Александр Ильин


Александр Моисеевич Ильин 1945 çулхи çурла уйăхĕн 16-мĕшĕнче Çĕрпӳ районĕнчи Вăрманкас Кĕçтемĕр ялĕнче çуралнă.

7 çул вĕренмелли шкула пĕтĕрнĕ хыççăн Çĕрпӳри ял хуçалăх техникумĕнче вĕреннĕ. 1964-1967-мĕш çулсенче Совет Çарĕнче пулнă. Ун хыççăн ял хуçалăх институтне вĕренсе пĕтернĕ. 1979-1985 çулсенче Мускаври М.Горький ячĕпе хисепленекен Литература институтĕнче вĕреннĕ.

Литература ĕçне ача чухнех кӳленнĕ. Малтанхи сăвăсене Çĕрпӳ районĕнчи «Октябрь çулĕ» хаçатра пичетленĕ, каярах унăн сăввисемпе поэмисем республикăра тухса тăракан журналсенче тата хаçатсенче пичетленнĕ.

Халиччен Александр Ильинăн 9 кĕнеке тухнă. Вĕсенчен паллăраххисем: «Çумăр ташши», «Тупа», «Çĕрпӳ», «Вăрманти тĕлпулу». Поэт ытларах çарпа патриотизм темипе çырать, çавăн пекех унăн сăввисенче ял, туслăх, юрату, çĕр темисем пысăк вырăн йышăнаççĕ.

1986 çултанпа СССР çыравçисен пĕрлĕхĕнче тăрать.


Хайлавĕсем