Аякран килсен ăш çумăр

Аякран килсен ăш çумăр,

Аслатийĕ кĕрлесен,

Хăрамасăр утрăн çуммăн

Урама илем кӳрсе.

Сунчăк карăнчĕ пуç çийĕн...

Çул çинчи кӳлленчĕксем—

Çук иккен! — Пăхмарĕç сиввĕн,

Иртнĕ майăн ик этем.

Аслати те мăкăртатрĕ,

Кĕр! кĕрлерĕ те — самант

Пĕлĕт тăрăх тăкăртатрĕ

Урапи леш урама.

...Çак ӳкерчĕк тухрĕ чĕррĕн

Ас илсессĕн çав куна

Сан та эрешленĕ тĕрĕ —

Евитленĕ самана.

Çĕнĕ комментари хуш