ШӖМ тунӑ сӑн

Автослесарь машинӑна юсанӑ та унпа ярӑнма кайнӑ. Ҫавӑн пекки те пулать иккен. Ку тӗслӗх Шупашкар хулинче пулса иртнӗ.

Пӗр арҫын Шупашкарти полицейскисенчен пулӑшу ыйтнӑ. Вӑл хӑйӗн «Рено Сандеро» машинине автослесаре юсама панӑ. Ӑна машина валли пайсем илме тесе 60 пин тенкӗ куҫарса панӑ.

Темиҫе кунран арҫын гаража килнӗ, анчах машинине тупайман. 28 ҫулти слесарь «Ренона» унран ыйтмасӑрах тапратнӑ та пӗлӗшӗсем патне хӑнана кайнӑ. Эрех-сӑра ӗҫнӗ хыҫҫӑн машинӑна Чапаев урамӗнчи пӗр ҫурт картишӗнче лартса хӑварнӑ. Йӗрке хуралҫисем «тимӗр урхамаха» шӑпах ҫавӑнта тупнӑ.

Полицейскисем автолесарь патне гаража пынӑ. Лешӗ пакунлисене курсан алӑка шалтан питӗрсе пытанма тӑнӑ.

Ун тӗлӗшпе уголовлӑ ӗҫ пуҫарнӑ.

#Шупашкар, #полицейскисем