Элмен айăпĕ

Петĕр Ялгир | Сăвă


Чăвашсемшĕн тăрăшнă пекрех

Вăл хăйне ялан кăтартнă.

"Автономи тăвăпăр" тесех

Хăть ăçта сăмах çаптарнă.

 

Етĕрне чăвашĕ пулнăран

Тăрăшнă хăй вирьялсемшĕн.

Чĕмпĕре столица тăвасран

Çав тери хăранă мĕскĕн.

 

Савандеев — Анатсен асли —

Элмене пит шиклентернĕ.

Чĕмпĕре туман чăваш хули,

Ленин сĕннине сивленĕ.

 

Илнĕ кĕпĕрне хулисене:

Пушкăрт Ĕпхĕве ал панă,

Тутар тытнă Хусан элемне, —

Уншăн савăнса ташланă.

 

Пире лекнĕ уес хули çех.

Эпĕр пит нумай çухатнă.

Чăвашсен çурри куçкĕретех

Пирĕнтен уйрăлса кайнă.

 

Вырăса е тутара тухса

Хăш чăваш пире шар кӳнĕ.

Элмене хăть халĕ ылханса

Лăплантăр-и чăваш чунĕ.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: