Шухăшла ман çинчен

Василий Шихранов | Сăвă | 463


Ман çинчен, чун савни, шухăшла

Ир те каç, çурçĕрпе, кăнтăрла.

Чĕремре упраса сан сăнна

Чунăмпа эпĕ туйăп çавна.

 

Савнă тус, маншăн эс тунсăхла,

Çав-çавах макăрма ан шутла!

Шухăшна, тунсăхна туйнăран

Ăшăмра лăпланайĕ суран.

 

Ĕненсем, чун савни, ĕненсем,

Кĕç иртеç çак кичем кун-çĕрсем!

Тĕлпулу самантне васкатса

Пурăнап пĕр санах юратса!

 

Кĕтсе ил, савнă тус, кĕтсе ил,

Тутрупа куççульне шăлса ил!

Ман хĕрӳ ытама вырнаçма

Эс тухсам васкаса урама!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: