РФ Патшалӑх Думин ӗҫ, социаллӑ политика тата ветерансен ӗҫӗсемпе ӗҫлекен комитетӑн пайташӗ Андрей Алехин амӑшӗн капиталне хваттер туянмалӑх ҫитмешкӗн индексацилеме сӗнет. Кун пирки вӑл «Лента.ру» портала пӗлтернӗ.
Унӑн шухӑшӗпе, амӑшӗн капиталӗн хваттер туянма ҫитмелле. Ҫурт-йӗр вара юлашки вӑхӑтра самай хакланнӑ. «Паян ку укҫапа хваттер патне ан пыр. Амӑшӗн капиталне ӳстермеллех», - тет депутат. Вӑл тӗслӗх те илсе кӑтартнӑ: миллионник-хуласенче пӗр пӳлӗмлӗ хваттер вӑтамран 4 пин тенкӗ тӑрать.
Чӳк уйӑхӗн 7-мӗшӗнче, паян, 14 сехетре, Шупашкар хула пухӑвӗн депутачӗсен черетсӗр 37-мӗш ларӑвӗ пулать. Унта хула пуҫлӑхӗн тивӗҫӗсене вӑхӑтлӑха пурнӑҫлакан ҫынна суйлӗҫ.
Кунсӑр пуҫне Шупашкар пуҫлӑхне суйлассипе иртекен конкурса, Шупашкар хула пухӑвӗн депутачӗсен ҫиччӗмӗш созывӗн ҫӗнӗ председателӗ кам пулассине сӳтсе явӗҫ.
Чӑваш АССРӗн Аслӑ Канашне йӗркеленӗренпе 85 ҫул ҫитнине халалласа Чӑваш патшалӑх университетӗнче ӑслӑлӑхпа практика конференцийӗ иртнӗ.
Чӑваш Енӗн патшалӑх телерадиокомпанийӗ пӗлтернӗ тӑрӑх,
депутатсен йышӗнче Социализмла Ӗҫ геройӗсем тата Совет Союзӗн тӗрлӗ наградине илнисем те пулнӑ. Аслӑ Канаш Президиумӗн пӗрремӗш председателӗ Зоя Андреева пулнӑ. Вӑл унччен ялта учительте тӑрӑшнӑ. Ун хыҫҫӑн Дмитрий Митьков, Тимофей Ахазов, Семен Ислюков, Александр Петров, Анатолий Леонтьев, Эдуард Кубарев ҫак тивӗҫе пурнӑҫланӑ. Паянхи кун вӗсенчен раштав уйӑхӗнче 90 ҫул тултаракан Александр Петров кӑна чӗрӗ-сывӑ, хыпарланӑ асӑннӑ ҫӑлкуҫра.
1994 ҫулта Чӑваш Патшалӑх Канашӗ йӗркеленнӗ, вӑл Аслӑ Канашӑн ӗҫне малалла тӑснӑ.
Ӗнер Тӑвай муниципаллӑ округӗн депутачӗсем уҫӑ сасӑлав ирттерсе администраци пуҫлӑхне суйланӑ. Ҫак должноҫе администраци пуҫлӑхӗн ҫумӗ пулнӑ Олег Ломоносов йышӑннӑ.
Олег Анатольевич 45 ҫулта. Вӑл Тӑвайрах ҫуралса ӳснӗ, И.Н.Ульянов ячӗллӗ ЧПУра «истори» специальноҫпе вӗреннӗ. Кайран Атӑл-Вятка академи патшалӑх службинче пӗлӳ илнӗ.
Унӑн ӗҫ стажӗ – 23 ҫул, вӗсенчен 20-шне вырӑнти хӑйтытӑмлӑх органӗсенче вӑй хунӑ.
Патшалӑх Думин депутачӗсем пирус туртман ҫынсене хушма пӗр канмалли кун туса пама сӗннӗ. Ку – сывӑ пурнӑҫ йӗркине пӑхӑнассине пропагандӑлама. Ҫапла ӑнлантарнӑ Султан Хамзаев депутат.
Ҫавӑн пекех вӑл ӗҫпе тивӗҫтерекенсене спортпа туслӑ ӗҫченӗсене компенсаци пама сӗннӗ. Султан Хамзаев ҫакӑ лайӑх улшӑнусем патне илсе ҫитерессе ӗненет.
Ку сӗнӗве РФ сывлӑх сыхлавӗн министрне Михаил Мурашкӑна пӑхса тухма панӑ.
ЧР Патшалӑх Канашӗн депутатне, ликер-эрех савучӗн директорне Олег Мешкова «Чӑваш Республикин тава тивӗҫлӗ промышленноҫ ӗҫченӗ» ят панӑ. Хушӑва ӗнер ЧР Элтеперӗ Олег Николаев пуснӑ.
Олег Мешков Шупашкарти лекер-эрех савутне 2017 ҫултанпа ертсе пырать. 2011 ҫултанпа, виҫҫӗмӗш созыв ӗнтӗ, вӑл Патшалӑх Канашӗн депутачӗ шутланать.
Унӑн награда сахал мар: «Чӑваш Республики умӗнчи тава тивӗҫлӗ ӗҫсемшӗн» орден медалӗ, Чӑваш Республикин Хисеп грамоти, РФ Ял хуҫалӑх министерствин Хисеп грамоти, Патшалӑх Думин Хисеп грамоти…
Паян Шӑмаршӑ муниципаллӑ округӗн депутачӗсем черетлӗ мар пухӑва пухӑнӗҫ. Округ администрацийӗн пуҫлӑхӗ Александр Чамеев ӗҫрен хайӗн ирӗкӗпе кайма заявлени ҫырнӑ. Пухура шӑпах ӑна пӑхса тухӗҫ.
Александр Чамеев ку должноҫре 2020 ҫулхи кӗркунне ӗҫлеме пуҫланӑ. Унччен вӑл район администрацийӗн пуҫлӑхӗн ҫумӗ пулнӑ.
Аса илтерер: нумаях пулмасть Ҫӗнӗ Шупашкар хула администрацийӗн пуҫлӑхне Дмитрий Пулатова шанчӑкран тухнӑ тесе должноҫрен кӑларас ыйтӑва пӑхса тухма палӑртнӑ.
ЧР Патшалӑх Канашӗн сессийӗнче «Чӑваш Республикин парламентаризмне аталантарнӑшӑн» хисеплӗ палла пама йышӑнассине сӳтсе явнӑ. Депутатсем ҫакна ырланӑ.
Ӑна кама парӗҫ? Регионти саккуна, парламентаризма, граждан обществипе демократие аталантарма тӑрӑшакан ҫынсене. Документра палӑртнӑ тӑрӑх, ӑна 30 ҫынран ытларах мар илме пултарать.
Хисеплӗ палла республика хыснинчи укҫапа туса хатӗрлӗҫ.
2024 ҫултанпа РФ Патшалӑх Думин депутачӗсем хӑйсен суйлав округӗсенче Раҫҫейре туса кӑларнӑ машинӑсемпе кӑна ҫӳрӗҫ. Ку, паллах, ӗҫпе ҫыхӑнна ҫула пырса тивет.
Ку саккуна Патшалӑх Думи ҫак кунсенче йышӑннӑ. Ҫак депутатсем валли машинӑсене регионти влаҫ тара илет. Кайран тӑкака Патшалӑх Думи саплаштарать.
Палӑртмалла: пирӗн регионта Патшалӑх Думинчен 3 депутат пур. Вӗсем - Алла Салаева (Пӗрлӗхлӗ Раҫҫей), Анатолий Аксаков (Тӗрӗслӗхшӗн Раҫҫей)тата Ирина Филатова (КПРФ).
ЧР Патшалӑх Канашӗ федераци саккунне улшӑнусем кӗртме сӗнесшӗн. Ку мотоблок водителӗсене пырса тивет. Чӑваш Ен депутачӗсем вӗсене водительпе танлаштарасшӑн. Ку шухӑша ЧР Элтеперӗ Олег Николаев та ырланӑ.
Хальхи вӑхӑтра мотоблок водителӗсем ҫул ҫинче ҫуран ҫӳрекен ҫынсемпе танлашаҫҫӗ. Ҫавна май ҫул-йӗр правилисене пӑссан вӗсене водитель пек явап тыттарма ҫук.
Палӑртмалла: ҫулталӑк пуҫланнӑранпа республикӑра мотоблокпа ҫыхӑннӑ 5 авари пулнӑ. Вӗсенче 2 ҫын вилнӗ, 6-ӑн аманнӑ.
+17.5 °C