫарнӑ. Пилӗк кунран чирлӗ ҫын хӑйне лайӑхрах туйма пуҫланӑ, 40 кун сипленнӗ хыҫҫӑн ӑна киле кӑларнӑ.

https://t.me/nikamran каналтан илнӗ сӑнӳкерчӗк

Шупашкарти тухтӑрсем уксус ӗҫнӗ хӗрарӑма ҫӑлса хӑварнӑ. 70 ҫулти ватӑ уксуса ӑнсӑртран ӗҫнӗ имӗш. Тухтӑрсене вӑл ҫапла ӗнентернӗ.

Хӗрарӑм 70 процентлӑ уксуса пӗр апат кашӑкӗ ӗҫнӗ-мӗн. Телеграмри «Пуринчен малтан» каналта пӗлтеонӗ тӑрӑх, хӗрарӑм чутах вилмен: унӑн ҫӑварӗ, апат ҫулӗ пиҫсе кайнӑ. Васкавлӑ медицина пулӑшӑвӗ паракан тухтӑрсем хӗрарӑмӑн хырӑмлӑхне тасатса, интенсивлӑ инфузиллӗ терапи туса ирттернӗ.

Шурӑ халатлисем ҫине тӑни сая кайман: уксус ӗҫсе шар курнӑ хӗрарӑмӑн пурнӑҫне ҫӑлса хӑварма рултарнӑ. Малашне унӑн питӗ тимлӗ пулмалла: пули-пулми шӗвеке ӗҫмелле мар, кашни япалана хӑй вырӑнне тӗплӗн лартса упраиалла. Сывлӑхран пахи ним те ҫук – темле ӗҫес килсен те пули-пулми шӗвеке ӑша ямалла мар.

cap.ru сайтри сӑн

Шупашкарти тухтӑрсем пӗр ҫул аш-какай, пулӑ ҫимесӗр пурӑннӑ 24 ҫулти каччӑна ҫӑлнӑ.

Унӑн сывлӑхӗ чӑннипех те хӑрушлӑхра пулнӑ. Каччӑ питӗ вӑйлӑ начарлансан, вӑйсӑрлансан, япӑх ҫывӑрма тытӑнсан тӑванӗсем васкавлӑ медпулӑшу чӗннӗ. Пульницӑра анализ илнӗ те гемоглобин шайӗ икӗ хут пӗчӗк пулни палӑрнӑ. Ҫакна пула органсене кислород япӑх ҫитет, чӗре те хӑрушлӑхра. Каччӑ пӗр ҫул пахча-ҫимӗҫпе кӑна пурӑннӑ иккен.

Тухтӑрсем каччӑна рациона белоклӑ апат-ҫимӗҫ кӗртме сӗннӗ.

ЧР Сывлӑх сыхлав министерствин сӑнӳкерчӗкӗ

Шупашкарта пурӑнакан 36 ҫулти арҫын пӗр кун ирхине пысӑк температурӑпа тата ӳслӗкпе вӑранса кайнӑ. Хайхисен килӗнче антибиотик пулнӑ, унпа вӑл мӑшӑрне укол туса яма ыйтнӑ. Хӗрарӑм хирӗҫлемен.

Унччен те пулман — арҫын ӳчӗ ҫине шатра тапса тухнӑ, тути шыҫса ларнӑ, сывлӑш пулӗнме пуҫланӑ.

Вырӑна пырса ҫитнӗ васкавлӑ пулӑшу тухтӑрӗсем ку япала анафилактика шокӗ пулнине палӑртнӑ. Арҫын тӑнне ҫухатса ӗлкӗреймен, юн пусӑмӗ вара унӑн чакса кайнӑ. Арҫынна тухтӑрсем Шупашкарти тӗп пульницӑн реанимаци уйрӑмне илсе ҫитернӗ. Унта ӑна ҫӑлса хӑварма май килнӗ.

Чӑваш Енӗн Сывлах сыхлав министерствин ТГ-каналӗнчи сӑнӳкерчӗк

Чӑваш Енре пурӑнакансем больница хутне МАХ мессенджер урлӑ та хуптарма пултараҫҫӗ.

Тухтӑр патӗнче йышӑнура пӗрремӗш хут пулнӑ хыҫҫӑн врач телемедицина консультацине ирттерме палӑртма пултарать. Ятарлӑ чат-ботра палӑртнӑ вӑхӑтра ҫыхӑнма пулать.

Онлайн-консультацие палӑртнӑ хыҫҫӑн тухтӑрпа https://max.ru/tmkchuv_bot бот урлӑ ҫыхӑнмалла.

cap.ru сайтри сӑн

Машинӑпа пынӑ чухне пӑшие ҫапса кайсан 22 ҫулти каччӑн пичӗ вӑйлах аманнӑ. Тухтӑрсем ҫав каҫах ӑна операци тунӑ.

Хальхи йышши оборудовани пулӑшнипе вӗсем каччӑн питне ҫӗнӗрен пуҫтарнӑ темелле, унчченхи сӑнне упраса хӑварма тӑрӑшнӑ.

Халӗ каччӑ сипленет, ҫӗввисем ӳт илеҫҫӗ, пичӗ шыҫӑнмасть. Темиҫе кунран вӑл киле таврӑнӗ.

cap.ru сайтри сӑн

Шупашкарти тухтӑрсем икӗ пациента операци туса вӗсен пурнӑҫне ҫӑлнӑ. Вӗсен хырӑмлӑхӗпе пыршӑлӑхӗнчен шӑл коронки тата алӑк уҫҫи кӑларнӑ.

Хулари 1-мӗш клиника больницин эндоскопи уйрӑмне пӗр кунра 2 арҫынна илсе килнӗ. Тӗрӗсленӗ хыҫҫӑн вӗсен организмӗнче ют япаласем пуррине палӑртнӑ. Иккӗшне те ҫийӗнчех операци тунӑ. Пӗрин хырӑмлӑхӗнчен тимӗр уҫӑ кӑларнӑ, тепри хулӑн пыршӑлӑхӗнче шӑл коронки пулнӑ.

cap.ru сайтри сӑн

Ҫӗмӗрлере пурӑнакан арҫын юр тасатнӑ хыҫҫӑн кӑкӑрӗ тӗлӗнчен ыратнине туйнӑ. Иртсе каясса шаннӑ вӑл. Анчах 2 сехетрен васкавлӑ медпулӑшу чӗнме тивнӗ.

Ун патне Марина Рындина, Ольга Суханкина фельдшерсем тата Сергей Шабалкин водитель килнӗ. ЭКГ тусан пациентӑн инфаркт пулнине палӑртнӑ.

Фельдшерсем арҫыннӑн сывлӑхне йӗркене кӗртсен ӑна пульницӑна илсе ҫитернӗ.

cap.ru сайтри сӑн

Шупашкарта пиччӗшӗпе шӑллӗ магнит ҫаврашкасем ҫӑтса янӑ, иккӗшне те операци тума тивнӗ.

Малтан больницӑна 8-ти арҫын ачана илсе килнӗ: вӑл хӑснӑ, унӑн хырӑмӗ ыратнӑ. Тухтӑрсем унӑн хырӑмӗнче темӗнле япаласем пуррине палӑртнӑ, операци тусан 44 магнит ҫаврашка кӑларнӑ.

Тепӗртакран ашшӗ-амӑшӗ 4-ри шӑллӗне те больницӑна илсе килнӗ. Операци тусан унӑн хырӑмӗнчен те магнит ҫаврашкасем кӑларнӑ, пӗтӗмпе – 10.

cap.ru сайтри сӑн

Шупашкарта арҫын ача пахчинче юр тасатнӑ чухне тӑрук тӑнне ҫухатнӑ. Ун патне ҫийӗнчех васкавлӑ медпулӑшу ҫитнӗ: Ф.Клементьев тухтӑр тата С.Никитинпа В.Матюшкин медбратсем.

Вӗсем ҫитнӗ чухне те арҫын тӑнсӑр выртнӑ, чӗри ӗҫлемен. Медиксем реанимаци тума пуҫланӑ. 13-мӗш минутра пациентӑн чӗри тапма пуҫланӑ. Васкавлӑ медпулӑшу ӑна стационара илсе ҫитернӗ.