Пирӗн ентеш, Елчӗк округӗнче ҫуралса ӳснӗ Давид Крысов, Хусанта ММА енӗпе иртнӗ ӑмӑртура кӗмӗл медаль ҫӗнсе илнӗ.
Тупӑшӑва 16 регионти 350 спортсмен хутшӑннӑ. Пирӗн ентеш 18-20 ҫулсенчи ҫамрӑксен хушшинче вӑй виҫнӗ. Вӑл финала тухнӑ. Анчах, шел те, Пермь хулинчи спортсмена темиҫе балл кӑна выляса янӑ. Ҫапла вӑл иккӗмӗш вырӑн йышӑннӑ.
Хусанти Халӑхсен туслӑхӗн ҫуртӗнче чӑваш культурин кунӗсем иртеҫҫӗ. Унта килнӗ хӑнасем чӑваш тӗррипе паллашнӑ. Кунсӑр пуҫне вӗсем ӗлӗкхи йӑлана аса илсе улах ларнӑ. Унта фольклор коллективӗсем хутшӑннӑ.
Ку кӑна мар, чӑваш эстрада артисчӗсен концерчӗ те иртнӗ. Паян вара Раҫҫей тата Тутар Республикин халӑх художникӗн Владимир Акимовӑн куравӗ ӗҫлеме пуҫланӑ.
Ыран вара «Тутарстан чӑваш пикине палӑртӗҫ.
Нумаях пулмасть Хусанта «Стиль жизни – Культурный код» (чӑв. Пурнӑҫ стилӗ — культура кочӗ) халӑх пултарулӑхӗн этно-Fashion фестивалӗ иртнӗ. Унта халӑх пултарулӑхӗн тата декораципе прикладной ӳнер ӑстисем пуҫтарӑннӑ.
Унта Раҫҫейӗн тӗрлӗ кӗтесӗнчи 30 ытла дизайнерсем пуҫтарӑннӑ. Ҫав шутра Тутарстанран, Мусквавран, Екатеринбургран, Липецкран, Красноярскран, Якутскран, Удмурт Республикинчен, Самараран тата Кировран. Унсӑр пуҫне Кӑркӑстанран, Турцинчен, Малайзирен, Китайран, Казахстанран, Узбекистанран.
Ку хайлав Лидия Филиппова журналист-ҫыравҫӑн хӑйӗн ентешне – Ҫеҫпӗл Мишши поэта – халалласа ҫырнӑ иккӗмӗш поэми ӗнтӗ. Пӗрремӗшӗ 2022 ҫулта «Хальхи самана» («Век нынешний») ятпа кун ҫути курнӑ.
Ҫӗнӗ поэмӑна тӑван чӗлхепе пӗрлех вырӑсла (куҫаруҫи Любовь Петрова), акӑлчанла (Надежда Колесникова), украинла (Надежда Лисовая) тата марилле (Дина Рычкова) тӗрӗс тата илемлӗ куҫарма пултарнӑ. Ҫакӑ вулакансен йышне тата та ӳстерме май парать. Сӑмах май, вырӑсла тата акӑлчанла куҫару варианчӗсем виҫҫӗ таранах пулса кайнӑ иккен. Ҫавӑнпа вӗсене уйрӑм кӗнекен кӑларас шухӑш пуррине те пӗлтерчӗ Лидия Ивановна.
Поэмӑра автор Ҫеҫпӗл Мишшин пурнӑҫӗпе пултарулӑхӗн ҫулӗпе утать, Шӑхасанта, Теччӗре, Хусанта, Мускавра, Евпаторире, Харьковра, Киевра, Остерта «пулать», унӑн шӑпине, чун ыратӑвӗне тата хастарлӑхне ӑнланма тӑрӑшать.
«Ҫеҫпӗл йӗрӗпе» поэма - чӑваш литературин хаклӑ еткерӗ пулса тӑчӗ. Вӑл вулакансене Ҫеҫпӗл Мишшин таланчӗпе ҫывӑхрах паллашма, унӑн сӑввисене тарӑнрах ӑнланма хистет.
Поэма хӑйӗн илемӗпе тата шухӑш тарӑнӑшӗпе тыткӑнлать. Лидия Филиппова сӑвӑ йӗркисемпе Ҫеҫпӗл Мишшин чунне уҫса парать, унӑн пурнӑҫ ҫулӗнчи йывӑрлӑхсене, ӗмӗт-шухӑшӗсене вулакан патне ҫитерет.
И.Я.Яковлев ячӗллӗ Чӑваш патшалӑх педагогика университечӗн ют чӗлхесен факультетӗнчен вӗренсе тухнӑ Юлия Максимова карьеринчи пӗрремӗш кунсенчех ЧР Элтеперӗн Олег Николаевӑн куҫаруҫи пулнӑ.
