Чӑваш Енре спортӑн хӗллехи тӗсӗсен центрӗнче иртнӗ эрнере биатлонистсене пемелли ҫӗнӗ оборудовани вырнаҫтарма тытӑннӑ. Асӑннӑ центр Олимп резервӗн 2-мӗш спорт шкулӗ ҫумӗнче шутланать.
Центрта 30 электромеханика мишеньне (вӑл Финляндире туса кӑларнӑскер) вырнаҫтарнӑ. Ун йышшисем 50 ҫӗршыври 200 ытла стадионта пур иккен.
Спортӑн хӗллехи тӗсӗсен центрӗнче ҫавӑн пекех йӗлтӗр роллер трассине тӑвасси малалла пырать. Ҫав ҫул 4 километр тӑршшӗ пулӗ. Вӑл трасса биатлонӑн тата йӗлтӗрҫӗсен пур енлӗ ӑмӑртӑвне ирттерме май парӗ. Объектра триатлонистсемпе велосипедистсем тренировкӑсем ирттерейӗҫ. Ӗҫе 2024 ҫулхи юпа уйӑхӗн 31-мӗшӗ тӗлне вӗҫлемелле.
Чӑваш Енре биатлон центрне тума май килменнишӗн пӑшӑрханса Татьяна Акимова биатлонистка калани пирки 6 ҫул каялла Дмитрий Губерниев спорт комментарторӗ тӳрӗ эфирта темиҫе хутчен те асӑнса хӑварнӑччӗ. Дмитрий Губерниев ҫавӑн чухне каланӑ тӑрӑх, ун патне ачасем те пулӑшу ыйтса ҫыраҫҫӗ.
Чӑваш Енри паллӑ биатлонистка Татьяна Акимова спорта таврӑнасшӑн. 32 ҫулти икӗ ача амӑшӗ тата тепӗр сезона та пулин хутшӑнасшӑн.
«Спорта таврӑнас кӑмӑл пысӑк. Вӑхӑт тупӑнсанах тренировкӑсем ирттеретӗп. Икӗ ачапа пушӑ вӑхӑт сахалтарах, ҫапах та тӑрӑшатӑп. Хӗлле ӑмӑртусене хутшӑнас килет», — каласа кӑтартнӑ спортсменка Чӑваш Енӗн наци телекуравне.
Татьяна Акимова 1990 ҫулта Ҫӗнӗ Лапсарта (вӑл Шупашкар шутланать) ҫуралнӑ. 2016/2017 ҫулсенчи тӗнче кубокӗнче чи маттур хӗрарӑм-спорстменсен йышӗнче 16-мӗш йӗркене йышӑннӑ, 2017 ҫулта хутӑш эстафетӑра бронза медале ҫӗнсе илнӗ, 2018 ҫулта Олимпиадӑна хутшӑннӑ.
Татьяна Акимова биатлонистка спортран вӑхӑтлӑха каяссине пӗлтӗр хыпарланӑччӗ. Халӗ вӑл мӗншӗн канма шутлани паллӑ: спортсменка иккӗмӗш хут амӑшӗ пулса тӑнӑ.
Татьянӑпа Вячеслав Акимовсен раштав уйӑхӗн вӗҫӗнче ывӑл ҫуралнӑ. Аса илтерер: асли вӗсен – хӗрача, Аделина ятлӑ.
Палӑртмалла: Татьяна Акимова 2020 ҫултанпа Тюмень облаҫӗшӗн тупӑшать. Хӑй вӑл Шупашкарта, Ҫӗнӗ Лапсарта, 1990 ҫулта ҫуралнӑ. Чӑваш Ен чысне нумай ҫул хӳтӗленӗ, 2018 ҫулта иртнӗ Олимп вӑййисене хутшӑннӑ. Татьяна кун хыҫҫӑн спортран кайнӑччӗ, 2019 ҫулта хӗр ҫуратнӑ. Спорта 2020 ҫулхи ҫуркунне таврӑннӑ вӑл. Ҫав ҫулах Тюмень облаҫӗшӗн тупӑшма пуҫланӑ.
Татьяна Акимова биатлонистка 2022-2023 ҫулсенчи сезона хутшӑнмассине пӗлтернӗ. Спортсменка каланӑ тӑрӑх, ку ҫемьери лару-тӑрупа ҫыхӑннӑ, вӑл кайран пысӑк спорта таврӑнӗ.
Татьяна Акимова халӗ Тӗмен облаҫӗн командинче тупӑшать. Команда тренерӗ Максим Кугаевский спортсменка спортран вӑхӑтлӑха кайни ача кӗтнипе ҫыхӑнма пултарассине каланӑ. 2019 ҫулта хӗрне Аделинӑна ҫуратнӑ хыҫҫӑн, 2020 ҫулта, Татьяна спорта таврӑннӑ. Ҫав ҫулах кӗркунне Тӗмен облаҫӗшӗн ӑмӑртма тытӑннӑ. 2021-2022 ҫулсенчи сезонра Раҫҫейӗн пӗрлештернӗ командине кӗме хӑтланнӑ, анчах икӗ хутӗнче те чирленине пула лекеймен.
Палӑртмалла: Татьяна Акимова Ҫӗнӗ Лапсарта ҫуралса ӳснӗ. Халӗ вӑл 31 ҫулта.
Муркаш тӑрӑхӗн пилӗк гражданне савӑнӑҫлӑ лару-тӑрура вӗсене Муркаш районӗн Хисеп Кӗнекине кӗртесси пирки Свидетельствӑсем панӑ. Вӗсенчен пӗри — Татьяна Огандерова (Моисеева) — Раҫҫей биатлонистки. Спорт мастерӗ, биатлон енӗпе тӗнче шайӗнчи Раҫҫей спорт мастерӗ, Раҫҫей тава тивӗҫлӗ спорт мастерӗ, вӑл ҫамрӑксен хушшинче биатлон енӗпе тӗнче чемпионки, ҫуллахи биатлонта тӗнче чемпионки, Чӑваш Енри, Раҫҫейри тата Европӑри ӑмӑртусен ҫӗнтерӳҫи, тӗнче ӑмӑртӑвӗнче виҫӗ хут ҫӗнтерӳҫӗ ятсене ҫӗнсе илнӗ. Биатлон енӗпе Тӗнче Кубокӗн тапхӑрӗн кӗмӗл призерӗ, Раҫҫейри хӗрарӑмсен команди йышӗнче эстафетӑра тӗнче чемпионачӗн бронза призерӗ шутланать.
Спортсменка хӑй ҫапла пӗлтернӗ: «Муркаш район администрацийӗ мана ҫакӑн пек чыс туни кӗтмен ҫӗртен пулчӗ, ҫакӑ вара питӗ кӑмӑллӑ».
Чӑваш Республикинчи — Чӑваш Енри — Раҫҫей УФСИНӗ хӑйӗн ӗҫтешне саламласа ҫирӗп сывлӑх, ырлӑх, ыранхи кун пирки пӑшӑрханмасӑр пурӑнма тата вӑрӑм ӗмӗр сунать, ҫывӑх ҫыннисем ӑна пулӑшса та тимлӗх уйӑрса тӑрассине шанать!
Чӑваш Енӗн тӗп хулинче роллер йӗлтӗрпе ярӑнма ҫул тӑвасшӑнни пирки Чӑваш халӑх сайчӗ пӗлтернӗччӗ-ха. Халӗ вара ҫв трасса валли федераци хыснинчен укҫа уйӑрса парасси пирки пӗлтӗмӗр.
Ырӑ хыпар республика Элтеперӗ Олег Николаев Раҫҫейӗн вице-премьерӗпе Дмитрий Чернышенкӑпа тӗл пулсан паллӑ пулнӑ.
Роллер йӗлтӗрпе ярӑнмалли ҫул 4 километра яхӑн пулӗ. Ӑна Спортӑн хӗллехи енӗсен тӗсӗсен центрӗ ҫумӗнче сарӗҫ. Унта биатлонистсене пемелли хальхи вӑхӑтри ятарлӑ вырӑн та пӑхса хӑварӗҫ.
Ӗҫӗн проект хакӗ – 970,4 млн тенкӗ.
Татьяна Акимова биатлонистка 2026 ҫулта иртекен Олимп вӑййисене хутшӑнасшӑн. Кун пирки вӑл Раҫҫей чемпионатӗнче спринт чупнӑ хыҫҫӑн панӑ интервьюра пӗлтернӗ. Сӑмах май, вӑл унта 43-мӗш вырӑн йышӑннӑ.
Спортсменка каланӑ тӑрӑх, кӑҫалхи сезон уншӑн ӑнӑҫлах пулман. Ҫакна вӑл чирленипе ҫыхӑнтарать. Кӑҫал Татьяна Акимова Раҫҫейӗн пӗрлештернӗ командине икӗ хутчен кӗнӗ, анчах икӗ хутӗнче те чирлесе ӳкнӗ. Палӑртмалла: халӗ вӑл Раҫҫей Кубокӗнче 34-мӗш вырӑн йышӑнать.
Каласа хӑварар: 2019 ҫулта ҫулла спортсменка хӗр ҫуратнӑ. 2020 ҫулта ҫуркунне спорта таврӑннӑ.
Ҫак кунсенче Китайра Олимпиада пырать. Вӑйӑсем нарӑс уйӑхӗн 2-мӗшӗнче пуҫланчӗҫ, нарӑс уйӑхӗн 20-мӗшӗччен пырӗҫ. Олимпиадӑна официаллӑ майпа паян савӑнӑҫлӑ лару-тӑрура уҫӗҫ.
Эпир, биатлона юратакансем, ҫак кунсенче Раҫҫей спортсменӗсемшӗн хытах пӑлханӑпӑр, вӗсене ӑнӑҫу сунӑпӑр. Ҫитменнине тата пирӗншӗн, Чӑваш Ен ҫыннисемшӗн, питех те ырӑ хыпар пур. Биатлонистсен тренерӗсенчен пӗри — Сергей Башкиров.
Шупашкарта ҫуралса ӳснӗ Сергей Башкиров биатлонпа 10 ҫула ҫитсен кӑсӑкланма тытӑннӑ. Унӑн пӗрремӗш тренерӗ ашшӗ пулнӑ.
Сергей Башкиров Тӗнче чемпионатӗнче юниорсем хушшинче ҫӗнтернӗ, Тӗнче кубокӗн тапхӑрӗнче, Европа кубокӗн тӑватӑ ӑмӑртӑвӗнче мала тухнӑ.
Сергей Башкиров 2002 ҫулта ҫӗршывӑн командин йышӗнче Америкӑри Солт-Лейк-Сити хулинчи хӗллехи Олимп ӑмӑртӑвне хутшӑннӑ.
Пирӗн ентешӗмӗр Татьяна Акимова Тӗмен хулинче чӳк уйӑхӗн 15-16-мӗшӗсенче иртекен тӗрӗслев ӑмӑртӑвӗсене хутшӑнаймӗ. Спортсменка чирлесе ӳкнӗ, ҫавна пула вӑл сахалтан та 2022 лхи кӑрлач уйӑхӗччен тӗнчери тупӑшусене хутшӑнаймӗ. Кун пирки Раҫҫейри биатлонистсен союзӗнче пӗлтернӗ.
Тӗменти ӑмӑрту тӑрӑх Тӗнче тата IBU кубокӗсен пӗрремӗш тапхӑрӗсене хутшӑнакан командӑсене палӑртӗҫ. Апла пулсан ентешӗмӗр унта лекеймӗ.
«Шел пулин те, эпӗ чирлерӗм. Манӑн гайморит. Сунас эпир Питӗрте пуҫтарӑнсанах пуҫланнӑччӗ, ун чухне эпӗ темех мар тесе шухӑшларӑм. Халӗ Тӗмене килтӗмӗр, сывлӑх лайӑхланма мар, начарланчӗ. Кунти юр тата сивӗ ҫанталӑк витӗм кӳчӗҫ», — тенӗ Акимова.
Чӑваш спортсменки, халӗ Тӗмен облаҫӗн чысне хӳтӗлекен ентешӗмӗр Татьяна Акимова биатлон енӗпе ҫӗнӗ сезона хатӗрленет.
Спортри ӑсталӑхне вӑл Евгений Куваев тренер патӗнче туптать. Куваев ушкӑнӗнче Татьяна Акимова, Евгения Буртасова, Наталья Гербулова, Анастасия Егорова, Ксения Довгая, Екатерина Носкова, Полина Плюснина тата Ксения Шнейдер хатӗрленеҫҫӗ.
Биатлон енӗпе Тӗнче кубокӗн пӗрремӗш тапхӑрӗ чӳк уйӑхӗн 27-мӗшӗнче пуҫланӗ, IBU кубокӗн пӗрремӗш ӑмӑртӑвӗ — чӳк уйӑхӗн 25-мӗшӗнче. Вӗсене кам хутшӑнасси Тӗменте чӳк уйӑхӗн 15-16-мӗшӗсенче иртекен ӑмӑртусем хыҫҫӑн паллӑ пулӗ.
2022 ҫулхи нарӑс уйӑхӗн 4-20-мӗшӗсенче Пекинта Хӗллехи XXIV Олимп вӑййсем иртӗҫ. Унта пирӗн ҫӗршыври 48 биатлонистӑн хутшӑнас шанчӑк пур, ҫав шутра — Татьяна Акимован та.
+0.3 °C