Шупашкара ҫӗршыври чи маттур ҫӑмӑл атлетсем пуҫтарӑнӗҫ. Ҫӗртме уйӑхӗн 18-21-мӗшӗсенче хулари «Олимпийски» стадионта Шупашкара ҫӗршыври ҫӑмӑл атлетсем пуҫтарӑнӗҫ. Унта 72 регионти спортсменсем пуҫтарӑнӗҫ. Вӗсем чупассипе, хӑварт утассипе, сикессипе, ывӑтассипе ӑмӑртӗҫ.
Ҫӑмӑл атлетика енӗпе Раҫҫей кубокӗнче наградӑсен 22 пуххине выляттарӗҫ.
Ӑмӑртӑва ҫӗртме уйӑхӗн 18-мӗшӗнче 16 сехетре уҫӗҫ.
Пӑрачкаври шкул директорне Иван Кудявина вырӑнти шкулта тата «Дельфин» физкультура комплексӗнче хальхи вӑхӑтри спорт лапамӗ ҫукки пӑшӑрхантарать. Ҫак ыйтупа вырӑнти хастар республика Элтеперӗ Олег Николаев патне йышӑнӑва кайнӑ.
Вырӑнти шкула 23-мӗш ҫул ертсе пыракан арҫын каланӑ тӑрӑх, асӑннӑ ыйту педагогсене, спортсменсене, ачасене тата вӗсен ашшӗ-амӑшне чылай ҫул канӑҫсӑрлантарать. «Пур ҫӗрте те лайӑх услови туса панӑ, мӗн тесен те 21-мӗш ӗмӗрте пурӑнатпӑр, пирӗн патра ҫеҫ темӗскерле», — тесе пӑшӑрханаҫҫӗ иккен вырӑнтисем.
Директор каланӑ тӑрӑх, ыйтӑва 2022 ҫултанпах татса пама тӑрӑшаҫҫӗ, анчах ниепле те май килмест. Хуласенчи шкулсенче, ав, футбол уйӗсем, чупмалли ҫулсем, воллейбол, баскетбол, тӗрлӗ снарядлӑ лапамсем пур.
Элтепер пулӑшма шантарнӑ. Тен, килес ҫулах май килӗ.
Алӑсӑр ҫуралнӑ Кирилл Александров спортра ҫитӗнӳ хыҫҫӑн ҫитӗнӳ тунине, нумаях пулмасть вӑл Японирен виҫӗ медальпе таврӑннине Чӑваш халӑх сайчӗ пӗлтернӗччӗ-ха.
Ҫӗртме уйӑхӗн 3-мӗшӗнче 14-ри Кирилпа Чӑваш Енӗн спорт министрӗ Василий Петров тӗл пулнӑ. Para Swimming World Series параишев енӗпе Шупашкарти яш виҫе медаль ҫӗнсе илнӗ. Ӑмӑрту Фудзи-Сидзуока хулинче иртнӗ.
Кирилл ҫурӑм ҫинче 50 метра ишессипе тата брасс енӗпе 100 метра ишессипе каччӑсем хушшинче ылтӑн медальсене тивӗҫнӗ, брасс енӗпе 100 метра ишессипе арҫынсем хушшинче кӗмӗл медале тивӗҫнӗ.
«Эпӗ тренировкӑсене нумай ҫӳренӗ. Тӗрлӗ ҫӗршыври спортсменсене ҫӗнтерме ҫӑмӑл пулмарӗ», — каласа кӑтартнӑ министра спорстмен.
Алӑсӑр ҫуралнӑ Кирилл Александров спортра ҫитӗнӳ хыҫҫӑн ҫитӗнӳ тӑвать. Нумаях пулмасть вӑл Японирен виҫӗ медальпе таврӑннӑ.
Кирилл ишесси енӗпе палӑрать. Спортӑн ку тӗсӗпе вӑл пӗчӗк чухнех кӑсӑкланма тытӑннӑ, ашшӗ-амӑшӗ ӑна бассейна илсе кайнӑ. Кирилл Японири Фудзи-Сидзуока хулинче иртнӗ ӑмӑртура арҫын спортсменсемпе ӑмӑртса виҫӗ медаль ҫӗнсе илнӗ: икӗ «ылтӑн» тата пӗр «кӗмӗл».
Сӑмах май, нумаях пулмасть Кирилл Александров Калуга хулинче иртнӗ чемпионатра Раҫҫей спорт мастерӗн нормативне пурнӑҫланӑ. Палӑртса хӑварар: Кирилл – 14 ҫулта, Шупашкарта пурӑнать.
Пирӗн ентешсем, спортсменсем, Раҫҫей чемпионатӗнче пирӗн республика чысне тивӗҫлипе хӳтӗленӗ.
Ӑмӑрту ҫивӗч пулнӑ: 300 ытла спортсмен вӑй виҫнӗ. Вӗсен хушшинче пирӗн ентешсем 3 медаль ҫӗнсе илнӗ. Тӗнче класлӑ спорт мастерӗ Фарход Рахмоналиев (52,2 килограмм таран) финалта выляса ярса кӗмӗл медель илнӗ.
Хӗрарӑмсен хушшинче ӑмӑртса Вера Лоткова (56,7 килограмм таран) тата Ева Митрякова (61,2 килограмм таран) пӑхӑр медале тивӗҫнӗ.
Палӑртса хӑварар: спортсменсем Шупашкарти 11-мӗш спорт шкулӗнче Антон Григорьев тата Александр Шмелев тренерсем патӗнче ӑсталӑха туптаҫҫӗ.
Чӑваш спортсменӗсем сетокан-карате енӗпе иртнӗ чемпионатра Маврикире иртекен тӗнче чемпионатне кайма путевка ҫӗнсе илнӗ. Ӑмӑрту Люберцы хулинче пулнӑ.
