Эс çеç мана йăпатса...

Каринкке Кавĕрли | Сăвă | 1909 | революциччен çырнисем | 270


Эс çеç мана йăпатса

Усран çак сив тĕнчере;

Эс çеç чуна пусарса

Тытса тăран ĕмĕре.

 

Ялан йăваш куçупа

Мĕнпур хуйха путаран;

Çемçе, тӳлек сăнупа

Тăшмансене мантаран.

 

Эс пур чухне çеç мана

Тĕнче чипер курăнать;

Эс пур чухне çеç çынна

Чĕрем «тăван» пек сунать.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: