Кӗҫех, ака уйӑхӗн 15-мӗшӗнче, Шупашкарта ял хуҫалӑх ярмӑрккисем ӗҫлеме пуҫлӗҫ. Экономика аталанӑвӗн министерстви пӗлтернӗ тӑрӑх, ун валли 20 лапам хатӗрленӗ.
«Ҫуркунне» ял хуҫалӑх ярмӑрккисем тӗп хулара виҫӗ ҫӗрте ӗҫлӗҫ: «Николаевски» суту-илӳ комплексӗ, «Ҫурҫӗр» суту-илӳ комплексӗ умӗнче, «Шупашкар» суту-илӳ комплексӗ умӗнче.
Ярмӑрккӑ пӗлтӗрхи тухӑҫа сутса пӗтерме май парать. Унта сухан, кишӗр, помидор, хӑяр, аш-какай, сӗт юр-варӗ, кӗрпе таврашӗ, пыл тата ыттине сутма пулать. Суту-илӳ вырӑнӗсемпе тӳлевсӗр тивӗҫтернӗрен продукци хакӗ те пӗчӗкрех пулӗ.
Шупашкарта авӑн уйӑхӗн 10-мӗшӗнчен «Кӗр парнисем» ял хуҫалӑх ярмӑркки ӗҫлеме пуҫлассине нумаях пулмасть пӗлтернӗччӗ. Ял хуҫалӑх министерстви пӗлтернӗ тӑрӑх, унашкал ярмӑрккӑсем республикӑри тепӗр виҫӗ хулара ӗҫлӗҫ: Улатӑрта, Канашра тата Ҫӗнӗ Шупашкарта.
Ҫӗнӗ Шупашкарта Винокуров урамӗнчи 2-мӗш, 64-мӗш тата 10-мӗш ҫуртсем, Женя Крутова урамӗнчи 22-мӗш ҫурт ҫывӑхӗнче ярмӑрккӑ ӗҫлӗ. Улатӑрта Стрелка микрорайонта, К.Иванов, Комаров урамӗсенче ял хуҫалӑх продукцине туянма май пур. Канашра хула ярмӑрккинче пахча-ҫимӗҫе, ытти продукцие йӳнӗрехпе сутӗҫ.
Авӑн уйӑхӗн 10-мӗшӗнчен Шупашкарта «Кӗр парнисем» ял хуҫалӑх ярмӑркки ӗҫлеме тытӑнӗ. Вӑл кашни канмалли кун, юпа уйӑхӗн 2-мӗшӗччен, пулӗ.
Кӑҫал ярмӑрккӑ тӑватӑ вырӑнта ӗҫлӗ: «Николаевски» тата «Ҫурҫӗр» суту-илӳ комплексӗсенче, «Шупашкар» суту-илӳ ҫуртӗнче тата Эльгер урамӗнчи ҫӗнетнӗ фермер пасарӗнче.
Ярмӑрккӑ канмалли кунсенче 9-15 сехетсенче ӗҫлӗ. Сутуҫӑсене вырӑнпа тӳлевсӗрех тивӗҫтереҫҫӗ.
Пандеми пуҫланнӑранпа Ҫӗрпӳре Тихвин ярмӑркки пулманччӗ. Кӑҫал вӑл каллех алакӗсене уҫӗ.
Тихвин ярмӑркки утӑ уйӑхӗн 7-11-мӗшӗсенче иртӗ. Уяв хӗрарӑмсен мӑнастирӗ ҫывӑхӗнче пулӗ.
Ярмӑрккӑра фестивальсем, конкурссем иртӗҫ, пултарулӑх ушкӑнӗсем, купӑсҫӑсем, чӑваш эстрада артисчӗсем концерт кӑтартӗҫ. Кашни каҫ ташӑ каҫӗ пулӗ, фейерверк та ярӗҫ.
Спорта юратакансем валли те программа хатӗрленӗ: ача-пӑча футболӗ, самбо, бокс, мото-кросс, каратэ, шахмат, шашка...
Ака уйӑхӗн 2-мӗшӗнче Шупашкарта канмалли кунсенчи ярмӑрккӑ ӗҫлеме тытӑнӗ. Малтан унашкал вырӑнсем виҫӗ ҫӗрте пулассине пӗлтернӗ. Анчах халӗ пӗр вырӑн ҫеҫ пулӗ-мӗн: «Шупашкар» суту-илӳ комплексӗ умӗнче.
Унта ярмӑрккӑ мӗнле ӗҫленине сӑнӗҫ. Шупашкар хула администрацийӗ пӗлтернӗ тӑрӑх, халӑх нумай пулсан ытти ҫӗрте те тавара йӳнӗрехпе сутакан вырӑнсем уҫӗҫ. Унашкаллисем «Николаевски» суту-илӳ комплексӗнче тата «Ҫурҫӗр» суту-илӳ комплексӗнче пулма пултараҫҫӗ.
Вырӑнти производительсем ярмӑрккӑра кӗрпе, ҫӗрулми, кӑлпасси, пахча ҫимӗҫ, аш-какай сутма пултараҫҫӗ. Сутуҫӑсене вырӑнсемпе тӳлевсӗрех тивӗҫтерӗҫ. Тивӗҫлӗ канурисене тата ҫӑмӑллӑхсемпе усӑ куракан ҫынсене тавара килех пырса парӗҫ. Ку ӗҫе пурнӑҫлама студентсем пулӑшӗҫ.
Канмалли кунсенче Шупашкарта «Кӗр парнисем» ярмӑрккӑ ӗҫлеме тытӑнӗ. Унта пахча ҫимӗҫе йӳнӗрехпе туянма пулать.
Авӑн уйӑхӗн 11-мӗшӗнчен суту-илӳ лапамӗсем тӑватӑ вырӑнта ӗҫлеме пуҫлӗҫ: «Кӑнтӑр-хӗвеланӑҫ», «Николаевски», «Ҫурҫӗр ярмӑркки» суту-илӳ комплексӗсенче, «Шупашкар» пасарта.
Пахча ҫимӗҫсӗр пуҫне «Кӗр парнисем» ярмӑрккӑра пыл, йывӑҫ-тӗм хунавӗсем, чечексем, сӗт юр-варӗ, кӗрпе таврашӗ сутӗҫ. Хула администрацийӗ ирттернӗ мониторинг ҫирӗплетнӗ тӑрӑх, ҫакнашкал пасарти тавар 30 процент йӳнӗрех.
Шупашкарта канмалли кунсенче ярмӑрккӑсем ӗҫлеҫҫӗ. Вӗсем авӑн уйӑхӗн 5-мӗшӗнче хупӑнӗҫ.
Ярмӑрккӑсем хулари темиҫе вырӑнта ӗҫлеҫҫӗ: «Николаевски», «Ҫурҫӗр» суту-илӳ комплексӗсенче тата «Шупашкар» суту-илӳ ҫурчӗ ҫывӑхӗнче.
Ярмӑрккӑсенче пахча ҫимӗҫе йӳнӗ хакпа туянма пулать. Тӗслӗхрен, купӑста 25-40 тенкӗ тӑрать, сухан – 30-40 тенкӗ, кишӗр – 30-50, кабачок – 10-30, хӑяр – 30-35, помидор 50-80 тенкӗ.
Унта пахча ҫимӗҫ сутакансем вырӑна тара илнӗшӗн укҫа тӳлемеҫҫӗ. Ҫавна май тавар хакӗ те самай пӗчӗкрех.
Кӑҫал Ҫӗрпӳ ярмӑркки утӑ уйӑхӗн 8-11-мӗшӗсенче иртессине эпир унччен пӗлтернӗччӗ-ха. Вырӑнтисем суту-илӗве йӗркелес ыйтӑва ҫеҫ мар, культурӑпа спорт мероприятийӗсене те яланхиллех пысӑк тимлӗх уйӑрма палӑртнӑччӗ. Суту-илӳ палаткисемпе пӗрлех ача-пӑча хули пулӗ, фольклор коллективӗсем пуҫтарӑнӗҫ тесе хыпарланӑччӗ. Ярмӑрккӑ вӑхӑтӗнче Акатуй та иртӗ тенӗччӗ.
Анчах паян Чӑваш Ен Элтеперӗ Олег Николаев урӑхларах йӗркелеме сӗннине пӗлтернӗ. Кӑшӑлвирусран хӳтӗленессипе мерӑсем йышӑнма май пур мероприятисене ҫеҫ ирттерӗҫ. Кунта
тӗслӗх вырӑнне спорт ӑмӑртӑвӗсене, мотокроса, Ача усрава илнисен республикӑри форумне асӑнса хӑварнӑ.
Кӑҫал Ҫӗрпӳ ярмӑркки утӑ уйӑхӗн 8-11-мӗшӗсенче иртӗ. Ӑна хӑҫан тата епле уявлассине нумаях пулмасть ятарлӑ ларура сӳтсе явнӑ. Ку хыпара Ҫӗрпӳ районӗн администрацийӗ Фейсбукра пӗлтернӗ.
Вырӑнтисем хыпарланӑ тӑрӑх, суту-илӗве йӗркелессине ҫеҫ мар (хальхи вӑхӑтра тавара таҫта та тупса илме пулать. Укҫа пултӑр ҫеҫ), культурӑпа спорт мероприятийӗсене те сӳтсе явнӑ.
Суту-илӳ палаткисемпе пӗрлех ача-пӑча хули пулӗ, фольклор коллективӗсем пуҫтарӑнӗҫ. Ярмӑрккӑ вӑхӑтӗнче Акатуй та иртӗ. Маттур ҫемьесене Пӗтӗм тӗнчери ҫемье кунӗпе чыслӗҫ.
Чӑваш Енри ултӑ ӑста Ремесласемпе сувенирсен Атӑлҫи ярмӑрккине хутшӑнӗ. Ярмӑрккӑ нарӑс уйӑхӗн 18-21-мӗшӗсенче Пушкӑртстанӑн тӗп хулинче, Ӗпхӳре, иртӗ. Ӑна йӗркелекенсем пӗлтернӗ тӑрӑх, мероприяти тӗллевӗ — халӑх пултарулӑхӗн ӗҫӗсен илемӗпе хӑйнеевӗрлӗхне, вӗсем хальхи саманара та вырӑнлине кӑтартасси.
«Ярмӑрккӑна ҫӗршывӑн тӗрлӗ кӗтесӗнчи ӑстасем хутшӑнӗҫ. Пирӗн патрисен те хӑйсене ҫӗршывра кӑтартма май килӗ», — тенӗ республикӑн вице-премьерӗ — экономика аталанӑвӗпе пурлӑх хутшӑнӑвӗсен министрӗ Дмитрий Краснов.
+12.3 °C