Атăл шывĕ юха тăрать :: Чăнлăх çулĕ шыраса

Юхма Мишши | Историллĕ роман


Ютран килчĕç ют çынсем,

Юман çулçи татасшăн.

Юман çулçи пулмарĕ,

Пире телей çитмерĕ.

 

Туран килчĕç тăшмансем,

Пире чура тумашкăн.

Эпир чура пулас çук,

Чĕркуçленсе ларас çук.

 

Патша пулчĕ патакли,

Паттăр пулчĕ паттăрри.

Пире патак кирлĕ мар,

Пурте паттăра савар.

 

Паттăр тавра кар! тăрар,

Тăшмансене тĕтĕрер.

Тăшмансене тĕтĕрер,

Ют çынсенчен ютшăнар.

Чăваш халăх юрри