Кӑҫал ҫулла ҫумӑр ҫусах тӑрать. Синоптиксем унсӑр пуҫне ҫывӑх вӑхӑтра сивӗтессине пӗлтереҫҫӗ.
Паян та, ыран та ҫумӑрлӑ ҫанталӑк тӑрӗ. Юнкунпа кӗҫнерникун кӑна уяр пулӗ. Эрнекун каллех ҫумӑр ҫума тытӑнӗ. Ҫӗрле пушшех те вӑйлӑ ҫӑвӗ. Эрне вӗҫнелле кӑнтӑрла 12-17 градус кӑна ӑшӑ пулӗ.
Шӑматкун ҫӗрле термометр 6-8 градус ҫеҫ ӑшӑ кӑтартӗ. Атмосфера пусӑмӗ пӗчӗкленӗ, ҫурҫӗр-хӗвеланӑҫ енчен вӗрекен ҫил вӑйланӗ. Вырсарникун ҫумӑр ҫумӗ.
Малтанлӑха пӗлтернӗ тӑрӑх, Республика кунӗ те, ҫӗртме уйӑхӗн 24-мӗшӗ, ҫумӑрсӑр иртмӗ. Ҫуллахи 25-30 градус ӑшӑ уйӑх вӗҫӗнче кӑна таврӑнӗ.
Синоптиксем пӗлтернӗ тӑрӑх, ку эрнере вӑхӑтлӑха шӑрӑх вӗҫленет. Ыран кӑнтӑрла хыҫҫӑн пӗлӗтленме тытӑнӗ, вырӑнӑн-вырӑнӑн аслатиллӗ ҫумӑр ҫӑвӗ. Каҫхине тата ҫӗрле чашлаттарсах ҫӑвӗ. Ҫил вӑйланма, пӑр ҫума пултарать.
Юнкун уяртӗ, 22-24 градус ӑшӑ тӑрӗ. Кӗҫнерникун та ҫумӑр ӳкмӗ. Эрнекунран пуҫласа вырсарникунччен вара ҫӑвӗ. Эрнекун ӑшӑ пулӗ-ха. Шӑматкунпа вырсарникун вара термометр кӑнтӑрла та 18-20 градус кӑтартӗ, пур ҫӗрте те тенӗ пек ҫумӑр ҫӑвӗ.
Ҫӗртмен 15 е 16-мӗшӗнче кунӗпех ҫумӑр ҫума пултарать. Ҫӗртмен 19-мӗшӗнче те ҫумӑр ҫума пултарӗ.
Уҫӑрах ҫанталӑк иккӗмӗш декада, вӗҫӗччен тытӑнса тӑрӗ. Хӑш-пӗр кун ҫӗрлесерен 5 градус кӑна ӑшӑ пулӗ. Кашни кун тенӗ пек ҫумӑр ҫӑвӗ.
Малтанлӑха пӗлтернӗ тӑрӑх, ҫӗртмен 24-мӗшӗ валли шӑрӑх таврӑнӗ.
Синоптиксем ҫулла мӗнле пулассине палӑртнӑ. Ҫӗртмен иккӗмӗш декади те ҫумӑрлӑ килӗ, ҫавӑнпа ку уйӑхра нӳрӗк нормӑран ытларах ӳкӗ. Ҫапах ҫурла тата ҫумӑрлӑрах килӗ.
Ҫӗртмере те, ҫурлара та аслатиллӗ ҫумӑр 7 кун пулӗ, июльте – 10 кун. Ҫав кунсенче ҫил вӑйланас, пӑр ҫӑвӑс хӑрушлӑх пур. Иртен пуҫласа каҫчен ҫумӑр ҫунӑ кунсем те пулӗҫ. Кун пеккине ҫывӑх вӑхӑтрах кӗтмелле: ҫӗртмен 14 е 15-мӗшӗнче.
Ҫулла ҫав тери шӑрӑхпа пулмӗ, ҫанталӑк климат нормипе килӗшсе тӑрӗ. Ҫӗртмере вӑтам температура – 17, ҫурлара 18,5 (нормӑран 1 градус пысӑкрах) градуспа танлашӗ. Утӑ уйӑхӗ нормӑран 1 градус сивӗрех килӗ.
Ку эрнере мӗнле ҫанталӑк пулӗ? Синоптиксем пӗлтернӗ тӑрӑх, паян кунӗпех вырӑнӑн-вырӑнӑн ҫумӑр ҫума пултарать. Ҫил лӑпланмасть-ха. Термометр 20 градусран сахалрах кӑратрӗ.
Ытларикун ҫанталӑк лайӑхланӗ, кӑштах уяртӗ, 19-24 градус таран ӑшӑ пулӗ. Юнкун каллех циклон ҫитӗ, ҫумӑр ҫӑвӗ. Шупашкарта каҫ енне кӑна ҫумӑр ӳкӗ.
Кӗҫнерникун тата эрнекун ҫанталӑк лайӑхланӗ, ҫил лӑпланӗ, сывлӑш 22-27 градус таран ӑшӑнӗ. Шӑматкун хӑш-пӗр тӑрӑхра хушӑран ҫумӑр ҫума пултарать.
Малтанлӑха пӗлтернӗ тӑрӑх, июнӗн 8-10-мӗшӗсенче шӑрӑх пулӗ.
Ӗнер ҫумӑра тата вӑйлӑ ҫиле пула Чӑваш Енре 4 округри 7 ялта электроэнерги сӳннӗ: Канаш, Сӗнтӗрвӑрри, Муркаш тата Шупашкар округӗсенче. Ҫил хушӑран ҫеккунтра 20 метр хӑвӑртлӑхпа вӗрнӗ.
