Хĕвре пăхса ӳстернĕ шанчăка...

Сăвар Эртиван | Сăвă | 1977 | 444


Хĕвре пăхса ӳстернĕ шанчăка

сан кутамккун пĕр кĕтесне хурам-и?

Эп хам паян юлсассăн та çука,

пӳспе тирпейлĕн чĕркесех парам-и?

 

Инçе çула тухатăн-çке. Унта

тумхахлă тĕттĕмлĕх те, тем те пур-тăр.

Апла ман шанчăк санăн аллунта

куçсăррисен туйи пек кирлĕ пултăр.

 

Пулăшмалла-çке пирĕн пĕр-пĕрне,

ӳстерĕп-ха, ан хăртăр çех тымарĕ.

Кайран, эп хам çула тухас чухне,

мана хăй шанчăкне

теприйĕ парĕ.

 

1977, майăн 7-мĕшĕ, Шупашкар

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: