Юрăпа

Валентин Урдаш | Сăвă | 318


Юрăпа вута-шыва эп кĕтĕм,

Юрăпа çĕнтертĕм вилĕме.

Юрăпа атте килне эп килтĕм,

Юрăпа çĕклерĕм килĕме.

 

Юрăпа эп пурнăçа юратрăм,

Юрăпа сыватрăм сурана.

Юрăпа эп ăрăскал шăратрăм.

Юрăпа юратчĕрччĕç мана.

 

Юрăпа йĕрес çĕртен эп култăм.

Юрăпа çуралтăм çĕнĕрен.

Юрăпа эп ăрăскаллă пултăм.

Юрăпа ирттерĕп ĕмĕре.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: