Ҫак эрнере, утӑ уйӑхӗн 8-мӗшӗнче, Чӑваш Енен наци вулавӑшӗнче И. Н. Ульянов ячӗллӗ чӑваш патшалӑх университетӗнче пулас журналистсене хатӗрлес ӗҫре нумай ҫул тӑрӑшнӑ Анатолий Абрамовӑн 65 ҫулхине халалланӑ пултарулӑх каҫӗ иртнӗ.
Вулавӑш ӗҫченӗ Антонина Андреева халах тетелӗнчи хайӗн страницинче хыпарланӑ тӑрӑх, юбиляра саламлама ачисем, ҫывӑх тӑванӗсем, паллӑ артистсем, журналистсем, ҫыравҫӑсем, преподовательсем, хӑй вӗрентсе кӑларнӑ студентсем пуҫтарӑннӑ.
«Анатолий Серафимович - юратнӑ та хисеплӗ вӗрентекен ҫеҫ мар, чаплӑ фотограф, артист, ӑста строитель, сӑвӑҫ, юрӑҫӑ. Пӗр ҫын ҫакӑн чухлӗ талантлӑ пулни пурне те тӗлӗнтерчӗ. Кашни тухса калаҫакан юбиляр ҫинчен чи ӑшӑ самантсене аса илсе, иртнишӗн те хальхишӗн те тав туса чӗререн тухакан сӑмахсемпе саламларӗҫ», - пӗлтернӗ хыпарта.
Анатолий Абрамова саламлама Мускав хулинчен «Шевле» ушкӑн юрӑҫисем Валентина Попова, Григорий Вакку тата Гелий Илларионов ятарласа килнӗ.
Йӑлана кӗнӗ тӑрӑх, ҫурла уйӑхӗнче Шупашкар ҫуралнӑ кунне уявлӗ. Вӑл ҫурлан 16-17-мӗшӗсенче иртӗ. Кӑҫал та тӗп мероприятисем Константин Иванов скверӗнче, Хӗрлӗ лапамра тата Юрӑ уйӗнче пулӗҫ.
Мускав ҫыранӗнче иртнӗ ӗмӗрӗн 60-70 ҫулсен ретроспективине йӗркелӗҫ. Ҫав вӑхӑтри юрӑ-кӗвӗ янӑрӗ, ҫавӑн пекех «Атӑл ҫинчи джаз» фестиваль иртӗ. Юрӑ уйӗнче спортсменсем тупӑшӗҫ, унта тӗрлӗ чемпионат пулӗ. Хӗрлӗ лапамра – «Шупашкар ҫемйи» фестиваль, Республика тӳремӗнче «Кадрта – хула» курав иртӗҫ.
Йӑлана кӗнӗ тӑрӑх, «Ҫӑлтӑрпа зарядка» та иртӗ. Каҫхине вара Раҫҫейри паллӑ эстрада юрӑҫи Шупашкар ҫыннисемпе хӑнисене саламлӗ. Кам килӗ? Унӑн ятне хальлӗхе пӗлтермен.
Пурте мар-ха. 153-мӗш маршрут.
Шупашкарти «Университет» микрорайонтан Кӳкеҫе ҫӳренӗ 153-мӗш маршрут пассажирсене паянтан турттарма пӑрахнӑ. Асӑннӑ маршрутпа «Фортуна» общество хутланӑ.
Аса илтерер: асӑннӑ маршрута пӗлтӗрхи утӑ уйӑхӗнчен Шупашкарӑн Ҫурҫӗр-Хӗвеланӑҫ районне ҫити ҫӳреме ирӗк панӑ. Малтанласа маршрутпа 30 микроавтобус ҫӳренӗ, кайран вӗсен йышне 20-е ҫити чакарнӑ.
153-мӗш маршрут малтанласа Шупашкарти хулаҫум вокзала Кӳкеҫпе ҫыхӑнтарнӑ. Вал Лапсар урлӑ хутланӑ.
Ӗнер каҫхине Шупашкарта иртен-ҫӳрен ача макӑрнине илтнӗ те ҫӑлавҫӑсене чӗннӗ. Ача сасси 8-мӗш хутран илтӗннӗ.
Вӑл килте пӗчченех юлнӑ иккен. Ӑна пиччӗшӗ пӑхнӑ, анчах каҫхине урама тухнӑ. Хӗрачан телефонӗ сӳнсе ларнӑ та вӑл хӑранипе макӑрма тытӑннӑ, чӳречене уҫнӑ.
Вырӑна ҫӑлавҫӑсем ҫитнӗ. Алексей Петров автопусмапа хӑпарса хваттере балкон урлӑ кӗнӗ. Вӗсем асламӑшне (е кукамӑшне) пӗрле кӗтсе илнӗ.
Чӑваш Енри фермерсен пӗрремӗш агромаркечӗ ута уйӑхӗн 18-мӗшӗнче уҫӑлӗ. Кун пирки республика Правительствин Председателӗ Сергей Артамонов халӑх тетелӗсенчен пӗринче хыпарланӑ.
Аса илтерер, агромаркет ячӗ - «Пехет». Вал «Каскад» суту-илӳ ҫурчӗн цоколь хутӗнче вырнаҫӗ.
Унччен пушӑ пулнӑ лаптӑк калама ҫук илемленсе кайнӑ-мӗн. Унта халӗ - йывӑҫ витринӑсем, илемлӗ ытти хатӗр-хӗтӗр, капарлатнӑ колоннӑсем. Унта кӗрсен чӑваш наци элемӗсем куҫа тӑрӑнаҫҫӗ. Вырӑнти художниксем чуна парса ӗҫленӗ.
«Пехет» 40 ытла фермер продукцине туянма май килӗ: аш-пӑшпа сӗт-ҫу, сыр, пыл, чей, пахчаҫимӗҫ, ҫӗрулми, ҫӑкӑр, пулӑ тата ытти те пулӗ. Унсӑр пуҫне халӑх промыслисемпе паллашма тата наци сувенирне туянма май килӗ.
Агромаркета 5-мӗш тата 13-мӗщ маршрутсемпе ҫитме меллӗ.
Шупашкар хулинче пурӑнакансем интернет пулмасан та общество транспорчӗ ҫинче ҫул укҫи тӳлеме пултараҫҫӗ.
Республикӑн Цифра аталанӑвӗн министерствинче пӗлтернӗ тӑрӑх, терминалсем малатнхиллех ӗҫлеҫҫӗ, укҫана тытса юлни пирки хыпар каярах, интернет ҫыхӑнӑвӗ ӗҫлесе кайсан, ҫитӗ — ҫавӑ ҫеҫ.
Маларах республика Элтеперӗ Олег Николаев регионти Цифра аталанӑвӗн тата Транспорт министерствисене транспортри тӳлев системине интернет ҫук вӑхӑтра та йӗркеллӗ ӗҫлеттерсе яма хушнӑ. «ЕТК» компани ку ыйту татӑлнине пӗлтернӗ.
«Яндекс Учебниксем» конференцире Раҫҫейри чи лайӑх информатика вӗрентекенӗсене палӑртнӑ. Палӑртма кӑмӑллӑ: 20 ҫӗнтерӳҫӗ йышӗнче пирӗн 3 ентеш пур.
Ҫак йыша Ҫӗнӗ Шупашкарти Ольга Перепёлкина, Шупашкарти Алексей Владимиров, Канашри Ольга Плешанова кӗнӗ. Вӗсем «Кадр резервӗсем» программӑпа килӗшӳллӗн наградӑсене тивӗҫнӗ. Пирӗн ентешсене профессионаллӑхшӑн, цифра вӗрентӗвне тӳпе хывнӑшӑн тата вӗренекенсене хавхалантарма пӗлнӗшӗн палӑртнӑ.
Лауретсен тӗп парни — Мускаври IT-компанире стажировка тухасси.
Чӑваш Енри алӑк туса кӑларакан «Гармония» компани хӑйӗн продукцине Перси заливӗнчи ҫӗршывсене, ҫав шутра Арабсен Пӗрлештернӗ Эмирачӗсене, ӑсатасшӑн.
Чӑваш Енри компани Екатеринбургра утӑ уйӑхӗн 7-10-мӗшӗсенче иртекен «Иннопром» пӗтӗм тӗнчери промышленность куравне республика делегацийӗпе пӗрле хутшӑнать. Унта вӑл «Majdalina Group» компанипе килӗштерсе ӗҫлесси ҫинчен калакан килӗшӗве алӑ пуснӑ. Документра палӑртнӑ тӑрӑх, Чӑваш Енри компани хӑйӗн проекчӗсене Перси заливӗнчи ҫӗршывсенче, ҫав шутра маларах эпир асӑннӑ Арабсен Пӗрлештернӗ Эмирачӗсенче, пурнӑҫа кӗртесшӗн.
«Гармония» компанин производстви Ҫӗрпӳре, Шупашкарта тата Ҫӗнӗ Шупашкарта вырнаҫнӑ. Предприяти хӑйӗн продукцине Казахстана, Грузине, Таджикистана, Каркӑстана ӑсатнӑ.
Шупашкарта икӗ кунра 2 ача чӳречерен ӳкнӗ. Телее, аманнӑ кӑна. Иккӗшне те прульницӑна илсе кайнӑ, вӗсене тухтӑрсем пулӑшу кӳнӗ.
Ӗнер каҫхи 8 сехетре Ҫӗнтерӳ тӳремӗнчи ҫуртри 3-мӗш хутри чӳречерен 5 ҫулти арҫын ача тухса ӳкнӗ. Паян ирхине вара Хевеш урамӗнчи 11-мӗш ҫуртра 3-ри ача чӳречерен ӳкнӗ. Вӑл чӳрече айӗнче ҫӗр ҫинче выртнине иртен-ҫӳрен асӑрханӑ. Вӑл та 3-мӗш хутран ӳкнӗ. Ҫакӑ паллӑ: хаттерте 2014 тата 2017 ҫулсенче ҫуралнӑ тепӗр икӗ ача пулнӑ, вӗсен амӑшӗ вара ирхине ӗҫе тухса кайнӑ.
Шупашкарти Богдан Хмельницкий урамӗнчи Агния Барто ячӗллӗ вулавӑша нихӑҫан та тӗплӗн юсаман. Халӗ вара ку ӗҫе пуҫӑннӑ. Ӑна тӗпрен юсаса ҫӗнетме 14 миллиона яхӑн тенкӗ тӑкаклӗҫ.
Хула хыснинчен юсав тума 6 миллион тенкӗ уйӑрнӑ. Ҫавӑн пекех вулавӑш «Культура» нацпроектпа килӗшӳллӗн федераци конкурсӗнче ҫӗнтернӗ, пурлӑха ҫӗнетме 7,9 миллион тенкӗ выляса илнӗ.
-11.7 °C