Синоптиксем пӗлтернӗ тӑрӑх, ку эрнере те хӗвеллӗ ҫанталӑк савӑнтарӗ.
Ырантан, ытларикунран, кӑнтӑр енчен вӗрекен ҫилпе пӗрле Чӑваш Ене ӑшӑ килме тытӑнӗ, ҫавна май ҫӗрлесерен тӑм ӳкме пӑрахӗ, кӑнтӑрла 18-23 градус ӑшӑ пулӗ.
Кӗҫнерникун пӗлӗтленӗ. Анчах ҫумӑр шӑматкун кӑна ҫӑвӗ. Канмалли кунсенче ҫил вӑйланӗ, вырсарникун вара сивӗтме тытӑнӗ. Ҫитес тунтикун кӑнтӑрла термометр 12-17 градус кӑна кӑтартӗ.
Ан кулянӑр, ӑшӑ таврӑнӗ! Малтанлӑха пӗлтернӗ тӑрӑх, авӑнӑн 25-мӗшӗнче республикӑна каллех тропика ӑшши килме пултарать.
Хальлӗхе республикӑра тӑм ӳкмен. Анчах синоптиксем ҫитес вӑхӑтра шӑнтма пултарассине пӗлтереҫҫӗ.
Кӗҫӗр тӑм ӳкме пултарать. Ҫитес 4 кун уяр ҫанталӑк тӑрӗ, ҫил лӑпланӗ, каҫсерен тӗтре карса илме тытӑнӗ. Кӑнтӑрласерен 14-19 градус ӑшӑ пулӗ.
Ҫитес эрне варринче пӗр-икӗ кунлӑха 20 градус ӑшӑ килӗ. Ҫӗрлесерен те самай ӑшӑтӗ.
Ҫумӑр иккӗмӗш декада вӗҫӗнче кӑна ҫӑвӗ.
Ку эрнере мӗнле ҫанталӑк пулӗ?
Паянтан кашни кун тенӗ пекех хӗвел савӑнтарӗ. Ырантан паянхи пекех шӑрӑхах пулмӗ.
Ку эрнере кӑнтӑрласерен 17-22 градус ӑшӑ пулӗ, ҫӗрлесерен – 4-9. Вырӑнӑн-вырӑнӑн тӗтре карса илӗ. Кӗҫнерникун хӑш-пӗр ҫӗрте ҫумӑр ҫума пултарать.
Малтанлӑха пӗлтернӗ тӑрӑх, «карчӑк ӑшши» иккӗмӗш декада вӗҫӗнче пӗтӗ. Сентябрӗн 21-22-мӗшӗсенче пӗрремӗш хут тӑм ӳкме тата йӗпе юр ҫума пултарать.
Синоптиксем пӗлтернӗ тӑрӑх, кӗҫех республикӑра «карчӑк ӑшши» пуҫланать.
Канмалли кунсенче хӗвел пӗлӗтсен хыҫӗнчен тухӗ, 18-23 градус таран ӑшӑтӗ, ҫил лӑпланӗ. Вырсарникун ҫӗрле тӗтре карса илӗ.
Малтанлӑха пӗлтернӗ тӑрӑх, кун пек ҫанталӑк авӑн уйӑхӗн 18-мӗшӗччен тӑрӗ. Эппин, ку тапхӑра ҫирӗппӗнех «карчӑк ӑшши» теме пулать.
Синоптиксем кӗркунне мӗнле пулассине палӑртнӑ.
Авӑн уйӑхӗ сывлӑш температури, нӳрӗк тӗлӗшпе нормӑпа килӗшсе тӑрӗ. Пӗрремӗш ҫурринче «карчӑк ӑшши» пулӗ, иккӗмӗш ҫурринче вара кӗрхи нӳрӗ те сивӗ ҫанталӑк хуҫаланӗ.
Юпа, чӳк уйӑхӗсем те сивӗ килӗҫ, нӳрӗк сахалрах пулӗ.
Малтанлӑха пӗлтернӗ тӑрӑх, чӳкӗн пӗрремӗш декади вӗҫӗнче хӗл ларӗ. Виҫҫӗмӗш декадӑра 20 градус таран сивӗтме пултарӗ. Раштава, ахӑртнех, 25 сантиметр ҫӳллӗш юрпа кӗрӗпӗр.
