Ĕмĕт

Вантер Курийĕ | Сăвă | 1908 | революциччен çырнисем | 381


Курăк çеçки пулăттăм;

Тутлă шерпет ĕçĕттĕм,

Капăрланса ларăттăм —

Çукка-мĕне пĕлмĕттĕм.

 

Партас пулă пулăттăм:

Çутă кӳлĕре ишĕттĕм,

Йăр-йăр чăмса выльăттăм —

Хуйха-суйха пĕлмĕттĕм.

 

Шăпчăк кайăк пулăттăм:

Сад пахчинче вĕçĕттĕм,

Кунĕн-çĕрĕн юрлăттăм, —

Куççуль мĕнне пĕлмĕттĕм.

 

Ăмăрт кайăк пулăттăм:

Ирĕклĕхе çӳрĕттĕм,

Пĕлтрен çӳлте явнăттăм —

Чуралăха пĕлмĕттĕм.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: