Шупашкарта пурӑнакан 37 ҫулти хӗрарӑм пӗлтӗрхи чӳк уйӑхӗнче кӗрӗк туянас тенӗ. Халӑх тетелӗнче вӑл йӳнӗ хакпа кӗрӗк сутакан ушкӑна асӑрханӑ. Хӑйне килӗшекен атвар тупсан хӗрарӑм тавар сутаканпа ҫыхӑннӑ. Вӑл ӑна кӗрӗк хакне, 11 пин те 200 тенке, куҫарса панӑ. Анчах кӗрӗк килмен.
Пӑтӑрмах пирки хӗрарӑм йӗрке хуралҫисене пӗлтернӗ. Лешсем улталанӑ тӗслӗхпе пуҫиле ӗҫ пуҫарнӑ. Улталаканни Мускав облаҫӗнче пурӑнакан 33-ри хӗрарӑм пулнӑ.
21 ҫулти каччӑ пӗр каҫхине килне хӗр чӗнсе илес тенӗ. Пӗлтерӗве вӑл тӗнче тетелӗнчӗ асӑрханӑ.
Качча пӗлтерӳре кӑтартнӑ номерпе шӑнкаравланӑ. Телефона тытнӑ хӗр «пулӑшушӑн малтанах укҫа тӳлесе хумаллине пӗлтернӗ. Каччӑ вӗсен сайтӗнче пӗрремӗш хутн пулнине кура унӑн страховка та тӳлемелле тесе ӗнентернӗ.
Качча пӗтӗмпе 40 пин тенкӗ ытла куҫарса панӑ. Кӑштахрах унран тата укҫа ыйтнӑ. Тем шанчӑклах мар пек туйӑннӑран каччӑ хӗре чӗнсе илес мар тенӗ. Анчах ун пек каласан унран тата укҫа тапӑнма, ҫывӑх ҫыннисене тавӑрассипе хӑратма тапранса кайнӑ. Хӑраса ӳкнӗ каччӑ 200 пин тенкӗ ытла куҫарса панӑ.
Шупашкарта пурӑнакан 26 ҫулти арҫын налук декларацийӗ тӗрӗс мар тесе укҫасӑр тӑрса юлнӑ. Пӑтӑрмах налук инспекцийӗнчен тесе пӗр хӗр шӑнкӑравланинчен пуҫланнӑ. Хайхи каччӑна декларацие тӗрӗс мар ҫырнӑ, ӑна тӳрлетме налук инспекцине пымалла, ун валли вара электрон черете тӑмалла, черете тӑма смс-кода пӗлтермелле тесе ӗнентернӗ.
Ун хыҫҫӑн каччӑ патне патшалӑх пулӑшӑвӗн порталӗнчен, Центробанкран текенсем шӑнкӑравлама тапранса кайнӑ. Вӗсем ӑна ун ячӗсем ултавҫӑсем кредит илме заявка панӑ тесе хӑратнӑ, укҫана хӑрушсӑр счет ҫине куҫарма ӳкӗте кӗртнӗ.
Ҫамрӑк арҫын хӑй пухса пынӑ 800 пин тенке тата кредитла илнӗ 1 миллион тенке ют ҫынсене куҫарса панӑ.
рокуратуру Шемуршинского района обратились два пенсионера, прожШӑмӑршӑ тӑрӑхӗнчи пӗр ялта пурӑнакан икӗ ватӑ ҫын пластик чӳрече ларттарас тенӗ. Усламҫӑпа вӗсем сӑмахпа калаҫса татӑлса килӗшӳ тунӑ.
Хайхи ватӑсен килӗсенчи чӳречесене пластикран лартса пама шантарнӑ. Ӗҫшӗн пӗри 65 пин тенкӗ тӳлесе хунӑ, тепри — 40 пин.
