Асăрхаттаракан пĕлтерӳсем

Сăвар Эртиван | Шӳтлĕ сăвă | 1972 | 553


Кивçенçĕ хапхи çинче:

Панă чух –

Сăнчăрти хам хам.

Илнĕ чух –

Йăпăлти вăтанчăк.

Вăт, анчăк!

 

Элекçĕ хапхи çинче:

Çывăхран ан ут –

Мĕльюн вольтлă

Элек(тро)çĕ-анод!

 

Пуçлăх хапхи çинче:

Юрас тесен

Ыр сун асла:

Вăл ӳсĕрсен

Эс сунасла!

 

Вăрттăн çыртаканăн хапхи çинче:

Кунти этем – бактери,

Пуçпа чунна пĕктерĕ.

 

Сăмакунçă хапхи çинче:

Чир чĕртме пур эмел,

ăна турĕç лаçра.

Сывалма тепĕр мел –

Санатори-лапра.

 

Вăрçакан çын хапхи çинче:

Асăрхан, пĕтерет!

Ку çын пĕтĕрет:

Малтан эрех,

кайран хăлха!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: