Ҫитес вӑхӑтра «Шупашкар – Новосибирск» авиамаршрут уҫма палӑртнӑ. Авиаперевозчик Чӑваш Ен правительстви патне ку ыйтупа тухнӑ ӗнтӗ. Новосибирск облаҫӗн правительстви вара рейс тӑкакӗсене Чӑваш Ен правительствипе пӗрле ҫурмалла саплаштарма хатӗррине пӗлтернӗ. Хальлӗхе субсидилекен маршрутсен федераци переченьне хутшӑнма авиакомпанисен заявкисене хатӗрлес ӗҫ пырать.
Ҫакна каласа хӑвармалла: Новосибирск аэропортӗнчен Ҫӗпӗрти тата Инҫет Хӗвелтухӑҫӗнчи пысӑк хуласене вӗҫме пулать. Ҫавӑн пекех унтан Китая, Вьетнама, Индие, Таиланда тата Азири ытти хулана ҫитме меллӗ. Сӑмах май, Раҫҫей ҫыннисене Китая визӑсӑрах кӗртме пуҫланӑ. Ҫавна май ку маршрут питӗ кирлӗ тата меллӗ пулмалла.
Ҫитес вӑхӑтра «Шупашкар – Новосибирск» авиамаршрут уҫма палӑртнӑ. Авиаперевозчик Чӑваш Ен правительстви патне ку ыйтупа тухнӑ ӗнтӗ. Новосибирск облаҫӗн правительстви вара рейс тӑкакӗсене Чӑваш Ен правительствипе пӗрле ҫурмалла саплаштарма хатӗррине пӗлтернӗ. Хальлӗхе субсидилекен маршрутсен федераци переченьне хутшӑнма авиакомпанисен заявкисене хатӗрлес ӗҫ пырать.
Ҫакна каласа хӑвармалла: Новосибирск аэропортӗнчен Ҫӗпӗрти тата Инҫет Хӗвелтухӑҫӗнчи пысӑк хуласене вӗҫме пулать. Ҫавӑн пекех унтан Китая, Вьетнама, Индие, Таиланда тата Азири ытти хулана ҫитме меллӗ. Сӑмах май, Раҫҫей ҫыннисене Китая визӑсӑрах кӗртме пуҫланӑ. Ҫавна май ку маршрут питӗ кирлӗ тата меллӗ пулмалла.
Китай автомашинӑсем валли натрипе ионлӑ аккумулятора пуҫласа сертификациленӗ. Кун пек аккумулятор 15 минутра 80 процент таран тулса ҫитет иккен. Ӑна шухӑшласа кӑлараканни — CATL.
Электромобильсем валли ҫӗнӗ йышши аккумуляторсене 2026 ҫулта йышлӑ туса кӑларма тытӑнасшӑн.
Натриллӗ ун пек аналог литий аккумултортан 10 хут йӳнӗрех-мӗн. 25 ҫула пырать, 30 градус сивӗре те ӗҫлет, 40 градус сивӗре те зарядкӑна лартма пулать тесе пӗлтереҫҫӗ.
Нумаях пулмасть Хусанта «Стиль жизни – Культурный код» (чӑв. Пурнӑҫ стилӗ — культура кочӗ) халӑх пултарулӑхӗн этно-Fashion фестивалӗ иртнӗ. Унта халӑх пултарулӑхӗн тата декораципе прикладной ӳнер ӑстисем пуҫтарӑннӑ.
Унта Раҫҫейӗн тӗрлӗ кӗтесӗнчи 30 ытла дизайнерсем пуҫтарӑннӑ. Ҫав шутра Тутарстанран, Мусквавран, Екатеринбургран, Липецкран, Красноярскран, Якутскран, Удмурт Республикинчен, Самараран тата Кировран. Унсӑр пуҫне Кӑркӑстанран, Турцинчен, Малайзирен, Китайран, Казахстанран, Узбекистанран.
РФ Патшалӑх Думин депутачӗ Анатолий Аксаков пӗлтернӗ тӑрӑх, Шупашкарпа Евпатори тӑванла хуласем пулса тӑрӗҫ. Чӑваш Енӗн тӗп хулипе Крымри хулана тӑванлашни ҫинчен калакан килӗшӗве ҫывӑх вӑхӑтра хатӗрлеме палӑртаҫҫӗ.
Аксаков шухӑшланӑ тӑрӑх, асӑннӑ документа йышӑнсан хуласем культура, социаллӑ пурнӑҫ тата ҫамрӑксен ыйтӑвӗпе килӗштерсе ӗҫлеме пуҫлӗҫ. Ҫав шутра Шупашкар ачисем Евпатори хулинче канайӗҫ.
Шупашкар хулин паянхи ун тӗлне тӑванла тӑхӑр хула: Санта-Клара (Куба), Эгер (Венгри), Гродно (Беларуҫ), Рунду (Намиби), Аньцин (КНР), Сухум (Абхази), Лима (Перу), Торез (ДНР) тата Хэфей (КНР).
Туссем, тӗнче курса ҫӳреме юратакансем валли паян чӑннипех те ырӑ хыпар пӗлтӗмӗр.
Авӑн уйӑхӗн 15-мӗшӗ хыҫҫӑн Китай Раҫҫей ҫыннисем валли визӑсӑр режим вӑя кӗртӗ. Хальлӗхе яланлӑхах мар. Ҫулталӑклӑха. Ку вӑл сӑнавлӑ вӑхӑт пулӗ. Ҫулталӑклӑха. Кайран епле пулассине татса калама йывӑр.
Раҫҫей ҫыннисене Китай визӑсӑр 30 кунлӑха пырса кайма ирӗк парать.
Чӑваш продукцине чикӗ леш енне те ӑсатаҫҫӗ. Экспорт ытларах Китая, Казахстана, Монголие каять.
Китая чӑх ури ӑсатаҫҫӗ. Ҫулталӑк пуҫланнӑранпа Китая 2,2 пин тонна шӑнтнӑ чӑх ури янӑ. Казахстана вара — 55 тонна ӗне ашӗ, 60 тонна сӗт юр-варӗ, кайӑк-кӗшӗк валли 20 тонна комбикорм.
Монголире вара чӑваш мороженӑйне ӑсатаҫҫӗ — кӑҫал унта 12 тонна ҫак пылак ҫимӗҫе янӑ.
Вӑрнар районӗнчи Ярмушка ялӗнче пурӑнакан 61 ҫулти Надежда Лаврентьева тӗнче чемпионки пулса тӑнӑ.
Китайри Тайбэй хулинче ҫу уйӑхӗн 17-30-мӗшӗсенче Ветерансен пӗтӗм тӗнчери вӑййи иртнӗ. Унта 107 ҫӗршыври 25 пин ветеран хутшӑннӑ.
Пирӗн ентешӗмӗр унта икӗ ылтӑн медаль ҫӗнсе илнӗ. Надежда Лаврентьева 5 тата 10 километра утассипе мала тухнӑ. Ӑна 30 градус шӑрӑх та хӑратман.
Шупашкарти ваттисем «Бичурин тата хальхи самана» музея ҫитсе курнӑ. Кӳкеҫре вырнаҫнӑ ҫак учреждени фончӗ пуян. Музейра краведенипе тата этнографипе ҫыхӑннӑ материалсемпе паллашма пулать. Кунсӑр пуҫне унта Никита Бичурин пурнӑҫӗпе пултарулӑхӗ, унӑн тӗпчевӗсем тӗп вырӑн йышӑнаҫҫӗ.
Никита Бичурин Шупашкар тӑрӑхӗнчи Шемшер ялӗнче ҫуралнӑ. Нумай вӗренме ӳркенменскер паллӑ ученӑй-синолог пулса тӑнӑ.
«Никита Бичурин пурнӑҫӗ питӗ тӗлӗнтерчӗ. 1Китайра 13 ҫул ӗҫлесе пурӑнна чӑваш ӑсчахӗ Раҫҫее Китайпа ҫывӑхлатнӑ», — хавхаланса каласа кӑтартнӑ музейра пулса курнӑ хыҫҫӑн Любовь Сазанова пенсионерка.
Чӑваш патшалах ҫамрӑксен театрӗнче ҫӗнӗ режиссёрпа паллаштарнӑ. Александр Грибоедовӑн «Горе от ума» пьеси тӑрӑх лартакан спектакле Даниил Филиппович режиссёр тата Вадим Дубовик хореограф-постановщик лартӗҫ . Даниил Ильясович ӗнер артистсемпе паллашнӑ, ҫывӑх вӑхӑтра вӑл вӗсене ҫӗнӗ спектакльте выляма суйласа илӗ те коллектив репетици ирттерме тытӑнӗ.
«Горе от ума» спектакльпе театр 93-мӗш сезона уҫасшӑн. Спектакле Александр Грибоедов ҫуралнӑранпа 230 ҫул ҫитнине халаллӗҫ.
Даниил Филиппович Белоруҫ Республикинчен. Минскри ӑста - драма театрӗн режиссёр, писатель, сценарист, клипмейкер. Вӑл ГИТИСри режиссер факультетӗнче вӗреннӗ. Унӑн ӗҫӗсене Китайри, Беларуҫри, Казахстанри, Узбекистанри тата Раҫҫейӗн тӗрле ҫӗршывӗнчи хулари сцена ҫинче кӑтартаҫҫӗ.
+10.3 °C