Ҫӗнӗ Шупашкарти каяш суйламалли полигонра кайӑксем те ӗҫлеҫҫӗ. Вӗсем — кӑйкӑрпа канюк. Ҫунатлӑ туссен тӗллевӗ — «Ситиматик» предприятире ытти кайӑка хӑратса тӑрасси.
Кӑйкӑрпа канюк чарлансене, ҫӑхансене, чанасене, уҫӑ вырӑнта пуҫтарӑнма юратакан ытти кайӑка хӑваласа яраҫҫӗ. Мӗншӗн тесен лешсем ҫӳп-ҫапа салатаҫҫӗ, тавралӑха варалаҫҫӗ, чир-чӗр сарма пултараҫҫӗ.
Патӑрьел тӑрӑхӗнче каяш уйӑракан комплекс тума пуҫласшӑн. Халӗ ун валли территорие хатӗрлеҫҫӗ.
Комплекс 2,5 гектар лаптӑк ҫинче вырнаҫӗ. Ӑна 2026 ҫул вӗҫлениччен туса пӗтермелле.
Пирӗн республикӑра «Экономика замкнутого цикла» (чӑв. Хупӑ цикл экономики) федераци проекчӗпе каяш уйӑракан виҫӗ комплекс тумалла.
Ҫулла вӗҫленчӗ, ҫанталӑк вара ҫаплипех ҫуллахи пек ӑшӑ-ха. Синоптиксем пӗлтернӗ тӑрӑх, паян кунӗпех уяр пулӗ, ҫӗрле тата ыран ирхине ҫумӑр ҫӑвӗ, аслати авӑтма пултарӗ. Ыран термометр 20-25 градус ӑшӑ кӑтартӗ.
Юнкун вара пӗлӗтленӗ, ҫумӑрлӑ ҫанталӑк пуҫланӗ, ҫил вӑйланӗ, ҫавна май 11-13 градус ӑшӑ пек кӑна туйӑнӗ.
Канмалли кунсенче ҫумӑр ҫума чарӑнӗ, хӗвел тухӗ, 17-22 градус таран ӑшӑтӗ. Ахӑртнех, «карчӑк ӑшши» пуҫланӗ, вӑл авӑн уйӑхӗ варриччен тӑсӑлӗ.
Синоптиксем авӑн уйӑхӗ мӗнле пулассине пӗлтернӗ. Уйӑх ҫуллахи ӑшӑ ҫанталӑкран пуҫланӗ. Ҫурлан 31-мӗшӗнче тата авӑнӑн 1-мӗшӗнче хӗвеллӗ, шӑрӑх пулӗ. Эппин, Пӗлӳ кунне ҫуллахи пек тӑхӑнса кайма юрать.
Уйӑх варриччен типӗ ҫанталӑк тӑрӗ. Ку – «карчӑк ӑшши». Иккӗмӗш ҫурринче вара кӗркуннехи ҫанталӑк хуҫаланма тытӑнӗ, ҫумӑрсем пуҫланӗҫ. Сывлӑш температури нормӑпа килӗшӳллӗн пулӗ.
Синоптиксем ҫуллан юлашки эрни мӗнле пулассине пӗлтернӗ. Ҫанталӑк ӑшӑ тӑрӗ. Паян кӑнтӑрла хыҫҫӑн тата каҫхине каллех ҫумӑр ҫӑвӗ.
Ытларикун уяртӗ. Юнкун вара каллех ҫумӑрлӑ ҫанталӑк таврӑнӗ. Шӑматкун та, ахӑртнех, ҫумӑр ҫӑвӗ. Вырсарникун ӑшӑ та хӗвеллӗ ҫанталӑк тӑрӗ. Кӑнтӑрти районсенче термометр 30 градус патнеллех кӑтартӗ.
Ку эрнере вӑтамран 17-22 градус ӑшӑ пулӗ. Анчах анӑҫ енчен вӗрекен ҫил вӑйланнине пула кӗрхи пек тумланма тивӗ.
Малтанлӑха пӗлтернӗ тӑрӑх, авӑн уйӑхӗн пуҫламӑшӗ те лайӑх ҫанталӑкпа савӑнтарма пултарӗ.
-0.7 °C