Эс пĕлмерĕн

Эс тухмарăн ăна ăсатма,

Катаран, кантăкран пăхса юлтăн.

Çул çине ыр сунса савни мар,

Алă сулчĕ уйри пĕччен хурăн.

Вăл шанать пуль çаплах манмасса,

Сан чунна тепĕр яш куç ӳкерчĕ...

Шурă хурăн кăна хумханса

Çул çине кунĕн-çĕрĕн тинкерчĕ.

Эс тухмарăн ăна ăсатма,

Каялла килессе те кĕтмерĕн.

Пĕлеймерĕн иккен юратма,

Хурăн евĕр кĕтме пĕлеймерĕн.

Çĕнĕ комментари хуш