Хĕнлĕхре хĕрнĕрен хитререх

Мальвина Петрова | Сăвă | 472


Хĕпĕрте: пур-пĕрех пĕрехет вут-хĕмне

Хĕвĕме хевтине хĕвекен чун-чĕре!..

Хĕтĕхле, хивререх хĕнеме хĕтĕхле:

Хĕнлĕхре хĕрнĕрен эп тата хитререх

Сан шутпа.

 

Хĕсчĕрех: хирĕнсе тухакан хĕвеле

Хĕрхенмен пĕлĕтсем пĕветес пиркепе

Хирĕçӳ хирĕнче хĕвĕшеç — хĕçпеле:

Хĕлхемсем пĕрехеç... Çĕнтеретĕп эпех

Сан шутпа.

 

Хĕн-асап хĕррипе хĕрупраç тĕррипе

Хĕреслерĕм пайтах хăтăлса херĕпрен.

Хĕлĕхсем ирĕлсе хурçăлла хĕрнипе

Хӳхĕмрех. Хама мар çав, сана кирлĕрен.

Ман шутпа.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: