Кӑҫал «Шупашкар – Канаш» маршрутпа ретро-пуйӑс ярасшӑн. Кун пирки ЧР Элтеперӗ Олег Николаев пӗлтернӗ.

Ҫакна региона туристсене илӗртес тӗллевпе тӑваҫҫӗ. Ретро-пуйӑс «пуҫӗнче» пӑспа ӗҫлекен Л сериллӗ локомотив пулӗ, ӑна «Лебедянка» тесен пӗлеҫҫӗ. Вакунсем XX ӗмӗр пуҫламӑшӗнчи евӗр пулӗҫ. Кунсӑр пуҫне проводниксем те ҫав тапхӑрти костюмсене тӑхӑнӗҫ.

Рейссене ҫак тапхӑрсенче пурнӑҫлама палӑртнӑ: ҫӗртмен 17-21-мӗшӗсенче тата 24-28-мӗшӗсенче, ҫурлан 12-16-мӗшӗсенче тата 19-23-мӗшӗсенче, авӑнӑн 9-13-мӗшӗсенче тата 16-20-мӗшӗсенче, раштавӑн 23-27-мӗшӗсенче.

#Канаш, #Шупашкар, #пуйӑссем, #туристсем, #туризм, #Элтепер