Пирӗн спортсменсем — Виктор Фомиряков, Владимир Тютин, Артем Портнов тата Сергей Петров — командӑпа тупӑшнӑ кумитэре ылтӑн медаль ҫӗнсе илнӗ. Халӗ вӗсем авӑн уйӑхӗнче иртекен тӗнче чемпионатне кайма хатӗрленеҫҫӗ.
Александр Максимов вара тепӗр медаль ҫӗнсе илнӗ. Вӑл харпӑр катӑра иккӗмӗш вырӑна тухнӑ.
Палӑртса хӑварар: спортсменсем «Энергия» спорт шкулӗнче ӑсталӑха туптаҫҫӗ, тренерӗсем – Дмитрий Фомиряков, Сергей Фомиряков тата Валерий Фадеев.
Йӗпреҫ районӗнче спорт шкулӗ уҫасса уҫнӑ та анчах унта кирлӗ оборудование туянса ҫитермен.
«Патвар» спорт шкулне вырӑнти прокуратура тӗрӗсленӗ. Ҫавӑн чухне надзор органӗ унти хӑш-пӗр кӑлтӑка тупса палӑртнӑ.
Спорт шкулӗнчи бассейнта, сӑмахран, ачасене ишме вӗрентнӗ чух кирлӗ инвентарь ҫук. Ҫав шутра стена ҫине ҫакса хумалли тӑватӑ сехет юппиллӗ секундомер, ҫурӑм ҫинче ишме вӗреннӗ чух кирлӗ старт тренажерӗ. Кӗрешме вӗрентекен залра та кирлӗ оборудовани пулман: ятарлӑ тренажер, йывӑр атлетика помосчӗ, ытти хатӗр-хӗтӗр туянман.
Кӑлтӑка пӗтерме хушса надзор органӗ хут ҫырнӑ, ӑна спорт шкулӗн директорӗн ячӗпе шӑрҫӑланӑ.
Шупашкар спортсменӗ Виталий Глазков пауэрлифтинг енӗпе иртнӗ Ази первенствинчен ылтӑн медальпе таврӑннӑ. Ӑмӑрту Китайри Хайнань провинцире ҫу уйӑхӗн 10-12-мӗшӗсенче иртнӗ. Китайри первенствӑна каймалли путевкӑна вӑл кӑҫал нарӑс уйӑхӗнче Мускавра иртнӗ Раҫҫей первенствинче ҫӗнсе илнӗ. Ун чухне Виталий 490 килограмм пухса пӗрремӗш вырӑн йышӑннӑ.
Пирӗн ентеш Китайра 53 килограмм тайманнисен виҫе категорийӗнче вӑй виҫнӗ. Вӑл виҫӗ енлӗ кӗрешӳре пӗтӗмпе 500 килограмм пухнӑ.
Палӑртса хӑварар: Виталий В.С.Соколов ячӗллӗ спорт шкулӗнче ӑсталӑхне туптать. Тренерӗ – Чӑваш Республикин тава тивӗҫлӗ тренерӗ Вячеслав Кастрюков.
Чӑваш Ен спортсменӗсем Сарӑту облаҫӗнче иртнӗ Samba Trail Team ӑмӑртуран ылтӑн медальсемпе таврӑннӑ. Тупӑшу икӗ кун иртнӗ. Спортсменсен тӗрлӗ вӑрӑмӑш дистанцие парӑнтарма тивнӗ: 19, 33 тата 60 ҫухрӑм. Вӗсем чӑрмавлӑ пулнӑ.
Ӑмӑртӑва 22 регионти 500 ытла спортсмен хутшӑннӑ. Пирӗн ентешсем унта пысӑк ҫитӗнӳсем тунӑ.
Мальвина Петрова 33 тата 19 ҫухрӑмсенче– 1-мӗш вырӑн йышӑннӑ. Александр Новиков та 33 тата 19 ҫухрӑмсене чупса финиша пӗрремӗш ҫитнӗ. Владимир Нестеров вара 60 ҫухрӑма парӑнтарнӑ та 3-мӗш вырӑн йышӑннӑ.
Хӗрлӗ Чутайӗнчи тӗп пульницӑра Константин Будков ҫамрӑк тухтӑр тӑрӑшать. Вӑл Чӑваш патшалӑх университетӗнчен 2025 ҫулта вӗренсе тухнӑранпа тухтӑр пулса тимлет.
МАХри «Хыпар-Вести Чувашии» каналта пӗлтернӗ тӑрӑх, Костя Шупашкарта ҫуралнӑ, ачалӑхӗ Сургут тӑрӑхӗнче иртнӗ. Вӑл 15 ҫулта чухне Будковсем тӑван тӑрӑха таврӑннӑ.
Ҫамрӑк тухтӑр спорт туризмӗпе кӑсӑкланать. Виҫӗ ҫулта каччӑ чылай ҫӗрте пулса курнӑ, вун-вун километра хыҫа хӑварнӑ.
Тухтӑр пулма вӑл ачаранпах ӗмӗтленнӗ май шапасемпе нӑрӑсене сиплеме юратнӑ. Чӑнласа мар-ха. Вылямалла.
Шкулта хими юратса вӗреннӗскер шкул пӗтерсен И.Н. Ульянов ячӗллӗ ЧПУ-ри медицина факультетне вӗренме кӗнӗ. Унтан вӗренсе тухсан вӑл Хӗрлӗ Чутайӗнчи тӗп пульницӑра ӗҫлеме тытӑннӑ. Ӑна унта пурӑнмалли вырӑнпа та тивӗҫтернӗ.
+19.1 °C