**Хисеплӗ пенсионерсем, вӑрҫӑ тата ӗҫ ветеранӗсем!**

Сире Пӗтӗм тӗнчери ватӑсен кунӗ ячӗпе ӑшшӑн тата чӗререн саламлатӑп!

Ҫак куна пӗтӗм тӗнчере 1990 ҫултанпа паллӑ тӑваҫҫӗ. Ветерансем вӑрҫӑ хирӗнче кӑтартнӑ паттӑрлӑхпа харсӑрлӑх, ӗҫри хастарлӑх аслӑ ӑруран тӗслӗх илме хистеҫҫӗ, ҫамрӑксене тӑван ҫӗре, хамӑрӑн халӑха, унӑн йӑлисене юратма, хӑйсен ӗҫӗпе тӑван ене аталантарма вӗрентеҫҫӗ. Ватӑсен пысӑк ӑсӗ, пурнӑҫри пуян опычӗ ыррине, вӗсем тунине, упраса хӑварма, килес ӑрусене парса хӑварма пулӑшать.

Аслӑ ӑру ҫыннисен пурнӑҫне лайӑхлатасси — Раҫҫейпе Чӑваш Енӗн патшалӑх политикин тӗп ҫул-йӗрӗ. Хальхи вӑхӑтра республикӑри ҫулланнӑ граждансен 80% ытла социаллӑ пулӑшу мелӗсемпе усӑ курать. Республика бюджетӗнчен кӑна 2012 ҫулта ҫак тӗллевсемпе 1,786 млрд тенкӗ уйӑрнӑ. «Чӑваш Республикин ӗҫ ветеранӗ» ята илмелли стаж вӑхӑтне пӗчӗклетес енӗпе ӗҫлетпӗр. Паянхи кун тӗлне стажшӑн ҫак ята 18000 гражданина панӑ, ҫулталӑк вӗҫлениччен вӗсен пӗтӗмӗшле йышӗ 22000 ҫынпа танлашӗ. Тӑван ҫӗр-шывӑн Аслӑ вӑрҫин ветеранӗсене пурӑнмалли ҫурт-йӗрпе тивӗҫтерес енӗпе тимлӗ тӑрӑшатпӑр. Республикӑра 2010 ҫултанпа 4562 ҫынна ҫурт-йӗрпе тивӗҫтернӗ, ҫав шутра 2012 ҫулта – 758 гражданина.

Республикӑн 2011-2013 ҫулсем валли хатӗрленӗ «Аслӑ ӑру» программипе килӗшӳллӗн ҫуллен 6000 ватӑпа инвалид ятарлӑ 39 учрежденире кӑна мар, килте те, вӑхӑтлӑх пурӑнмалли уйрӑмсенче те тивӗҫлӗ социаллӑ пулӑшу илет.

Хӑвӑр тӗслӗхӗрпе эсир нумай ҫул пурӑнмаллине, интереслӗ тулли пурнӑҫпа, ӗҫлес кӑмӑла тата гражданинӑн хастар позицине, тӗлӗнес тата савӑнас пултарулӑха упраса пурӑнмаллине ҫирӗплететӗр.

Хамӑрӑн ветерансене тата пенсионерсене чун ҫамрӑклӑхне упрама, ҫывӑх ҫыннисен юратӑвне, ҫамрӑксен хисепне тата нумай-нумай ҫул пурӑнмалӑх ҫирӗп сывлӑх сунатӑп!

Чӑваш Республикин Элтеперӗ М.Игнатьев.