Ӗнер хуҫаланнӑ «Фрэнсис» циклона пула Мускавра юр тасатса ӗлкӗреймен. Ҫавна май авиатранспорт та йӗркеллӗ ҫӳреймен. Тӗрӗссипе, ку циклон Калининградран пуҫласа Камчатка таранах витӗм кӳнӗ.
Ҫӗршывӑн тӗп хулинчи аэропортсенче авиарейссен вӑхӑчӗ те улшӑнса пӗтнӗ.
Кӑрлач уйӑхӗн 9-мӗшӗнче Мускавран Шупашкара килмелли «Победа» самолечӗ ҫула тухайман. Вӑл рейспа Мускава ҫитме палӑртнисем те ҫавна май каяйман.
«Победа» авиакомпанин Шупашкара 19 сехет те 15 минутра килмелли самолечӗ те вӑхӑтра ҫитеймен, вӑл 23 сехет те 23 минутра ҫеҫ Чӑваш Ен тӗп хулине ҫитнӗ.
Ҫак кунсенче Шупашкартан Новосибирска самолет вӗҫме тытӑннӑ. S7 Airlines авиакомпани пӗрремӗш рейса пурнӑҫланӑ.
Новосибирскран Шупашкара килнӗ пассажирсене чӑвашсен йӑли-йӗркипе кӗтсе илнӗ. Пӗрремӗш кунхинех Шупашкартан Новосибирска 60 ҫын вӗҫнӗ.
ЧР Элтеперӗ Олег Николаев палӑртнӑ тӑрӑх, ҫак рейс ҫынсене Раҫҫейӗн хӗвелтухӑҫ пайне ҫӑмӑллӑнах ҫитме май парать.
Ӗнер, раштав уйӑхӗн 29-мӗшӗнче, Сочирен Шупашкара вӗҫсе килекен самолет кая юлса килнӗ.
Кӑнтӑрлахи рейспа вӗҫсе килме хатӗрленнисем 6 сехет каярах юлса килнӗ. Самолет Сочирен вӑхӑтра ҫитейменрен Шупашкартан Сочие каякан рейс та палӑртнӑ вӑхӑтра ҫула тухайман.
Самолет ҫула юлса тухасси юлашки вӑхӑтра час-часах пулать. Пилотсӑр вӗҫекен аппаратсем кансӗрленӗрен та тепӗр чухне самолетсене тытса чараҫҫӗ.
Паян Шупашкартан Мускава вӗҫекен «Победа» самолет инкек сиксе тухни пирки сигнал панӑ хыҫҫӑн Шереметьево аэропортӗнче авариллӗ майпа анса ларнӑ. Телее, 11:56 сехетре ӑнӑҫлӑ анса ларнӑ, никам та аманман.
Малтанлӑха палӑртнӑ тӑрӑх, Boeing 737 (DP 6808 рейс) самолетӑн малти стойки юсавсӑр пулнӑ.
Ҫӗнӗ ҫулхи каникулта Шупашкартан Мускава самолетсем ытларах вӗҫӗҫ. Кун пирки аэропорт пресс-служби пӗлтерет.
«Победа» авиакомпани расписание хушма рейссем кӗртме йышӑннӑ. Ку раштав уйӑхӗн 28-мӗшӗнчен пуҫласа кӑрлачӑн 11-мӗшӗччен вӑйра пулӗ.
Сӑмах май, Раҫҫей чукун ҫулӗ те Ҫӗнӗ ҫулхи каникулта хушма пуйӑссем яма палӑртнӑ.
Ҫитес ҫултан, кӑрлачӑн 6-мӗшӗнчен, Шупашкарти аэропортра ҫӗнӗ рейс уҫӑлӗ: Новосибирска самолет вӗҫме тытӑнӗ.
Рейс S7 Airlines авиакомпанирен пулӗ. Самолет Шупашкартан ытларикунсерен 19:35 сехетре вӗҫӗ. 3 сехет те 15 минутран Новосибирскра анса ларӗ. Ун чухне Новосибирскра 23:50 сехет пулӗ.
Билетсене авиакомпанин официаллӑ сайтӗнче сутма пуҫланӑ ӗнтӗ.
Кӑҫал пирӗн Шупашкарти аэропорт 600 пин пассажира йышӑннӑ. Аэропортӑн ҫӗнӗ историйӗнче кун пекки пӗрремӗш хут тесе пӗлтерет аэровокзалӑн пресс-служби.
600 пинмӗш пассажир Мускавран «Аэрофлот» авиакомпанин самолёчӗпе вӗҫсе килнӗ. Пӗлтӗр Шупашкарти аэропорт 577 пин ҫынна йышӑннӑ.
Паян Шупашкара Мускавран вӗҫсе килекен «Победа» авиакомпани самолёчӗ ҫур сехет каярах юлса ҫула тухнӑ. Ҫакӑ республикӑн тӗп хулине пилотсӑр вӗҫекен аппаратсем йышлӑ тапӑннипе ҫыхӑннӑ.
Аса илтерер: паян ирхи 2-3 сехет тӗлӗнче беспилотниксем тапӑннӑ. Пӗри 12 хутлӑ ҫурт тӑррине лекнӗ. Икӗ ҫурт сиенленнӗ, икӗ ҫын суранланнӑ.
Ӗнертенпе, юпа уйӑхӗн 26-мӗшӗнченпе, Шупашкарти аэропорт хӗллехи расписанипе ӗҫлеме пуҫланӑ.
«Победа» авиакомпани самолёчӗсем Шупашкартан Мускаври Шереметьево аэропорта кунне икӗ хутчен вӗҫӗҫ: ирхи 8 сехет те 40 минутра тата каҫхи 21 сехет те 40 минутра.
«Аэрофлот» авиакомпани самолёчӗ 19 сехетре ҫула тухма тытӑннӑ.
Санкт-Петербурга тунтикунсерен, ытларикунсерен, кӗҫнерникунсерен тата шӑматкунсерен 12 сехет те 25 минутра «Победа» самолёчӗпе вӗҫсе кайма май килӗ.
«Nordwind» Сочи тунтикунсерен 17 сехет те 15 минутра илсе ҫитерӗ, раштав уйӑхӗн 26-мӗшӗнчен вӑл кӗҫнерникун та ҫав вӑхӑтра вӗҫме пуҫлӗ.
«Азимут» авиакомпани тунтикунсерен Сургута 16 сехет те 20 минутра, Минеральные Воды хулине 20 сехет те 50 минутра илсе кайӗ. Чӳк уйӑхӗнченпе ҫав компани самолечӗсем шӑматкунсерен те Сургутпа Минеральные Воды хулисене вӗҫме пуҫлӗҫ.
Чӑваш Ен Элтеперӗ Олег Николаев ҫитес ҫул Чӑваш Енрен Азербайджана тата Турцие самолётсем вӗҫме пуҫласси пирки шантарнӑ. Кун пирки вӑл тӳрӗ лини вӑхӑтӗнче палӑртса хӑварнӑ.
Олег Николаев каланӑ тӑрӑх, Росавиаци «ИрАэро» авиакомпание Бакуна вӗҫме ирӗк пани пирки пӗлтернӗ, анчах политика лару-тӑрӑвне пула ӗҫ чарӑнса ларнӑ-мӗн. Анчах авиакомпани ҫак ӗмӗте пӑрахӑҫламан-мӗн.
Унсӑр пуҫне ҫуллахи расписание Турцие вӗҫекен рейс уҫасшӑн.
Махачкалапа Калининграда самолетсем килес ҫул та вӗҫӗҫ.
+7.3 °C