__И.Н. Ульянов ячĕллĕ Чăваш патшалăх университечĕ|И.Н. Ульянов ячӗллӗ Чӑваш патшалӑх университечӗ__ студентсене пӗлӳ парас енӗпе ӗҫленисӗр пуҫне ӑслӑлӑхра вӑй хуракан ҫӗнӗ кадрсене туптас енӗпе те тимлет. Ҫак енӗпе университетра ҫулленех Диссертаци Канашӗсем ӗҫлеҫҫӗ. Акӑ, тӗслӗхрен, __В.Г. Родионов__ профессор, филологи ӑслӑлӑхӗсен докторӗ ертсе пыракан Диссертаци Канашӗ филологсене кандидат тата доктор ӗҫӗсене хӳтӗлетерессине тухӑҫлӑ пурнӑҫласа пырать.

Ҫак кунсенче тухтӑр ӗҫне ӑнӑҫлӑ ҫырса пӗтерсе М.Р. Федотов ячӗпе хисепленекен Тухӑҫ тата чӑваш чӗлхи пӗлӗвӗ кафедрин докторанчӗ Алена Михайловна Иванова хӳтӗлеве тухрӗ. Унӑн ӗҫӗ «Чӑваш чӗлхе пӗлӗвӗнчи морфосинтаксис ыйтӑвне танлаштаруллӑ-шайлаштаруллӑ тӗпчесси» (выр. ~~«Сравнительно-сопоставительное исследование проблем морфосинтаксиса в чувашском языкознании»~~) ятлӑ.

Алена Михайловна ку темӑпа чылай ҫул хушши ӗҫлет ӗнтӗ, тӗрлӗ журналсенче вуншар статья пичетлеме ӗлкӗрнӗ. Пултаруллӑ та хастар ҫамрӑк тӗпчевҫе __Тутарстан__, __Пушкăртстан|Пушкӑртстан__, Якут республикисенчи ӑслайсем те аван пӗлеҫҫӗ. Акӑлчан, нимӗҫ, тутар, пушкӑрт чӗлхисене ӑнланакан А.М. Ивановӑн диссертацийӗ, __Н.И. Ашмарин__ традицийӗсене аталантарса ҫырнӑскер, питӗ кӑсӑклӑ та пуян тӗпчев ӗҫӗ пулнине палӑртрӗҫ хӳтӗлеври шурсухалсем.