Кун хыҫҫӑн кун, эрне хыҫҫӑн эрне иртнӗ, чӳрече лартакан килмен те килмен. Ҫавна хайхи этем укҫа-тенкӗ енчен йыварлӑха кӗрсе ӳкнипе сӑлтавланӑ. Анчах ватӑсем алӑ усса ларман, йӗрке хуралҫисен пулӑшу ыйтнӑ. Прокуратура вӗсене хӳтӗлесе Патӑрьел районӗнчи суда тавӑҫпа тухнӑ. Ватӑсене укҫана тавӑрса памалла тунӑ.
Канаш районӗнчи пӗр ялта пурӑнакан 57 ҫулти арҫын инветсиципе тупӑш курас тенӗ те хӑй пухса пынӑ 1,6 миллион тенке ултавҫӑсене куҫарса панӑ.
Сӑмах май каласан, арҫын пӗр предприятире тӗп инженерта ӗҫлекенскер иккен. Анчах ултавҫӑсем такама та шӑнман пӑрпа лартса яма пултараҫҫӗ.
Иртнӗ уйӑхра вӑл тӗнче тетелӗнче унпа палламан ҫын калаҫу пуҫарнӑ. Хӑйӗнпе менеджер тесе паллаштарнӑ ҫын нефть компанине инвестици хывса тупӑш курма пулать тесе ӗнентернӗ. Тӗп инженер 1,6 миллион тенке ют ҫынсене куҫарса панӑ.
Хӑй улталаннине ӑнланса илнӗ хыҫҫӑн йӗрке хуралҫисенчен пулӑшу ыйтнӑ. Вӗсене вӑл ӑнлантарнӑ тӑрӑх, инвестиципе илнӗ тупӑшпа машина туянма ӗмӗтленнӗ. «Хушма тупӑш» пирки вӑл чылайччен никама та пӗлтермен.
Федерацин хӑрушсӑрлӑх службин Чӑваш Енри управленийӗ пысӑк суммӑлӑх улталанӑ тӗслӗхпе пуҫиле ӗҫ пуҫарнӑ.
Фирмӑсенчен пӗрин ертӳҫи Ӑслӑлӑхпа техника сфери енӗпе аталанма пулӑшакан фонда ӳсентӑран чӗртаварне туса илмелли хатӗр туянма заявка панӑ. Анчах ӗҫне пурнӑҫламан. Пысӑк технологиллӗ обордовани туянман, проекта хутшӑнакансене ученӑй ячӗсене суйса парса тухнӑ, ӗҫе пурнӑҫлани пирки суя отчетсем тунӑ.
Ҫапла вара фирма 2019 тата 2020 ҫулсенче уйӑрса панӑ укҫана патшалӑха улталаса илнӗ. Тӑкак виҫи - 3,5 миллион тенкӗ ытла.
Ултавҫӑсен капкӑнне темле майпа та ҫакланакан пур. Шупашкар хулинче пурӑнакан 22 султи хӗр патне почта уйрӑмӗнче тесе шӑнкӑравланӑ та посылкӑна илме епле меллӗрех тесе кӑсӑкланнӑ. Тата меллӗрех пултӑр тесен ятарлӑ каҫӑпа иртсе приложенире регистрациленме сӗннӗ. Хер темиҫе хутчен те пароль ҫырса пӑхнӑ, регистрациленме май килмен.
Темиҫе минутран хӗр патне урӑх ҫын шӑнкӑравланӑ. Вӑл ӑна унччен Украинӑри аферистсемпе калаҫни, халӗ вӗсем унӑн даннӑйӗсемпе усӑ курса асӑннӑ ҫӗршыва пулӑшассине пӗлтернӗ. Ун пек ан пултӑр тесен хӑш-пӗр ӗҫ пурнӑҫлама ыйтнӑ. Ҫав шутра видеоҫыхӑнупа вшшӗ-амӑшӗн хваттерӗнче шырав ирттерме, пухса пынӑ укҫана кӑтартма, вӗсене тӗрлӗ счет ҫине куҫарма, микрозайм илсе ӑна та куҫарса пама.
Шупашкарти ҫамрӑк стоматолог 3 миллиона яхӑн тенкӗсӗр тӑрса юлнӑ.
25-ри хӗр-стоматолог патне «Раҫҫӗй Почтинчен» текен ҫын шӑнкӑравланӑ. Вӑл ӑна йӑнӑшпа налук уведомленийӗ ярса панине пӗлтернӗ, патшалӑх пулӑшӑвӗсен порталӗнче мессенджер урлӑ регистрациленсе йӑнӑша тӳрлетме ыйтнӑ.
Стоматолог ултавҫӑсем ҫынсене шӑнман пӑрпа лартса ямалли ҫӗр тӗрлӗ меслет пӗлнине тӗшмӗртнӗ пулин те хӑйӗн патне шӑнкӑравлакан каланине итленӗ.
Кӗҫех ун патне патшалӑх пулӑшӑвӗсен порталне Украинӑри номерпе кӗни пирки хыпрлакан ҫыру электрон почтӑпа ҫитсе выртнӑ. Пӑлханса ӳкнӗ хӗрарӑм электрон ҫырура кӑтартнӑ «техслужба» номерӗпе шӑнкӑравланӑ та ӑна кредит илсе укҫана шанчӑклӑ счет ҫине куҫарса яма ӳкӗте кӗртнӗ. Пӗр кунта мар, темиҫе куна тӑсӑлнӑ ҫак пӑтӑрмах.
Стоматолог ҫапла майпа кредит илнӗ укҫана та (ӑна вӑл автомобиль салука хывса илнӗ), хӑй пухнине те, пурӗ 2,9 миллион тенке ултавҫӑсене куҫарса панӑ.
Шупашкарта тивӗҫлӗ канури ҫынсем ирхи 3-ре ФСБ пулнӑ ҫурт патне ҫитсе тӑрсан тин ултавҫӑсен аллине лекнине ӑнланнӑ.
Ҫак кунсенче 73 ҫулти хӗрарӑм патне хӑйӗнпе «ФСБ ӗҫченӗ» тесе паллаштарнӑ ҫын шӑнкӑравланӑ. Вӑл анлӑ сарӑлнӑ схемӑпа усӑ курса унӑн укҫине вӑрлама тӑнӑ. Хӗрарӑм ӑна ӗненсе счечӗ ҫинчен 3 млн ытла тенкине илнӗ, укҫана ҫав ҫынна пама хатӗрленнӗ.
Анчах чӑтайман, лешсем никама та калама юрамасть тесен те кун пирки упӑшкине каласа кӑтартнӑ. Кун хыҫҫӑн вӗсем иккӗшӗ ирхи 3-ре ФСБ пулнӑ ҫурт патне кайнӑ, анчах вӑл хупӑ пулнӑ. Ҫавӑн чухне тин упӑшки ултавҫӑсен серепине лекнине ӑнланнӑ.
Шупашкарта пурӑнакан 76 ҫулти кинемее килте нумай укҫа упрама юрамасть тесе хӑратнӑ. Пӑтармах вара ҫапларах пуҫланнӑ.
Ун патне палламан арҫын шӑнкӑравласа стационар телефонӗпе усӑ курнишен схаалтарах укса тӳлеттерӗпӗр тесе суйса савӑнтарнӑ. Ҫав сын унран СНИЛ номерне ыйтнӑ. Карчӑк каланӑ. Кӑштахран ун патне Федерацин хӑрушсӑрлӑх службин ӗҫченӗ текен ҫын шӑнкӑравланӑ. Вал ӑна унччен ултавҫӑпа калаҫни, вӑл карчӑкӑн укҫине вӑрлама пултарать тесе пӗлтернӗ. Ан вӑрлатӑр тесен банкри укҫана илмелле тесе каланӑ.
Ватӑ ҫын 10 ҫул пухса пынӑ 470 пин тенке кайса илнӗ. Кӑштахран ӑна килте 100 пин тенкӗрен ытла упрама юрамасть, укҫана Мускаври е Хусанти учреждение ҫитсе декларацилемелле тесе ӗнентернӗ. Карчӑк унта ҫити кайса ҫӳреме йывӑр тесе курьер урлӑ парса яма килӗшнӗ. Лешӗ ӑна талӑкран укҫана тавӑрса пама шантарнӑ.
-9.7 °C