«Çак пĕлĕт çине ларатăп та, ак…»

Валери Туркай | Сăвă | 2021 | 643


Çак пĕлĕт çине ларатăп та, ак,

Тухап та каятăп тĕнче хĕррине!..

Унтан пурсăра та салам эпĕ ярăп,

унтан-чĕререн юратса кашнине.

 

Çук, çук, эп кунта пит начар пурăнмастăп!..

Кунта манăн пур, тав Турра, пĕтĕмпех!..

Кичем кăна кăшт... Кăшт кăна та мар пулĕ...

Кичемлĕх иккен вăл усал чир пекех.

 

Кичем мана пит... Ма кичем — эп пĕлместĕп.

Тарассăм килет аякка ман кунтан.

Тĕнче хĕрринче, тен, чĕрем ман лăпланĕ?

Тен, пулăп телейлĕ тинех эп унта?

 

Çак пĕлĕт çине ларапах эп, ларатăп, —

Вут-Кайăк çине утланса ларнă пек!..

Кичем мана пит... Ма кичем — эп пĕлместĕп,

Анчах та кунта юлаймастăп эп тек.

 

24.07.21

Хырай Ĕнел

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: