Шупашкар хулине йӗркеленӗренпе 555 ҫул ҫитнине халалласа «Чебоксарский хит» (чӑв. Шупашкар хичӗ) юрӑ конкурсӗ иртессине эпир унччен пӗлтернӗччӗ-ха. Аса илтерер: конкурса хутшӑнакансен хӑйсен ӗҫӗсене е вырӑсла, е чӑвашла тӑратмалла пулнӑ.
Унта «Сказки Гримм» ушкӑнӑн тата Ольга Журавлёван композицийӗ ҫӗнтернӗ. Уншӑн 524 ҫын, е сасӑлава хутшӑннисенчен 24,83 проценчӗ, сасӑланӑ.
Ҫӗнтерӳҫӗ-юрӑпа артистсем Шупашкар 555 ҫул тултарнине халалланӑ гала-концертра сцена ҫине тухӗҫ.
Ҫурла уйӑхӗн 2-мӗшӗнче Николай Енилин художник 85 ҫул тултарнӑ.
Николай Аристархович — чӑваш халӑх художникӗ.
Вӑл 1970 ҫулта И. Я. Яковлев ячӗллӗ Чӑваш патшалӑх педагогика институтӗнчи (халӗ — университет) ӳнерпе графика факультетӗнчен вӗренсе тухнӑ. 1975—1980 ҫулсенче Шупашкарти 2-мӗш ӳнер шкулӗнче преподавательте, Шупашкарти 5-мӗш ӳнер шкулӗнче директорта, каярах вара И. Н. Яковлев ячӗпе хисепленекен пединститутра тӑрӑшнӑ, живопись кафедрин доценчӗ пулнӑ.
Шупашкар 555 ҫул тултарнӑ май республикӑра ирхи апат фестивалӗ иртет. Ӑна пӗрремӗш хут йӗркелеҫҫӗ.
Фестиваль хула ҫыннисемпе хӑнисене вырӑнта туса кӑларнӑ пахалӑхлӑ апат-ҫимӗҫпе паллаштарӗ, усӑллӑ апатлану кирлӗлӗхӗ пирки те калаҫӗҫ унта.
Фестивале хутшӑнас тесен блюдо тата ӗҫме хатӗрлемелле. Менюра 5 тӗрлӗ блюдо пулмалла: ҫӑнӑхран, ҫӑмартаран, тӑпӑрчӑран. Юлашкинчен чи лайӑх апатлану заведенине тата шеф-повара темиҫе номинацире суйлӗҫ. Вӗсене ҫурлан 17-мӗшӗнче Шупашкарти Хӗрлӗ тӳремре чыслӗҫ.
Заявкӑсене ҫурла уйӑхӗн 9-мӗшӗччен йышӑнӗҫ.
Раҫҫей эстрада юрӑҫи Филипп Киркоров Канашра пурӑнакан кинемее 80 ҫул тултарнӑ ятпа саламланӑ. Ку - мӑнукӗн Влад Быковӑн парни. Вӑл вара Канашри паллӑ кутюрье. Каччӑ Дубайра хӑй ҫӗленӗ тумсене сутать. Кинемей Филипп Киркоровӑн пултарулӑхне килӗштерет.
«Хаклӑ Степанида Гавриловна, сирӗн мӑнук сире юбилейпа, 80 ҫул тултарнӑ ятпа, саламлама ыйтрӗ. Пӗлетӗп, эсир манӑн пултарулӑха килӗштеретӗр, эпӗ сирӗн кумир. Сире мӗнпур лайӑххине, сывлӑх, хаваслӑ кӑмӑл сунатӑп. Паллах, Чӑваш Енри Канаша салам яратӑп», - тенӗ паллӑ юрӑҫ.
Шупашкар 555 ҫулхи юбилейне паллӑ тума хатӗрленет. Шупашкар пуҫлӑхӗ Владимир Доброхотов тата Чапаев ячӗллӗ ЧПО директорӗ Михаил Резниковпа тӗл пулса калаҫнӑ.
Вӗсем хула кунӗнче фейерверксен шоуне ирттерессине сӳтсе явнӑ. Икӗ тӳре-шара темиҫе варианта пӑхса тухнӑ. Владимир Доброхотов палӑртнӑ тӑрӑх, шоу пулӗ. Вӑл хула ҫыннисемпе хӑнисемшӗн парне пулӗ. Ӑна хулана юбилей ячӗпе Чапаев савучӗ парнелӗ.
