Самант

Юрий Леванов | Сăвă | 443


Сана парнелерĕм самант,

Çĕнтерĕвĕм пулчĕ асаплă.

Пĕрмай çавăнпах асăма

Килет вăл юмах пек асамлăн.

 

Чечек-и ун чух? — çăлтăрсем

Ална тыттарайнă пек туйрăм.

Ытла та кĕтрет-çке парнем,

Тĕнче йăл кулать пире уйрăм.

 

Пурнатпăр эпир çĕр çинче.

Ав пирĕншĕн вăл та пытанчăк.

Мĕскершĕн этем чĕринче

Тĕнче евĕрлех хăш-пĕр шанчăк.

 

Пĕлетĕп эп: çав самантра

Чĕре туйăмпа хăвăрт тулчĕ.

Çав пĕчĕкçĕ вăхăт манра

Пит пысăк телей пулса юлчĕ.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: