Ӗнер, пушӑн 4-мӗшӗнче, Раҫҫей халӑхӗ Президента суйларӗ. Сӑнавҫӑсем ултавсене нумай палӑртнӑ пулин те тӗп суйлав комиссийӗ сасӑлав пысӑк пӑтӑрмахсемсӗр иртнӗ тесе шутлать. Протоколсен 99% шута илнӗ хыҫҫӑн кандидатсем ҫакӑн чухлӗ процент пухни паллӑ пулчӗ: Путин — **63,82**; Зюганов — **17,18**; Прохоров — **7,77**; Жириновский — **6,23**; Миронов — **3,82**.

__Чăваш Енри|Чӑваш Енри__ халӑх та, пирӗн тӑрӑхри тӗп суйлав комиссийӗ пӗлтернӗ тӑрӑх ытларах Владимир Владимирович Путина кӑмӑлланӑ пулать — **62, 32%**. Ытти кандидатсем ҫакнашкал пухнӑ: Геннадий Зюганов — **20,58%** (элӗксем, каҫалсем, __Çĕмĕрле|Ҫӗмӗрле__ хулин ҫыннисем ӑна хӑйсен сассине 24-26% таран панӑ); Владимир Жириновский — **5,65%** (уйрӑлса тӑракан район-хула ҫук, вӑтамран 4-6%); Михаил Прохоров — **5,52%** (ытларах хула ҫыннисем сасӑланӑ пулас, __Шупашкар__ хулин __Мускав районĕнчи|Мускав районӗнчи__ хисеп 10% яхӑн); Сергей Миронов — **4,44%** (пур район-хулара та вӑтам, __Çĕнĕ Шупашкар|Ҫӗнӗ Шупашкар__ хули уйрӑлса тӑрать — 6,49%). Путиншӑн хуласенче сахалтарах сасӑланӑ — __Шупашкарта__ та, __Çĕнĕ Шупашкарта|Ҫӗнӗ Шупашкарта__ та, __Çĕмĕрлере|Ҫӗмӗрлере__ те хисепӗ вӑтамран 55-57%. Кӑнтӑр енчи районсенчи кӑтартусенче вара Владимир Владимировичӑн проценчӗ 75 таранах.