Кăвак çĕмрен :: Тăлăх-турат

Юхма Мишши | Историллĕ роман


Тăлăхах та турат та, ай, пуличчен

Хăрăках та турат та, ай, пулас мĕн.

Кĕрхи çилпе хуçăлса, ай, ӳкес мĕн,

Çурхи шывпа юхса та, ай, каяс мĕн.

 

Танлă пиçен тăрри те, ай, пулас мĕн,

Кĕркуннехи çилпе те, ай, вĕçес мĕн.

Çут кӳль варне пырса та, ай, ӳкес мĕн,

Шӳпкейех те пулă та, ай, пулас мĕн.

 

Çĕленĕçип-атмана, ай, кĕрес мĕн,

Пăхăр хуран çинче те, ай, пиçес мĕн.

Шурă тирĕк çинче те, ай, выртас мĕн,

Ыр çын мухмăрне те, ай, чĕртес мĕн.

 

Тăлăхах та турат та, ай, пуличчен

Хăрăках та турат та, ай, пулас мĕн.

Ырă çынна ырлăх, ай, кӳрес мĕн,

Усал çынтан тарса, ай, каяс мĕн.

Чăваш халăх юрри.