Шупашкарӑн 555 ҫулхине халалласа «В поисках писателя» (чӑв. Ҫыравҫӑна шыраса) литература картти йӗркеленӗ.
Проекта Шупашкар хулин вулавӑшсен пӗрлешӗвӗ «Амбассадоры чтения» (чӑв. Вулав амбассадор) коммерци мар организаципе пӗрле йӗркеленӗ. Литература карттине йӗркелеме «Лукойл» обществӑн социаллӑ тата культура проекчӗсен грант конкурсӗнче ҫӗнтернӗ укҫа пулӑшнӑ.
Проекта пурнӑҫа кӗртнӗ вӑхӑтра 7 ҫултан аслӑрах ачасем литература классикӗсемпе ҫыхӑннӑ достопримечательноҫсемп, хулари литература вырӑнӗсемпе палалшнӑ. Видеороликсен конкурсӗ ирттернӗ, ӗҫсене Шупашкра хулинчи вулавӑшсен литература картти ҫинче вырнаҫтарнӑ.
Шупашкар хӑйӗн 555 ҫулхине кӗтсе илме хатӗрленс транспорт карттисем кӑларнӑ.
Уяв брендне тӗпе хурса хатӗрленӗскерсем пӗчӗк тиражпа тухнӑ иккен. Кун пирки Телеграмри «Чӑваш Ен калаҫать» канал пӗлтернӗ. Унта хыпарланӑ тӑрӑх, «шурӑ-кӑвак тӗслӗ, тӗп хула миҫе тултарнине палӑртнӑ карттӑпа халӑха турттаракан кирек епле транспортра та усӑ курма пулать. Укҫа хурассипе те нимӗнле чӑрмав та ҫук».
Паян, утӑ уйӑхӗн 1-мӗшӗнче, Вӑрнар округӗнчи Кайри Тукай ялӗнче пурӑнакан Евдокия Афанасьева 105 ҫул тултарнӑ. Вӑл пурнӑҫӗнче хура-шурне нумай курнӑ. 9 ҫулта чухне вӑл тӑлӑха юлнӑ. Анчах йывӑрлӑхсем хуҫман ӑна.
Тӑван ҫӗршывӑн Аслӑ вӑрҫи вӑхӑтӗнче Евдокия Афанасьевна Тӑвай районӗнче окоп чавнӑ, вӑрман каснӑ, лашапа вутӑ турттарнӑ. 105 ҫулти Евдокия Афанасьевӑна ял-йыш хисеплет.
Чӑваш Енӗн промышленноҫӗнчи ертсе пыракан предприятийӗсенчен пӗри — Етӗрнери аш-какай комбиначӗ 30 ҫулхине уявланӑ.
Коллектива республикӑн Патшалӑх Канашӗн Председателӗн ҫумӗ Ольга Петрова (сӑнӳкерчӗкре) саламланӑ. Вӑл Леонид Черкесов спикерӑн саламне ҫитернӗ.
«Кашни ӗҫченӗн, рабочирен пуҫласа ертӳҫӗ таран, профессионализмӗ ӑнӑҫу тума май парать», — палӑртса хӑварнӑ саламра.
Коллектива ытти шайри тӳре-шара та саламланӑ.
Ҫу уйӑхӗн 29-мӗшӗнче Чӑваш Республикин тава тивӗҫлӗ ӗҫченӗ, Чӑваш патшалӑх филармонийӗн «Ҫеҫпӗл» ансамблӗн солистки Ольга Прокопьева 55 ҫул тултарнӑ.
Патӑрьел районӗнчи (халӗ муниципаллӑ округ) Ишлӗ ялӗнче ҫуралнӑскер тӳрех артист пулман. Малтан вӑл васкавлӑ медицина пулӑшӑвӗн службинче медсестрара тӑрӑшнӑ.
Артист пулас ӗмӗт ӑна Ф.П. Павлов музыка училищине илсе ҫитернӗ.
1993-1998 ҫулсенче Чӑваш патшалӑх академи симфони капеллинче, 1998-2005 ҫулсенче Чӑваш патшалӑх юрӑпа ташӑ ансамблӗнче ӗҫленӗ. 2005 ҫултанпа «Ҫеспӗл» ансамбльте юрлать.
«Юрлама эпӗ ачаранах юратнӑ», — тет паян артистка. Ӗҫе вӑл халӗ хавхаланса ҫӳрет. Унта утса мар, чупса ҫитнине пӗлтерет.
+10.3 °C