Юлия ҫак кунчене Хусанта иртнӗ «Ростки: Россия и Китай – взаимовыгодное сотрудничество» Пӗтӗм тӗнчери форумра ӗҫленӗ. Унта вӑл Чӑваш Ен тата Китай партнерӗсен калаҫӑвӗнче куҫаруҫӑ пулнӑ.
Юлия кун валли пӗр уйӑх хатӗрленнӗ: терминсене вӗреннӗ, Администрацири ӗҫтешӗсенчен консультаци илнӗ. «Чӗлхене пӗлни кӑна мар, стреслӑ лару-тӑрура хӑвна алӑра тытни те пӗлтерӗшлӗ», - тенӗ вӑл.
Ҫитес уйӑхӑн 24-28-мӗшӗсенче Шупашкарта Н.Д. Мордвинов ячӗллӗ регионсем хушшинчи пӗрремӗш фестиваль иртӗ. Ӑна «Волжская премьера» (чӑв. Атӑлҫи премьери) ят панӑ.
Хӑйӗн 100 ҫулхи историйӗнче Вырӑс драма театрӗ Раҫҫӗйри драма коллективӗсен чи лйӑх премьерисемпе пуҫласа паллаштарӗ.
Шупашкара Рязань облаҫӗнчи драма театрӗ, Арзамасри драма театрӗ, Мытищи хулинчи«ФЭСТ» драмӑпа камит театрӗ, Хусанти «Созвездие - Йолдызлык» театр килсе ҫитӗҫ.
Николай Мордвинов — СССР халӑх артисчӗ, вӑл Етӗрнере 124 ҫул каялла ҫуралнӑ.
Хусантан Шупашкар курма килнӗ хӗрсем такси хускатса кайнӑ.
Хӑйсем ӳсӗр пулнӑ. Таксиста хула кӑтартса ҫӳреме ыйтнӑ. Машина заправкӑна кӗрсен водитель ҫӑраҫҫие автомобильтех хӑварнӑ.
Хӑнасем ҫавӑнпа усӑ курса машинӑна хускатса кайнӑ. Анчах нумаях та каяйман — карта ҫине пырса кӗнӗ. Хӑйсен водитель прави те пулман иккен.
Ҫын машинине хускатса кайнӑшӑн хӗрсем тӗлӗшпе пуҫиле ӗҫ пуҫарнӑ. Таксиста вӗсем 2 миллион тенкӗлӗх тӑкак кӳнӗ-мӗн.
Чӑваш Енри спортмсенка Анастасия Красильникова ылтӑн медаль ҫӗнсе илнӗ кӑна мар, хӑйӗн рекордне те ҫӗнетнӗ. Вӑл Хусанта ҫӑмӑл атлетика енӗпе иртнӗ Раҫҫей чемпионатне хутшӑнса пьедесталӑн чи ҫӳлти картлашки ҫине хӑпарнӑ.
Анастасия чӑрмавлӑ 3 пин ҫухрӑма 9 минут та 29,40 ҫеккунтра парӑнтарнӑ. Сӑмах май, вӑл кӑҫал Хусанти 10 ҫухрӑмлӑ марафонра ҫӗнтернӗ, Раҫҫейри команда чемпионатӗнче 3 пин ҫухрӑма чупса мала тухнӑ тата ҫав дисциплинӑрах Раҫҫей Кубокӗнче ылтӑн медаль ҫӗнсе илнӗ.
Хусанти Горький ячӗллӗ паркра нумаях пулмасть «Древо жизни»/«Байтирәк» (чӑв. Пурнӑҫ йывӑҫҫи) фестиваль иртнӗ. Утӑ уйӑхӗнче ирттернӗ чух салтак ӑсатас йӑла-йӗркепе паллаштарнӑ, ҫурла уйӑхӗнчине тӗрлӗ халӑхӑн тӑван килне халалланӑ.
Пӑва хулинче пурӑнакан скульптор, хулари ача-пӑча искусство шкулӗн педагогӗ Павел Ярхунов хӑй тунӑ шӑхличӗсемпе паллаштарнӑ. Кун пирки «Сувар» пӗлтернӗ.
Хусанти чӑваш хӗрачи Сочи хулинче иртнӗ «У самого чёрного моря» (чӑв. Хура тинӗс хӗрринче) халӑхсен хушшинчи конкурса хутшӑннӑ.
Унта Раҫҫейӗн тӗрлӗ кӗтесӗнчи тата ют ҫӗршывсенчен пӗчӗк талантсем хутшӑннӑ. Тутарстанри «Сувар» хаҫат пӗлтернӗ тӑрӑх, фестивалӗн Гран-прине Хусанти Туслӑх ҫуртӗнчи Нумай нациллӗ вырсарни шкулӗнчи чӑваш урӑмӗнче вӗренекен Стефания Чаркина ҫӗнсе илнӗ.
Пӗчӗкскер «Линка-линка» чӑваш халӑх юррине шӑрантарнӑ.
+8.3 °C