Çав хĕрпе ăнсăртран эп тĕл пултăм

Сăвар Эртиван | Сăвă | 1969 | 378


Çав хĕрпе ăнсăртран эп тĕл пултăм.

Капăр клуб. Çăмăл вальс. Ăсату.

Çĕрĕпех пĕр калаçрăм та култăм,

Е хашлатрăм,

– Эх, юрату…

 

Сăнĕнче ун вылярĕ çу кунĕ,

Ăшĕнче – хĕл сивви, хулăн пăр.

Мĕншĕн шиклĕ кулли унăн пур,

Мĕншĕн çамрăклăх вучĕ çук унăн?

 

- Савнă çыннăм çаратрĕ мана.

Çĕрĕпе кулли çеç çумра юлчĕç.

Ан хăтлан ăшăтма ман чуна…

Пуçне пĕкрĕ те хĕр темшĕн кулчĕ.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: