Вӑрӑ-хурахсем хула урамӗсенче сахалрах алхасчӗр тесе Раҫҫей хулисенче полицайсене хӑвӑртрах йыхӑрмалли мелсен йышӗ ӳссех пырать иккен.

Ак __Çĕмĕрле|Ҫӗмӗрле__ хулинче ҫакӑн евӗр темиҫе вырӑн туса лартнӑ теҫҫӗ. Ку вырӑнсене «Кӑвак ҫутӑ» тесе ят панӑ. Вырӑсла «Маячок безопасности» ятлӑ вӗсем. Ытти хуласене илсен, полицайсене хӑвӑрт чӗнсе илмелли вырӑнсене ҫырса ҫеҫ палӑртнӑ пулсан ҫӗмӗрлесем кашни вырӑна кӑвак ҫутӑпа капӑрлатнӑ.

Хӑрушлӑхсӑр ҫуттисене вӑрӑ-хурах аллине лекнӗ ҫынна хӑвӑртрах пулӑшма йӗркеленӗ, ҫав вӑхӑтрах вӑрӑ-хурахӗ те хайӗн киревсӗр ӗҫне хӑрамасӑрах тума ан пултартӑр, хӑратӑр, пытантӑр.

Чӑваш Енре пӗтӗмпе 2600 «хӑрушлӑхсӑр ҫутӑ» лартма палартнӑ тет: __Шупашкарта__ — 90, __Çĕнĕ Шупашкарта|Ҫӗнӗ Шупашкарта__ — 43, __Канашра__ — 58, __Улатăрта|Улатӑрта__ — 13, __Çĕрпӳре|Ҫӗрпӳре__ — 5, __Çĕмĕрлере|Ҫӗмӗрлере__ — 10. Кӑвак тӗспе ҫутатса тӑраканнисем вара паянхи куна 216 кӑна-ха. Ҫак ӗҫе уйрӑм усламҫӑсем те йышлӑн хутшанаҫҫӗ имӗш, хӑйӗн пурлӑхне кашнин упраса хӑварас килет-ҫке.

«Хӑрушлӑхсӑр ҫуттине» __Чăваш Енре|Чӑваш Енре__ 2011 ҫултанпа вырнаҫтарма тытӑннӑ хыҫҫӑн вӗсен уссине туйса илме те ӗлкӗрчӗҫ ӗнтӗ. Кӑҫалхи ҫулталӑк пусламӗшӗнче, сӑмахран, __Шупашкарта__ икӗ телефон вӑррине ярса илме май килнӗ — паллах, полиции ӗҫченӗсем вӑхӑтра ҫитнине пула. Вӑрӑ, иккен, ним туймасӑр юнашар урампа утса пынӑ, полицайсем хӑвӑрт ҫитессе шутламан та.