Хĕвел умĕн

Любовь Фёдорова | Калав | ачасем валли | 535


Амăшĕ ывăлĕнчен çапла ыйтрĕ:

— Алюш, сана пĕр класра вĕренекен хĕр ачасенчен хăшĕ килĕшет?

— Вера.

— Галя кăмăла каймасть-и?

— Вăл лайăх вĕренет-ха, анчах ялан кивĕ пушмакпа çӳрет.

— Çавăншăн тиркетĕн-и?

— Ахă.

— Галя Дмитриева ашшĕсĕр ӳсет. Амăшне ăна пĕччен çитĕнтерме çăмăлах мар. Ывăлăм, халĕ иксĕмĕр хĕвел çине тинкерсе пăхар-ха, унта мĕн те пулин асăрхатăн-и эсĕ?

— Темле пăнчăсем пур.

— Ачам, çав тĕксĕм пăнчăсене çынсем çинче сахалтарах асăрхама пуçласан эсĕ çĕр çинче ху та çутă хĕвел пулатăн, — терĕ кулкаласа амăшĕ.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: