Пархатарлă савма пĕлнисем

Василий Шихранов | Сăвă | 476


Ан вăтанăр, туссем, ан вăтанăр

«Юрататăп» тесе калама!

Чун-чĕре туйăмне ан пытарăр.

Юратсан — кирлĕ мар вăтанма!

 

Чĕрĕк ĕмĕр пĕрле пурăнсан та

Юрату сăмахне манар мар.

Çирĕмри пек чĕре çунмасан та

Ыталар пĕр-пĕрне, чуптăвар!

 

«Юрататăп» тесе каламашкăн

Йывăр мар-çке пачах, тусăмсем!

Пĕр сăмах чĕрене пыл хумашкăн

Пултарать, пултарать, ыр çынсем!

 

Пĕр-пĕрне нихăçан ан вăтанăр

«Юрататăп» теме, тусăмсем!

Чи таса туйăма ан пытарăр —

Пархатарлă савма пĕлнисем!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: