«За рулем» порталти сӑн

Ӗнер ирхи 8 сехетре Комсомольскинче полицейски 61 ҫулти арҫынна вилмеллех таптаса кайнӑ.

Инкек Савут урамӗнче пулнӑ. Арҫын «зебра» ҫук вырӑна ҫул урлӑ каҫма пуҫланӑ чухне ун ҫине «Хавал» машина пырса кӗнӗ. Кроссовер рулӗ умӗнче ШӖМӗн Комсомольски районӗнчи уйрӑмӗн полицейский, участковӑй, ларнӑ. Ҫакӑ паллӑ: вӑл ӳсӗр пулман. «За рулем» портал акӑ мӗн хыпарлать: машина айне пулса вилнӗ арҫын — Элпуҫ ялӗнчен, унӑн ывӑлӗ хальхи вӑхӑтра ятарлӑ ҫар операцине хутшӑнать. Аварие курнӑ ҫынсем «Хавал» пысӑк хӑвӑртлӑхпа пынине каланӑ, арҫын урлӑ каҫсах кайнӑ.

#пӑтӑрмахсем, #Комсомольски, #полицейскисем