Каҫхине республикӑра юсав ӗҫӗсемпе 4 бригада ӗҫленӗ: 12 ҫын тата 4 техника.
Ку эрнере республикӑра ҫанталӑк нормӑран ӑшӑрах тӑрать. Хӗвел ҫинче 35-40 градус шӑрӑх пек туйӑнать. Термометр паян 30 градус ӑшӑ кӑтартать.
Ыран чи шӑрӑх кун пулӗ: термометр сулхӑнра 28-33 градус кӑтартӗ. Вырсарникун сивӗ фрончӗ ҫывхарма тытӑнӗ. Кӑнтӑрла хыҫҫӑн пӗлӗтленӗ, вырӑнӑн-вырӑнӑн аслатиллӗ ҫумӑр ҫӑвӗ. Каҫхине тата ҫӗрле вӑйлах ҫума пултарать. Пӑр ҫӑвас, ҫил вӑйланас хӑрушлӑх пур.
Тунтикун 19-24 градус ӑшӑ пулӗ, ҫӗрле – 10-12 градус. Ҫил вӑйланӗ, ҫурҫӗр-хӗвеланӑҫ енчен вӗрӗ. Уяр пулсан та кӑшт ӑшӑрах тумланма тивӗ.
Ҫитес эрнере ҫумӑр ҫумӗ, юнкун, эрнекун тата вырсарникун кӑна хӑш-пӗр ҫӗрте ҫума пултарать.
Малтанлӑха пӗлтернӗ тӑрӑх, иккӗмӗш декада пуҫламӑшӗнче каллех 30 градус шӑрӑх пулӗ.
Ҫӗртме уйӑхӗнче мӗнле ҫанталӑк пулӗ-ха?
Синоптиксем пӗлтернӗ тӑрӑх, ҫанталӑк улашнса тӑрӗ, уйӑх тӑршшӗпе 5 хутчен ӑшӑтса сивӗтӗ.
Чи шӑрӑх кунсем пӗрремӗш декада вӗҫӗнче тата иккӗмӗш декадӑра пулӗҫ. Пӗрремӗш декада варринче вара ҫанталӑк ытти ҫулсенчен сивӗрех тӑрӗ.
Ҫумӑр сителӗклех ҫӑвӗ-и? Пӗрремӗш тата юлашки декадӑра типӗ ҫанталӑк пулӗ. Ҫумӑр ытларах уйӑх варринче ҫӑвӗ. Ун чухне ҫӗртме уйӑхӗнчи нормӑн ҫурри ытларах ҫӑвӗ.
Синоптиксем пӗлтернӗ тӑрӑх, ку эрнере тата ӑшӑрах пулӗ. Эрне вӗҫнелле кӑнтӑрла термометр 30 градус кӑтартӗ. Каҫхине те 15-20 градус ӑшӑ пулӗ.
Кӗҫнерникун кӑна пӗлӗтсем курӑнма тытӑнӗҫ. Вырӑнӑн-вырӑнӑн аслатиллӗ ҫумӑр ҫума пултарать. Ҫапах шӑрӑх чакмӗ. Канмалли кунсенче ҫумӑр пулмӗ, кӑшт пӗлӗтленӗ, ҫил вӑйланӗ.
Чи шӑрӑх кунсем ҫӗртмен 1-2-мӗшӗсенче пулӗҫ. Ун чухне термометр сулхӑнра та 31-33 градус кӑтартӗ.
Малтанлӑха пӗлтернӗ тӑрӑх, ҫитес эрнере республикӑна сивӗрех сывлӑш килӗ.
Синоптиксем ку эрнере мӗнле ҫанталӑк пулассине пӗлтернӗ. Паян тата ыран кӑнтӑрлаччен ҫумӑр ҫукалӗ. Унтан сивӗ сывлӑш килӗ, ҫил вӑйланӗ.
Кайран ҫанталӑк майӗпен ӑшӑтма тытӑнӗ. Ыран кӑнтӑрла хыҫҫӑн хӗвел тухӗ. Ҫапах эрне варринче те хушӑран ҫумӑр ҫума пултарӗ. Кӗҫнерникун республикӑна сивӗ фрончӗ ҫитӗ. Эрнекун уяр тӑрӗ. Анчах канмалли кунсем те сивӗ ҫанталӑкран пуҫланӗҫ. Вырсарникун вара хӗвеллӗ, ӑшӑ пулӗ.
Малтанлӑха пӗлтернӗ тӑрӑх, ҫитес тунтикун каллех сивӗ килӗ, вӑл икӗ куна тӑсӑлӗ. Ҫу уйӑхӗн 30-мӗшӗнче тин республикӑра хӗвеллӗ, 20 градус ытла ӑшӑ ҫанталӑк хуҫаланма тытӑнӗ.
Синоптиксем пӗлтернӗ тӑрӑх, кӗҫӗх ҫӗмӗрт сивви иртсе каять те… сирень сивви килет.
Халӗ ҫил кӑнтӑр-хӗвеланӑҫ енчен самай вӑйлӑ вӗрет. Ыран, шӑматкун, лӑпланӗ, сывлӑш 19-24 градус таран ӑшӑнӗ. Вырсарникун 30 градуса яхӑн ӑшӑ пулӗ. Анчах кӑнтӑрла хыҫҫӑн пӗлӗтленӗ. Ҫӗрле тата тунтикун кӑнтӑрлаччен ҫумӑр ҫӑвӗ. Аслати авӑтма пултарать. Эрне тӑршшӗпех ҫумӑр ҫукалӗ.
Ытларикун каллех ҫил вӑйланӗ, ҫавна май ӑшӑрах тумланма тивӗ. Телее, синоптиксем пӗлтернӗ тӑрӑх, тӑм ӳкмӗ.
-10.7 °C