Шупашкарти «Спартак» стадиона укса тӳлесе кӗмелле. Чупма юратакансем унччен тӳлевсӗрех кӗнӗ, чун каниччен чупма пултарнӑ. Халӗ вара 1 сехетшӗн 130 тенкӗ тӳлемелле.
Ҫӗнӗ йӗрке ута уйӑхӗн 7-мӗшӗнчен вӑя кӗнӗ. Стадиона чупма пырас тесен малтан регистрациленмелле тата укҫа тӳлемелле иккен.
Чӑваш Ен прокуратури стадион укҫа тӳлеттерме йышӑнни саккунпа килӗшӳллӗн пулса пынипе пыманнине тӗрӗслеме йышӑннӑ.
рокуратуру Шемуршинского района обратились два пенсионера, прожШӑмӑршӑ тӑрӑхӗнчи пӗр ялта пурӑнакан икӗ ватӑ ҫын пластик чӳрече ларттарас тенӗ. Усламҫӑпа вӗсем сӑмахпа калаҫса татӑлса килӗшӳ тунӑ.
Хайхи ватӑсен килӗсенчи чӳречесене пластикран лартса пама шантарнӑ. Ӗҫшӗн пӗри 65 пин тенкӗ тӳлесе хунӑ, тепри — 40 пин.
Кун хыҫҫӑн кун, эрне хыҫҫӑн эрне иртнӗ, чӳрече лартакан килмен те килмен. Ҫавна хайхи этем укҫа-тенкӗ енчен йыварлӑха кӗрсе ӳкнипе сӑлтавланӑ. Анчах ватӑсем алӑ усса ларман, йӗрке хуралҫисен пулӑшу ыйтнӑ. Прокуратура вӗсене хӳтӗлесе Патӑрьел районӗнчи суда тавӑҫпа тухнӑ. Ватӑсене укҫана тавӑрса памалла тунӑ.
Шупашкарти Ленин районӗнчи прокуратура хулари 36-мӗш ача пахчи япӑхса кайни пирки халӑх тетелӗнче ҫырни тӑрӑх пӗлнӗ те тӗрӗслев ирттернӗ.
1950 тата 1975 ҫулсенче туса лартнӑ корпуссенчен тӑракан ача пахчинче, чӑн та, тӗплӗ юсава ҫурта хута янӑранпа та ирттермен иккен. Кӑлтӑк ача пахчи патне пымалли ҫул япӑхса кайнинченех пуҫланнӑ. Вӑл темиҫе ҫул каяллах шӑтӑк-путӑкланса пӗтнӗ пулин те вӗренӳ учрежденийӗн ертӳҫисем кун пирки яваплисене пӗлтермен, кӑлтӑка пӗтерме ҫине тӑман-мӗн. Шалта вара стена та, урай та, мачча та, чӳрече рамисем те япӑхса пӗтнӗ. Унсӑр пуҫне кантӑк ваннӑ вырӑнсем те пулнӑ.
Прокуратура кӑлтӑка пӗтерме ыйтса хула администрацине хут ҫырса панӑ.
Николай Федоров сенатор Чӑваш Ен прокурорне Эдуард Гиматова тӗрӗслев ирттерме ыйтнӑ: хӑш-пӗр муниципалитетри депутатсене Элтепер суйлавӗн кандидатне Олег Николаева пулӑшу парас тесе ирӗксӗрлесе, хӑратса алӑ пустараҫҫӗ имӗш.
Сенатор пӗлтернӗ тӑрӑх, унран хӑш-пӗр муниципалитетри депутатсем пулӑшу ыйтнӑ.
«Депутатсене хупӑ канашлусене чӗнсе илсе кандидатшӑн, республикӑн хальхи Элтеперӗшӗн О.А. Николаевшӑн, алӑ пусмасан ӗҫрен кӑларассипе е ытти япӑх пулӑмсемпе хӑратаҫҫӗ», - ҫапла ҫырса кӑтартнӑ «Правда ПФО» интернет-хаҫат.
Интернет-хаҫат пӗлтернӗ тӑрӑх, Красноармейски, Куславкка, Сӗнтӗрвӑрри, Ҫӗрпӳ округӗсенчи депутатсене хӗсӗрленӗ. Вӗсене паспортпа пӗрле алӑ пусма чӗнсе илнӗ имӗш.
Ҫӗрпӳ районӗнчи прокуратура ялсенче плотинӑсене епле тытса тӑнине тӗрӗсленӗ.
Пакунлисем палӑртнӑ тӑрӑх, Мӑнҫут, Сунтал, Ҫатра Вӑрманкас, Пайкилт ялӗсенчи ҫак сооруженисене тивӗҫлипе тытса тӑманнине тупса палӑртнӑ. Вырӑнти хӑйтытӑмлӑх органӗсем ку ӗҫ ҫине ал сулнӑ тейӗн, плотинӑсемпе хӑрушсӑр усӑ курассипе яваплисене те палӑртман.
Плотинӑсен тӑпри япӑхса кайнӑ, тӑпрана тӗрлӗ чӗрчун чавса пӗтернӗ. Плотина ҫинче йывӑҫ-тӗм ӳснӗ. Шыв шахтисене йӑлари ҫӳп-ҫапран тасатман.
Шупашкарти Хӗвелтухӑҫ урамӗнчи 13-мӗш ҫурт тӑррин парапечӗ йӑтӑнса аннӑ. Ку инкек ӗнер кӑнтӑрла иртнӗ хыҫҫӑн пулнӑ. Ӗнер ҫил те вӑйлӑ пулнӑ. Ку унпа ҫыхӑннӑ-и е ҫук-и - специалистсем уҫӑмлатӗҫ.
Парапет подъезд умӗнче ларакан икӗ машина ҫине ӳкнӗ. Иккӗшӗ те вӑйлах сиенленнӗ. Ҫав вӑхӑтра ҫын утса пынӑ, вӑл чутах инкеке лекмен.
Халӗ прокуратура тӗрӗслев ирттерет.
Етӗрне округӗнче пурӑнакан арҫын ятарлӑ ҫар операцийӗнче пуҫ хунӑ салтакӑн картти ҫинчи 6 млн ытла тенке илсе катер, ҫуртне юсама стройматериалсем туяннӑ, кредичӗсене татнӑ. Халӗ унӑн куншӑн явап тытма тивӗ.
Амӑшӗ ывӑлӗн картти ҫинче укҫа ҫуккине еткерлӗхе йышӑннӑ чухне асӑрханӑ. Вӑл прокуратурӑна каса пулӑшу ыйтнӑ. Кайран ҫакӑ тӑрӑ шыв ҫине тухнӑ: салтак отпуска килсен карттӑна аякри тӑванне упрама панӑ иккен. Ку вара салтак вилнине пӗлсен амӑшне картта пирки нимӗн те шарламан, унти укҫана пӗчӗккӗн-пӗчӗккӗн илсе пынӑ.
Прокуратура Тӑвай округӗнчи Енӗш Нӑрваш шкулӗнче мӗн пулса иртнине тӗрӗслӗ.
Сӑлтавӗ акӑ мӗнре: юлашки шӑнкӑравра шкулта 10-мӗш класра вӗренекен пӗр хӗрача тухса калаҫнӑ чухне ӑна директор тата хӑш-пӗр учитель сӑмахсемпе кӳрентернине пӗлтернӗ. Видеона тӗнче тетелне вырнаҫтарнӑ. Ӑна Интернет хӑрушсӑрлӑхӗн лигин пуҫлӑхӗ Екатерина Мизулина асӑрханӑ.
Шупашкарти арҫын лӑпкӑ кӑна пурӑннӑ. Тӑрук пӗр кунхине ун патне суд приставӗсем килсе 400 пин тенкӗ парӑма татмалли пирки асӑрхаттарнӑ. Арҫын ӑнланман: ара, вӑл нимӗнле кредит та илмен-ҫке-ха.
Ӗҫ-пуҫ вара ҫапла пулса тухнӑ иккен: 2021 ҫулхи кӑрлач уйӑхӗнче ултавҫӑсем суя паспортпа усӑ курса ун ячӗпе икӗ банкра кредитсем илнӗ. Ҫапла парӑм пухӑнса та пухӑнса пынӑ.
Арҫын Ленин районӗн прокуратуринчен пулӑшу ыйтнӑ. Тӗрӗслев ирттернӗ хыҫҫӑн материала полицие панӑ, унта вара пуҫиле ӗҫ пуҫарнӑ.
Муркаш округӗнче пурӑнакан 51 ҫулти хӗрарӑм упӑшки пулнӑ арҫыннӑн тумтирӗ ӑшне итлемелли хатӗр лартнӑ. Куншӑн унӑн явап тытма тивӗ.
Прокуратура пӗлтернӗ тӑрӑх, 2024 ҫулхи авӑнран пуҫласа кӑҫалхи нарӑсчен вӑл калаҫӑва итлемелли ятарлӑ хатӗр туяннӑ та ӑна малтан упӑшкин кӗсйине хунӑ. Кайран ӑна ҫухи ӑшне ҫӗлесе хунӑ.
55-ри арҫын диктофона ӑнсӑртран курткӑна тӑхӑннӑ чухне асӑрханӑ. Вӑл кун пирки тӳрех йӗрке хуралне пӗлтернӗ. Хӗрарӑм тӗлӗшпе пуҫиле ӗҫ пуҫарнӑ. Кӗҫех ӑна суд пӑхса тухӗ.
+6.3 °C