Кам вăранать чи малтан?

Александр Ильин | Сăвă | ачасем валли | 572


— Кам вăранать чи малтан? —

Ыйтрăм эпĕ шăпчăкран.

— Шăплăх, — терĕ вăл мана.

— Кам вăранать чи малтан? —

Ыйтрăм эпĕ шăплăхран.

— Çулçă, — терĕ вăл мана.

— Кам вăранать чи малтан? —

Ыйтрăм эпĕ çулçăран.

— Йытă, — терĕ вăл мана.

— Кам вăранать чи малтан? —

Ыйтрăм эпĕ йытăран.

— Алăк, — терĕ вăл мана.

— Кам вăранать чи малтан? —

Ыйтрăм эпĕ алăкран.

— Аннӳ, — терĕ вăл мана.

— Кам вăранать чи малтан? —

Ыйтрăм эпĕ аннерен.

— Автан, — терĕ вăл мана.

— Кам вăранать чи малтан? —

Ыйтрăм эпĕ автанран.

— Ку-ка-рекук-карек-кук!

Кам-ши чăнах, Кетерук?

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: