Эпир пӗрремӗш хут ҫулталӑк ҫыннине суйлас терӗмӗр. Ку ӗҫе пӗрремӗш хут йӗркеленине кура пӗтӗмӗшле сасӑлав ирттерес терӗмӗр — чӑвашлӑхшӑн тивӗҫлӗ ӗҫсем тӑвакансене те асӑнтӑмӑр, ура хураканнисене те. Тӳрех темиҫе ҫыншӑн сасӑлама юрать. Эсир суйланӑ ҫынна кӑрлачӑн 14-мӗшӗнче палӑртӑпӑр.

Кандидатсене суйланӑ чухне эпир Чӑваш халӑх сайтӗнче ҫутатнӑ хыпарсене тӗпе хутӑмӑр. Тен, ку йыша кӗмен ҫынсем те ҫак ҫулталӑк тӑршшӗнче ырӑ ӗҫ тунӑ пулӗ, анчах та эпир ҫутатманнине пула вӗсем пирки пӗлместпӗр. Тепӗр тесен ыттисене сӗнме те пултаратӑр — np@chuvash.org адреспа ҫырӑр, эсир сӗнекен ҫын мӗнле пысӑк ӗҫ тунине пӗлтерме ан манӑр, тата ҫакӑн ҫинчен хыпарлакан каҫӑ ярса парӑр. Тӳрех асӑрхаттаратпӑр, Николай Плотникова сӗнме кирлӗ мар (сасӑлав чӑнлӑха кӑтартаймасса пултарӗ). Маларах пӗлтерсен сирӗн кандидатшӑн ытларах ҫын сасӑлама пултарӗ.

Аяларах ҫулталӑк ҫынни пулма тивӗҫлисен йышне курма пултаратӑр. Вӗсене хушамат-псевдоним тӑрӑх йӗркеленӗ (сасӑлавра вӗсем яланхи пек урлӑ-пирлӗ вырнаҫнӑ /скрипт ҫапла йӗркелет/). Ячӗпе хушамачӗ хыҫҫӑн кандидата мӗнле ӗҫе пула тӑратнине кӑтартнӑ (ҫывӑх вӑхӑтра ырӑ ӗҫ пирки пӗлтерекен каҫӑсемпе пуянлатӑпӑр).

**◇ Тимерша Алмантай**, Сӑвар хулашӗн таврашӗнче «Ырӑ ту» чул вырнаҫтарнӑшӑн (ку кандидата Тирӗр Акташ сӗннипе кӗртнӗ).

**◇ Хосе Асебильо**, __/news/4330.html|Шупашкарӑн архитектурине__ йӗркелеме пулӑшнӑшӑн.

**◇ Надежда Афанасьева** кинемей, хӑй укҫипе __/news/4566.html|Тури Хурасанти ял клубне__ юсанӑшӑн.

**◇ Бюлент Байрам**, __/news/3928.html|«Улӑпа» туркӑлла__ куҫарнӑшӑн.

**◇ Александр Белов**, __/news/2744.html|Маргарита Гартфельдера__ хӳтӗленӗшӗн.

**◇ Александр Блинов**, __/news/3388.html|«Хавал» уйлӑха__ ирттернӗшӗн, «1000 те 1 сӑмах» кӗнеке кӑларнӑшӑн.

**◇ Вячеслав атте**, этнокультура паркне __/news/4479.html|йӗркеленипе килӗшменшӗн__.

**◇ Илле Иванов**, чӑваш чӗлхине __/news/4178.html|хӳтӗлесе айӑпланнӑшӑн__.

**◇ Михаил Игнатьев**, хӑйӗн Ҫырӑвӗнче кил-йышра __/news/4606.html|чӑвашла пуплеме чӗннӗшӗн__.

◇ Татьяна Ильина, «Ҫапла пултӑр!» телекӑларӑма пуҫарса янӑшӑн. (~~**хушни**: Шел те, каҫӑ шыранӑ май ҫак кӑларӑм пӗлтӗр тухма пуҫлани курӑнчӗ, ҫавӑнпа та Татьяна Ильинан кондидатурине сасӑлавран кӑларатпӑр.~~)

**◇ Валерий Клеменьтев**, __/news/4233.html|ЧНК сайтне чӑвашла__ тӑвас ӗҫе пуҫарнӑшӑн.

**◇ Фёдор Мадуров**, __/news/3672.html|чӑваш тӗнӗшӗн__ кӗрешнӗшӗн, Атӑлҫи Пӑлхара ҫавӑрса илнӗренпе __/news/4373.html|777 ҫул ҫитнине палӑртнӑшӑн__.

**◇ Владислав Николаев**, __/news/4147.html|«Асамат & Шевле» журнала__ кӑларма пуҫланӑшӑн.

**◇ Алексей Романов**, __/news/3226.html|«Вут-шу» ҫапӑҫу ӳнерне__ сарнӑшӑн, ятарлӑ кӗнеке кӑларнӑшӑн.

**◇ Владислав Скуратов**, __/news/4333.html|Андроид валли__ чӑвашла-вырӑсла сӑмахсар ӑсталанӑшӑн.

**◇ Иосиф Трер**, __/news/4562.html|«Чӗрӗ сӑмах»__ чӑвашла спектакль лартнӑшӑн.

**◇ Сергей Трихалкин**, __/news/4178.html|Илле Иванова__ айӑплавлӑ пӗтӗмлетӳ тунӑшӑн.

**◇ Валерий Туркай**, «Нарспие» __/news/3676.html|ҫичӗ чӗлхепе__ кӑларнӑшӑн.

**◇ Николай Угаслов**, ЧНК Президенчӗн вырӑнне __/news/4299.html|йышӑнма пултарнӑшӑн__.

**◇ Артём Федоринчик**, чӑваш чӗлхине __/news/4613.html|тӗрлӗ вырӑнсенче__ сарнӑшӑн.

**◇ Эдуард Фомин**, __/news/4514.html|«Чи хитре чӗлхе»__ кӗнекене кӑларнӑшӑн.

**◇ Вячеслав Эткер**, __/news/4469.html|Ҫӗрпӳре этнокультура паркне__ тума пуҫланӑшӑн.